Jrm. 21:4 - Yus Papí: Shuarja̱i̱ Yus Yamaram Chicham Najanamu

⁴ ‘Israera Yusri̱ Uunt Yus jú̱nis tawai “Mesetnum mánitiai takakrumna nunak atumniak Wi ipijmiamtikiatajrume. Papirúnianmaya̱ úunt akupniuja̱i̱ mániarmena núnaka Kartíu aentsnasha tanishnum a̱a̱ áreṉka matsatrumna nui̱ Wi jú̱ pepru ajapéri̱n irurtatjai.

Jrm. 21:4 Iomraidhean Croise

Isa. 13:4

Untsurí nuṉkanmaya̱ tí untsurí aents iruntramua núnin naintia ántuwawai. Mesetan émtuku Uunt Yus Ni suntari̱n mesetan iwiarnatkarum iyaak túrawai. Tura Uunt Yussha núnisaṉ emeskartin ainia nusha yajaya̱ nayaimp náṉkatkamunmaya̱ áiniawai. Kame Ni kajetáiri̱n uminiak nuṉkan takamtsuk emeskarat tusar untsukarma áiniawai. Uunt Yusa tsawantri̱ jeá asamtai ashamakrum áyawa titiarum. Warí Ashí Tujintkiachu Yusa emeskatniuri̱ áchattuak. Tuma asamtai ashí aents sapijmiakartatui tura nuwa̱ uchin takustaj tusa najaimiana tímiatrus najaimiakartatui. Túmainiak ti sapijmiakar mái̱ iiniai ajartatui.

Isa. 5:5

Wats yamaikia Winia uwa ajarun warí itiurkattaja nuna ujaktatjarme. Yamaikia wenuke̱ncha sa̱a̱rkittiajai túram amukma átatui. Tura tanishri̱ncha sa̱a̱rkittiajai túramtai yajasma naja̱trartatui.

Jrm. 20:4

Uunt Yus jú̱nis túramui “Nekaata Wi ámin tura ashí ame amikruminiasha ashammai awajsattajme. Ame nemasrumi puya̱ri̱ji̱a̱i̱ iniartatme tura ame ji̱mi wáinkiartatui. Tura ashí Jutá Papirúnianmaya̱ úunt akupniu uwejé̱n íktusan iniaisattajai. Ni Papirúnianam jukittiawai tura puya̱ja̱i̱ akantatui.

Jrm. 21:3

Nuna takui̱ Jirimías aya̱k “Setekías chicharkuram

Jrm. 32:24

Wats iistá, wénuk yumputaiji̱a̱i̱ yumpuṉki̱ waya̱war akintrutmaktai tusar ii pépruri̱n tíjiu̱ch ajasárai. Tura Papirúnianmaya̱ aentsja̱i̱ mániawarat tusa íktusmaiti. Núnisaṉ puya̱ja̱i̱ mantamnatniun tura tsukaja̱i̱sha nuyá̱ ijiaja̱i̱sha wáitsartatui. Ame chichakmiamna nuka ímiatrusaṉ jeariarai. Wats, ámeka iyaame.

Jrm. 32:3

Warí, Jutanmaya̱ úunt akupin Setekías Jirimíasnaka achik chichaak “¿Urukamtai chichaakum ‘Uunt Yus tawai yamaikia nekaata, jú̱ peprunka Papirúnianmaya̱ úunt akupniu uwejé̱n íktusan iniaiyajai. Túram ata̱i̱ttiawai.

Jrm. 32:5

Tura Setekíaska achikiar jukimiu Winia chichamur umiimiam wáitkiasma Papirúnianam pujustatui. Wi Uunt Yus asan núnaka tájame. Tura Kartíu aentsja̱i̱ mániakrumsha péṉker jintiurmakchattarme’ tuusha etseram?” tímiayi.

Jrm. 33:5

‘Warí, Kartíu aentska mániktaj tusa wininiawai tura aentsu aya̱shí̱n utuami ikiukiártatui. Winia kajetáirja̱i̱ tura suíruja̱i̱ akaṉkáram kajinkiarmiayi. Kame ju̱ péprunmaya̱ṉka imiá yajauch túrin armia nuja̱i̱ Winia yapirnaka ú̱rkarmajai.

Jrm. 35:17

Tuma asamtai Ashí Akupin Uunt Yus Israera Yusri̱ jú̱nis tawai. Jutancha tura Jerusaréṉnum matsatainia nú aentsnaka ashí ni yajauchiri̱n wáitkiasartatjai tusan ujakáruitjiai. Núja̱i̱sha anturtukcharmai. Untsukarmajai túramaitiat ái̱rkacharmai” tímiayi.

Jrm. 39:3

Tura Papirúnianmaya̱ úunt akupniu uuntri̱ armia nu ashí utsantuawarmiayi túrawar waiti ajapéri̱n pujursarmiayi. Nerkarsaresér, Samkarnépu, Rapsaris Sarsekím, Rapmak Nerkarsaresér tura nuyá̱ Papirúnianmaya̱ úunt akupniu uuntri̱ ashí armia nui̱m ármiayi.

Jrm. 52:18

Núnisaṉ ichiṉnancha nuṉka shikitiáincha kaí̱ri̱ tsaurtai̱ncha shikitiáincha tura yaṉkú jiruja̱i̱ najankamu takakmatai̱ armia núnaka ashí yaruakarmiayi.

Ukan. 2:3

Ni kajekar suir kajenkamuri̱ji̱a̱i̱ Israer shuara kakarmari̱n ashí jurusmiayi. Tura mesetnum ni nemasri̱ji̱a̱i̱ mániniakui yaimia núnaka iniaisámiayi. Tura Jakupnaka kajerak ji keek aeseana aitkias nui̱ pujuinia nuí̱miak ashí amukármiayi.

Ukan. 2:5

Uuntka ni nemasri̱ya̱ áintsaṉ ajasmai túmak Uunt Israernaka emeskamai. Úunt akupin pujutai̱ jeancha emesak wenuke iwiartukar utúachmin awajsamu ainia nunasha akatúrmai. Túrak Jutá nawantri̱ kúntuts pujustintri̱ncha tura waitiakur jakamnia nekapratniuncha nuna nukap awajtúsmiayi.

Ukan. 2:7

Uuntka aestutairi̱ncha nakitramiayi Ni Shiir Awajtai̱ Je̱a̱ncha muí̱jkiamiayi. Tura úunt akupin pujutai̱ je̱a̱runcha a̱a̱ya̱ tanishri̱nkia ni nemasri̱n íiktus iniaisarmiayi. Tura nampertin urukin ainia núnisar Jiuwá je̱e̱ncha charaatum ajarmiayi.

Isk. 39:3

Ame menaarmiji̱a̱i̱ tíshimiuk takakmena nuna kupirkattajme. Túran naṉki untsuurumji̱a̱i̱ takakmena núnasha nuṉká aju̱ntrattajme.

Sak. 14:2

Warí, nu tsawantin ashí nuṉkanmaya̱n Jerusaréṉja̱i̱ mánikiarat tusan irurartatjai. Túram nu péprun nupetkar ni je̱e̱n utsantuawar ashí kasarar ni nuwe̱ncha yajauch awajtúsartatui. Túrawar nui̱ pujuinia núnaka jímiapetek akankar chíkich nuṉkanam yarumainiak tura chikichnaka nui̱ṉ ujukartatui.

Mat. 22:7

Túramtai úunt akupin ti kajek ni suntari̱ mash mátarum túrarum ni je̱e̱ mash ekemáktarum tusa akupkarmai.