Jrm. 21:10 - Yus Papí: Shuarja̱i̱ Yus Yamaram Chicham Najanamu

¹⁰ Warí Uunt Yus chichaak ‘Ju̱ pépruka péṉker túrawarti tátsujai antsu yajauch túrawarat tusan kajerkarjai. Tuma asamtai Papirúnianmaya̱ úunt akupin ekemakti tusan íktusjai.’

Jrm. 21:10 Iomraidhean Croise

YKan. 34:16

Uunt Yuska tuke yajauchin túruinia nuna kajerainiawai. Tuma asa nuka enentáimtushtai̱ árat tusa iwiaakmari̱n juruiniawai. 1 Pit. 3:12

Jrm. 26:6

antsu nui̱ṉkia Uunt Yusa Je̱e̱nka Sírun itiurkamaj nútikiattajai. Tura ashí nuṉkanam iismasha ju̱ pépruka yajauchiji̱a̱i̱ yumiṉkramu átatui” tawai Uunt Yus’” tímiayi Jirimías.

Jrm. 33:5

‘Warí, Kartíu aentska mániktaj tusa wininiawai tura aentsu aya̱shí̱n utuami ikiukiártatui. Winia kajetáirja̱i̱ tura suíruja̱i̱ akaṉkáram kajinkiarmiayi. Kame ju̱ péprunmaya̱ṉka imiá yajauch túrin armia nuja̱i̱ Winia yapirnaka ú̱rkarmajai.

Jrm. 34:2

“Wi Uunt Yus Israera Yusri̱ asan akupeajme. Setekías Jutanmaya̱ úunt akupin werim ujakum ‘Uunt Yus jú̱nis túramui timi ikiuta. Nekaata Wi ju̱ péprun ekemakat tusan Papirúnianmaya̱ úunt akupniui̱ íktusan iniaiyajai.

Jrm. 34:22

Pai, yamaikia mesetan iniaisarma nu suntarnaka ju̱ péprunam wi atak taartí tusan akupkáttajai. Tura mánaikiar utsantua jiji̱a̱i̱ ekemákartatui. Tura Jutá nuṉkanmaya̱ pepru írunna nuna emeskan pujuschamnia awajsartatjai.’ Wi Uunt Yus asan tajai” tímiayi.

Jrm. 38:17

Nuiṉkia Jirimías Setekíasan chicharuk “Ashí Akupin Uunt Yus Israer shuara Yusri̱ya nu chichaak ‘Papirúnianmaya̱ akupniu suntari̱n yamaichik surumakmeka iwiaaku átatme tura péprusha áesnashtatui. Nuiṉkia amesha tura ame shuarumsha iwiaaku pujustatrume.

Jrm. 38:18

Antsu Papirúnianmaya̱ akupniu suntari̱n surumachkumni̱ṉkia ju̱ pépruka Kartíu aentsri̱n surukma átatui. Tura ekemákartatui. Nuyá̱ amesha níya̱ṉka peṉké uwemprashtatme’” tímiayi.

Jrm. 38:23

Tura ashí ame nuwemsha uchirmesha Kartíu aentsnum surunkartatui. Amesha Papirúnianmaya̱ akupniúri̱ya̱ṉka pisarchattame antsu achikma átatme. Núnisaṉ jú̱ pepruka áesamu átatui’ tawai Yus” Jirimías tímiayi.

Jrm. 38:3

Imiá nekas ju̱ péprunka Papirúnianmaya̱ akupniu suntari̱n íktustatjai túram akintkiartatui’ Uunt Yus tu tíniuiti” tímiayi.

Jrm. 39:16

“Wetá túram Itiupíanmaya̱ Ewitmirík chichasta ‘tura Ashí Akupin Uunt Yus Israera Yusri̱ jú̱nis túramui titiá. “Nekaata Winia chichamprun umíajai ju̱ pepru yajauchiji̱a̱i̱ tura nu tsawantini̱ṉ ame pujamunam uminkiattawai.

Jrm. 39:8

Tura Kartíu aents armia nu úunt akupniu je̱e̱n ekemátkarmiayi tura péprunam je̱a̱ iruniarmia núnaka tura núnisaṉ Jerusaréṉka tanishri̱ncha sá̱a̱kiarmiayi.

Jrm. 44:11

Tuma asa Ashí Akupin Uunt Yus Israera Yusri̱ chichaak ‘Nekaata, Wi atumniaka yapíattajrume yajauch awajsattsan tura Jutanka emeskattajai.

Jrm. 44:27

‘Ju̱sha nekaata. Kame niṉkia Wi wainiainiajai túrasha péṉker árat tusancha antsu emeskartajtsan. Jutanmaya̱ shuar Ejiptunam ashí matsatáinia nuka chikichkisha juáka̱i̱ṉ tusar mesetja̱i̱ tura tsukaja̱i̱ amú amú awajnásartatui.

Jrm. 52:13

Tura Uunt Yusa je̱e̱ncha núnisaṉ úunt akupniu je̱e̱ncha tura je̱a̱ Jerusaréṉnum írununcha ekemainiak ashí je̱a̱ uunt armia nunasha ekemármiayi.

Riw. 17:10

Áintsaṉ Israer shuar nuíchusha yajaya̱ aents atumji̱a̱i̱ pujuinia nu numpá yuan wainkianka nuja̱i̱ maamnia ajasu asamtai kajerkan Israer shuarnumia̱ṉka ji̱i̱ki̱ akupkáttajai.

Riw. 26:17

Wisha nuya̱ṉka atumniaka kajerkattajrume túrunawakrumni̱ṉkia atumí nemasri̱sha nupettamkattarme. Átum muí̱jiarmena nuke atumí uuntri̱ ajasártai túrasha átumka apapéachmatiatrumek ántrarum pisattarme.

Ams. 2:5

Tuma asamtai Jutanka jiji̱a̱i̱ akupniu je̱e̱ Jerusaréṉnum ainia nunasha ekemátrartatjai”.

Sak. 1:6

Túrasha Winia chichamprun tura akupkámurun Wíniana nuna etserniurja̱i̱ jintíamajna núnaka ¿atumí we̱a̱trí̱ṉkia antukcharmakia? Tuma ásar ataksha enentáimprar chichainiak ‘Ashí Akupin Uunt Yus ii túramuja̱i̱ tura wekasamuja̱i̱ métek asutiámji’” tiármiayi.