Jrm. 20:6 - Yus Papí: Shuarja̱i̱ Yus Yamaram Chicham Najanamu

⁶ Tura ame Pashurá ashí ame je̱e̱min pujuinia nui̱m achik juramkiartatui. Papirúnianam waya̱ttame túram nui̱ jakattame. Tura nui̱ waitruam etserkaitmena nuja̱i̱ amesha tura ashí ame amikrumji̱a̱i̱ iwiartamsartatui” tímiayi.

Jrm. 20:6 Iomraidhean Croise

Jrm. 14:13

Nuyá̱ chichaakun “Maa Ashí Uuntri̱ Uunt Yusá nekaata. Yúsnan etserin ainia nu chicharainiak ‘Mesetcha atsuttawai tsukasha atumínkia tarutrámchartatui antsu ju̱ nuṉkaka nekas aṉkant matsamsatniun suramsattarme’ ujak tuíniawai” tímiajai.

Jrm. 20:1

Yúsnan pujurin Imira uchirí̱ Páshur Uunt Yusa Je̱e̱n pujurniu peṉkeri̱ya̱nia nu Jirimías etsermia nuna antukmiayi.

Jrm. 20:4

Uunt Yus jú̱nis túramui “Nekaata Wi ámin tura ashí ame amikruminiasha ashammai awajsattajme. Ame nemasrumi puya̱ri̱ji̱a̱i̱ iniartatme tura ame ji̱mi wáinkiartatui. Tura ashí Jutá Papirúnianmaya̱ úunt akupniu uwejé̱n íktusan iniaisattajai. Ni Papirúnianam jukittiawai tura puya̱ja̱i̱ akantatui.

Jrm. 23:32

Wats ju̱sha nekaata tawai Uunt Yus. Kame Yúsnan etserin mesekar wait ainia nuna etserainiak ni waitri̱ji̱a̱i̱ yuminchin chichasar Winia shuarun awajimtikiainia nuna yamaikia kajerkarjai. Warí Wikia akuptancha akupkacharuitjiai núnisaṉ warí péṉkernaksha jú̱ peprunka peṉké itiarchartatui” tawai Uunt Yus.

Jrm. 29:32

Tuma asa Uunt Yus jú̱nis chicharuk ‘Nekaata. Tuma asamtai Semayásan Nejeramnumia̱n ní shuari̱miak wi asutiáttajai. Túran ní aentskesha chikichkiksha juákchattawai tura Winia shuarun péṉker awajsartatjana nunasha wáinkiashtatui. Warí Uunt Yus umirkashtinian útsukuiti’” tímiayi Uunt Yus.

Jrm. 5:31

Tuma ásar Yúsnan etserin ainia nusha waitruá etserainiawai tura Yúsnan pujurin áiniana nusha ní enentái̱ji̱a̱i̱ṉᵏⁱ jú̱nisar túratai tuíniawai. Tura Wi shuarsha nuna wakeruiniawai. Túrasha ni amuukatniuri̱ jeamtaisha atumsha ¿warí itiurkatarmek?

Ukan. 2:14

Atumí Yúsnan etserniuri̱sha nekascha nuna tura wáurtaincha wáinkiaruiti. Tura átum achintrar junaktinian nékainiayat atumí tunaarí̱n nekaartamacharmai. Antsu ujatmákmin áyat wait chichaman imiamtikramprattsa ujatmákarmai.

Riw. 26:17

Wisha nuya̱ṉka atumniaka kajerkattajrume túrunawakrumni̱ṉkia atumí nemasri̱sha nupettamkattarme. Átum muí̱jiarmena nuke atumí uuntri̱ ajasártai túrasha átumka apapéachmatiatrumek ántrarum pisattarme.

Sak. 13:3

Kame ‘ukunam ju̱ túrunattawai’ tusa yaaksha étserkuiṉkia aparí̱ nukurí̱ji̱a̱i̱ nin yajutmararuk ‘Uunt Yusa náari̱ji̱a̱i̱ waitruá etserka asam jakattame’ tiártatui. Tura ni uchirí̱ étserkui aparí̱ nukurí̱ji̱a̱i̱ nin yajutmararuk naṉkiji̱a̱i̱ ijiú weak máwartatui.

Muis. 28:25

Uunt Yus tsaṉkampramkakrumin atumí nemasri̱ nupettamkattarme. Tura iruntrarum ashinkiayatrum nini̱ya̱ṉka tsakiṉmakarum pisaktatrume. Núnisrumek ashí nuṉkanmaya̱ aents yajauch iisma átatrume.