Biblia Todo Logo
Bìoball air-loidhne

- Sanasan -




Jrm. 20:5 - Yus Papí: Shuarja̱i̱ Yus Yamaram Chicham Najanamu

5 Núnisnak péprunam ashí kuítrum írunna tura takatrumiya̱ nerea nuna tura ashí shíirmach ainia núnaka íktusan iniaisattajai. Núnisnak Jutanmaya̱ úunt akupin ainia nuna ashí kuítri̱n ni nemasri̱ uwejé̱n íktuan iniaisattajai. Túramtai utsantua warirí̱ atantar Papirúnianam júkiartatui.

Faic an caibideil Dèan lethbhreac




Jrm. 20:5
24 Iomraidhean Croise  

Pai, antukta. Jiuwá chichartamuk ‘Nu tsawant átatna nui̱ṉkia ame je̱e̱min írunna nuna núnisaṉ ame we̱a̱trum warinia yamaisha tura yáunchusha ikiurtámkiarmia núnaka Papirúnianam ashí yarutramkartatui. Túrutmawarmatai ámeka aya jú̱nik juáktatme.


Atsamunam ashí naint írunna nuyá̱ ashí emeskartinkia káunkaruiti. Yamaikia iwiaaku ainia nu péṉker aṉkant pujusártinkia peṉké atsawai. Warí, nuṉka jú̱ náṉkatkamunmaya̱ juarki̱ atú náṉkatkana tímianaisha Uunt Yusa puya̱ri̱ ashí amukártatui.


Nuiṉkia ame tunaarumiin ame kuítrum tura ashí kuit áiniana nu émamkesar ikiusma ashí ame nuṉkemíin írunna núnaka peṉké antraṉ atantrarti tusan íktusan iniaisattajai.


Nainniumsha tura pakarí̱ncha ni áestutairi̱ irunainiawai. Kame átumka naint írunna nui̱ ashí atumí nuṉke̱n tikishmátin asakrumin atumí kuítri̱nkia atantramar ashí yarurkarti tusan súsartatjai.


Ii aparí̱ tí kakaram takasar wáinkiarmia núnaka, muriknasha waakancha uchirí̱ncha tura nawantri̱ncha, iikia najankamu yus natsanmai̱ áiniana nu wakerakur natsanmaya̱ juárkimiuk amuturmaki̱ winitrámainiaji.


Wats iistá, wénuk yumputaiji̱a̱i̱ yumpuṉki̱ waya̱war akintrutmaktai tusar ii pépruri̱n tíjiu̱ch ajasárai. Tura Papirúnianmaya̱ aentsja̱i̱ mániawarat tusa íktusmaiti. Núnisaṉ puya̱ja̱i̱ mantamnatniun tura tsukaja̱i̱sha nuyá̱ ijiaja̱i̱sha wáitsartatui. Ame chichakmiamna nuka ímiatrusaṉ jeariarai. Wats, ámeka iyaame.


Tura Setekías úunt akupin ajas aunse uwí pujái̱ tura nántuka kuatru ámanum tura nantu nuiwi tsawant ajasu ai̱ pepru tanishri̱n sá̱a̱rkiar chiṉkiawarmiayi.


Tura Kartíu aents armia nu úunt akupniu je̱e̱n ekemátkarmiayi tura péprunam je̱a̱ iruniarmia núnaka tura núnisaṉ Jerusaréṉka tanishri̱ncha sá̱a̱kiarmiayi.


Warí emeskamuitiat nuna naṉkaamas emesnaki̱ wéawai túmak nuṉkasha aya jú̱nik atsá awajnaki̱ wénawai. Aya aneachma winia pujutái̱rsha aya jú̱nik atsá ajasárai tura winia jutai̱ je̱a̱rsha núnisaraṉ túramu áiniawai.


Tura nemassha Ame Je̱e̱min ashí shíirmach írunna nuna kasamak yaruakarai. Tura Winia Shiir Awajtai̱ Je̱a̱rui̱ waya̱charti Ame tímiam nui̱ uunt mátsatkamunmaya̱ ainia wáinian Jerusaréṉsha wainkiayi.


Jerusaréṉnumia̱ aentska ni nemasri̱ achiram yaki yaiṉkiat. Nui̱ umiktinian nakitrarmia nuna wáitsartin tsawant armia nunasha enentáimtusar tura yaunchu péṉker wakerú ajamnian takaku armia nuna enentáimturarmiayi. Jerusaréṉ iniarmatai ni nemasri̱ iisar wishikrarmiayi.


Nuyá̱ Jutá úunt akupniuri̱ Juasimian tura Yusa Je̱e̱n takatai̱ shíirmach najankamu irunmia nunasha yaruak Senar nuṉkanam ni yusri̱ je̱e̱n ikianak ni yusri̱ kuit ikiutai̱ je̱a̱nam ikiusti tusa Uunt Yus Napukutunusúran tsaṉkatkamiayi.


Kame Eprain Israer shuarja̱i̱ pampaakuisha Úunt Yusai̱ya̱ kampuntin atsú nuṉkanmaya̱ nase tarí ni entsari̱ncha tura púkuniri̱ncha kukach awajtúsartatui. Túrunamtai ni nemasri̱ káutkar ni kuítri̱ncha tura ni wariri̱ncha ashí yarurkartatui.


Lean sinn:

Sanasan


Sanasan