Jrm. 20:4 - Yus Papí: Shuarja̱i̱ Yus Yamaram Chicham Najanamu

⁴ Uunt Yus jú̱nis túramui “Nekaata Wi ámin tura ashí ame amikruminiasha ashammai awajsattajme. Ame nemasrumi puya̱ri̱ji̱a̱i̱ iniartatme tura ame ji̱mi wáinkiartatui. Tura ashí Jutá Papirúnianmaya̱ úunt akupniu uwejé̱n íktusan iniaisattajai. Ni Papirúnianam jukittiawai tura puya̱ja̱i̱ akantatui.

Jrm. 20:4 Iomraidhean Croise

2 Akup. 25:7

Nuyá̱ ni uchirí̱nkia nisha íimiai̱ṉ suen tsupirkar máwarmiayi. Antsu Setekíasnaka ji̱ ukuitrar yaṉkú jiruja̱i̱ jiṉkiawar Papirúnianam júkiarmiayi.

YKan. 73:19

¡Aya aneachmanum jú̱nik juákaru áiniawai! Tura tí sapijmiakaru ajasár amukaru armai.

Jrm. 13:10

Yajauch aents Winia chichamprun umiktinian nakitiáiniak ní enentái̱ji̱a̱i̱ṉ chíkich yus áiniana nuna shiir awajainiak tikishmátainia ju̱ aentsnaka akachumtai̱ mamurua núnis peṉké ántar awajsartatjai.

Jrm. 19:15

“Ashí Akupin Uunt Yus Israera Yusri̱ chichaak ‘Nekaatarum, tí wáitsatniuja̱i̱ asutiáttajrume tímiajrumna nuna yamaikia ju̱ péprunam tura ashí niji̱a̱i̱ írutra matsatainia nui̱ akupeajai. Wari, ni enentái̱ ti kátsuram ajasármatai Winia chichamprun antuktinniasha peṉké nakitiáiniawai’ tawai Israera Yusri̱” tímiayi Jirimías.

Jrm. 20:6

Tura ame Pashurá ashí ame je̱e̱min pujuinia nui̱m achik juramkiartatui. Papirúnianam waya̱ttame túram nui̱ jakattame. Tura nui̱ waitruam etserkaitmena nuja̱i̱ amesha tura ashí ame amikrumji̱a̱i̱ iwiartamsartatui” tímiayi.

Jrm. 25:9

yamaikia ashí shuar arakaani̱ matsatainian tura winia takartinian Papirúnianmaya̱ úunt akupniun Napukutunusúran ashí shuar ju̱ nuṉkanam matsatainia nuna ántsanak nui̱ ayaam pujuinia nunasha káutkar mesetan najatawarti tusan útsukartatjai. Nuyá̱ emeska amukan áujmattsar wishiktai̱ tura peṉké atsá awajsattajai.

Jrm. 29:21

Ashí Akupin Uunt Yus Israera Yusri̱ tawai. Kuriasa uchirí̱ Akaap tura Masíasa uchirí̱ Setekías winia náarun pachisar ántar etserainiawai. Nekaatarum. Wi Papirúnianmaya̱ úunt akupniu Napukutunusúra uwejé̱e̱n íktusan iniaisattajai. Túramtai atumsha íimprumni̱ṉ Akaapan Setekíasja̱i̱ máwartatui.

Jrm. 52:24

Núnisaṉ úunt akupniu wainniu úuntri̱ṉkia Yúsnan pujurniu uuntri̱ Serayásan nuyá̱ Yúsnan pujurniu uuntri̱ pátatkari̱ Supuniásnasha tura waiti wáinniuncha menaintiun achikiármiayi.

Jrm. 52:27

Tura Amat nuṉkanam Rípranam Papirúnianmaya̱ úunt akupin íjiuar máwarmiayi. Túrawar Jutanka achirar ni nuṉke̱ya̱ yajá júkiarmiayi.

Jrm. 6:25

Kampunniumaani̱sha tura jintiaksha wérap. Warí ii nemasri̱ puya̱ri̱ṉkia tura tsuumai̱ sapijmiakmin ainia nusha náṉkamas yujainiawai.