Jrm. 20:12 - Yus Papí: Shuarja̱i̱ Yus Yamaram Chicham Najanamu

¹² Ashí Akupin Uunt Yus Yusan enentáimtin ainia nuka nekapsam íiniaitme túram ni enentái̱sha tura enentáimtairi̱sha nekarainiame. Kame iniaitiusta wisha Ame yapajkiartatmena nuna íistaj. Tuma asan Amiin winia itiurchatrun ikiusjai.

Jrm. 20:12 Iomraidhean Croise

YKan. 11:5

Péṉker túrin ainia nuna Uunt Yuska nekapas iyawai. Tura yajauch shuar ainia nuna wakaní̱nkia nakitniuiti tura yajauchin turuujat nekapin ainia nunasha muí̱jniuiti.

YKan. 139:23

Yusá, winiasha íirsata, winia enentái̱rsha nekartuata. Tura winia enentáimsamurui̱sha yajauchia nusha péṉker nekamtikruata.

YKan. 17:3

Kame kashi iirsattsam tame winia enentái̱rsha émamkesam iirtusuume. Tura émamkesam iirsamsha yajauchikia peṉké waitrukchame. Warí, wiki enentáimtumasan náṉkamsaṉka chichakchatjai tumamniuitjiai.

YKan. 54:7

Ashí jakamnia nekapeamunmaya̱ aṉkant awajtúsu asakmin wisha íi pujai̱ṉ winia nemasruncha nupetkarun wáinkiarmajai.

YKan. 58:10

Péṉker enentáimkia nuka yapajmiátkam nekáa warastatui tura Yusan enentáimtichua nuna numpe̱n naweja̱i̱ amuturtatui.

YKan. 59:10

Winia waitnentrin Yuska winia ayamprutkattsa eem weruttiatui. Tura Yuska winia nemasrun nupetmattruk wi wakeramun túrattui.

YKan. 62:8

Maa, aentstiram ashí tsawant Ni enentáimtusrum nákastarum túrarum atumí itiurchatri̱ ujaktarum. Warí Yuska ii u̱mtairi̱nti. (Séraj)

YKan. 7:9

Yusan enentáimtichu ainia nuna yajauchiri̱nkia amukati tura péṉker túrin ainia nuka péṉker wáinkiata. Yuska péṉkeran túrin asa aentsu enentáincha tura enentáimmiancha nekapas iyawai.

YKan. 86:4

Ame takartámniu wakaní̱sha waramtiksata. Warí Uuntá winia enentái̱rnaka Ámin íktusjame.

Jrm. 11:20

Tura Ashí Akupin Uunt Yusá nekasa nuja̱i̱ métek túrutai̱ji̱a̱i̱ sumamtikniuitme. Túram enentáimtai̱sha tura enentáisha nekapsa iisam nekarainiame. Ni yapajkiartatmena nuna wisha íistaj iniaitiusta. Warí winia itiurchatrunka Ámin paant ujakuitjiame.

Jrm. 12:8

Winia nuka kampunniunmaya̱ úunt ya̱wa̱ núnin ajatrúsuiti. Winia kajertuk kakantar chichaku asamtai Wisha nútiksanak muí̱jkiaitjiai.

Jrm. 17:10

Wikia Uunt Yus aentsu enentáinkia émamkesan iirainiajai. Tura enentáimtairi̱nkia nekapsan iirainiajai. Tura asan ni wekasarmaja̱i̱ tura ni túramu urukuit nuja̱i̱ métek aṉkant aṉkant akiktiniaitjiai.

1 Pit. 2:23

Kátsekeamsha Niṉkia katsekachmiayi. Wáitkiamsha “yapajmiáktaj” tíchamiayi. Antsu “winia Apar Yus iistí” tímiayi Yus péṉker túrin asamtai.

1 Pit. 4:19

Tuma asamtai Yus wakeramuja̱i̱ wáitiainia nu, nisha Yus najanamu asa Yus íirsati tusa tuke péṉker túrati. Warí, Yuska tuke péṉker túrichukait.

Apu. 18:20

Antsu nayaimpiniam pujarumna nu, ashí Yus akatrámutirmesha, ashí Yusna etserniutirmesha tura ashí Yus shuar árumna nu ni wáitsamuja̱i̱ warastarum. Nu wáitsamuja̱i̱ atumín yajauch awajtámsamarmena nuna yapajtiúrmakurme” tiarmai.

Apu. 2:23

Ni uchirí̱ncha mantuattajai. Nuja̱i̱ ashí Yus shuar Wi nekas shuara enentái̱n nékaitjia nuna nekaawartatui. Atumniasha chikichik chikichik takasmaja̱i̱ métek akiktatjarme.

Apu. 6:10

Nusha kakantar untsumainiak tiarmai “Uuntá, tí peṉker asam támena nu umíatsmek. ¿Urutíak nuṉká pujuinia nú shuar ii mantamnamunam yapajmiátruktam?” tiarmai.

1 Sam. 1:15

Túrasha Ana aya̱k “Núchaiti uuntá. Winiuncha tura awartiuncha nampekchaitjiai antsu wikia wait ajá pujú nuwa̱itjiai. Tuma asan Uunt Yusan tí kuntuts enentáiji̱a̱i̱ seajai.