Jrm. 20:10 - Yus Papí: Shuarja̱i̱ Yus Yamaram Chicham Najanamu

¹⁰ Untsurí aents tsanumprutainian antukuitjiai. Ashamkatniuka ashí nuṉkanam awai. ¡Werí etsertuktarum, etsertuktarum! Ashí winia amikrusha unuk tiinti tusar nákarainiawai. Chichainiak “Anaṉkarkia maak túrar ni nupetkashtajiash túrar nuiṉkia yapajkiatai” tuíniawai.

Jrm. 20:10 Iomraidhean Croise

1 Akup. 19:2

Nuna antuk Jisawír aentsun akatar Iríasan akuptuk “Ántar yus áiniana nu asuttiuáwarti tura kashin ju̱ni̱ ai̱ ame yúsnan etserin itiurkarmam nútiksanak wisha ámin túrachmataiṉkia nuna núkap ántar yus ainia nu asuttiuáwarti” tímiayi.

1 Akup. 21:20

Nuna antuk Akaap Iríasan chicharuk “¿Winia nemasru, yamaikia wáitkiachumek?” tímiayi. Tutai Irías chicharuk “Ee, Uunt Yus íimmianumsha peṉké netse túratin surumatka asakmin yamaikia wainkiajme.

1 Akup. 22:27

Tura chicharkum ‘Akupin chichaak “Wi aṉkant ajasa táamam jú̱naka sepunam eṉkeawar páṉnasha tura entsancha ishichik súsarti” tawai’ titiá” tímiayi.

1 Akup. 22:8

Takui̱ Israera akupniúri̱ Jusapátan aya̱k “Kame aents chikichik Yúsnan etserin awai. Tura Uunt Yussha warí tawa nuka niini̱ nekaamnaitji. Túrasha wikia ninkia peṉké muí̱jiajai. Warí niṉkia péṉkera núnaka peṉké turuttsuk aya yájauchiniak ujatniuiti. Nuka Impra uchirí̱ Mikiayásaiti” tímiayi. Takui̱ Jusapát aya̱k “Atsá, úunt akupniuka nuni̱ṉkia chichakchatniuiti” tímiayi.

YKan. 31:13

Untsurí aents yajauch áujmatruinian anturmammiajai túmainiak mantuatai tusar iruntrar chichaman najatruiniakui sapijmiamjai.

YKan. 31:14

Túmaitkiuisha Jiuwaá wikia Amiiniak nekas enentáimtajme. “Winia Yúsruka Ameketme” tájame.

YKan. 41:10

Túrasha Uunt Yusá Ame waitnentruram iniantuktia. Túrutawakminkia wisha yapajmiáktaj.

YKan. 41:9

Winia tí peṉker amikiur péṉker enentáimtiniuj nu tura wiji̱a̱i̱ yurumniu nuke íksaṉ nemasur ajasmai.

YKan. 57:4

Winia iwiaakmarka úunt ya̱wa̱ riún írunna núninnium pujawai. Nu yukartin ainia nui̱ apujsamuitjiai. Kame aentsu nai̱ṉkia tura tíshimkiunam eketkar ekentai̱ naṉkia núnin áiniawai. Núnisaṉ ni iniai̱ṉkia puyá̱ atsakamua núnisaiti.

Neka. 10:18

Kajeayat nekasa tímiatrus péṉker chichaawa nuka wáitriniaiti. Tura wekas áujmatkartinkia nétsete.

Isa. 29:21

Núnisaṉ chichame̱ja̱i̱ aentsun ántar makú ainia nusha tura pepru wá̱i̱ti̱a̱i̱ri̱n chichama iwiarin pujuinia nui̱ yajauch shuara nu tunamkachua nuna yáinian tsanumprinkia nuyá̱ péṉkera túrinian ántar chichamja̱i̱ anaṉkin ainia nuka mash amuukma ártatui.

Jrm. 1:19

Núnisaṉ ámiji̱a̱i̱sha mánaikiartatui túrasha Wi ámin uwemtikrattsan pujá asamtai peṉké nupettamkachartatui” tawai Uunt Yus.

Jrm. 11:19

Wikia murik peṉké kajechuch mátniunam júam urukniuit núnikmajai. Winia mantuatai tusa chichaman jurutainiak jú̱nis turutiarmai. Numi nérentiuk emesratai matsatainia nú nuṉkanmaya̱ṉka tsupinkiati túramka ni náari̱nkia atakka peṉké enentáimtunsashtatui.

Jrm. 11:21

Tuma asamtai Anatútnumia̱ shuar winia mantuataj chichartuiniak “Uunt Yusa naari̱ pachismeka etserkaip ii uwejé̱n jáka̱i̱m” turutainia nuna Uunt Yus chicharainiak

Jrm. 18:18

Takui̱ chichainiak “Káunkatarum Jirimías chícham najatawarmi. Warí, Yúsnan takarniunka chícham jintíamuka taáttsashtatui tura chicharkatniusha neka ainia nunasha taáttsachartatui. Ántsaṉ Yúsnan etserniuncha chíchamka taáttsachartatui. Pai yamaikia winitiárum jiakarmi túrar ni chichame̱ṉka peṉké anturkachartai” tiármiayi.

Jrm. 20:3

Kashí tsawa̱r Páshur Jirimíasan sepunmaya̱ jí̱i̱kmiayi. Tura Jirimías chicharuk “Uunt Yus áminkia Páshur tuuka anaitiamkachuiti antsu Makurmisapíp tu anaitiamkaiti” tímiayi.

Jrm. 37:13

Tura Piṉjiamín Wáitiniam jeá waiti wáinin awajsámuya nuna uuntri̱ nui̱ wajas Irijas náartin nui̱ pujumiayi. Ananíasa uchirí̱ Seremíasauyi. Tura nuna uchirí̱ Irijas Yúsnan etserniun Jirimíasan achik jukí̱ Jirimíasan chicharuk “Kartíu aentsnum wétatme.”

Jrm. 6:25

Kampunniumaani̱sha tura jintiaksha wérap. Warí ii nemasri̱ puya̱ri̱ṉkia tura tsuumai̱ sapijmiakmin ainia nusha náṉkamas yujainiawai.

Tan. 6:4

Tuma asamtai uuntri̱ armia nu tura sátrapa armia nusha itiurak Taniar ni akupeamuri̱ya̱ itiurchat awajsaintiaj tu enentáimsarmiayi. Túrasha nekas péṉker wekaak umin asamtai yajauch túramuncha núnisaṉ itiurchatri̱ncha peṉké wáitkiacharmiayi.

Ruk. 20:20

Warí itiurkarik akupniúnam Jesus yajauchi tsanumprurtai tusar mamikmau shuaran péṉker shuara núnisaṉ Jesusai̱n akupkarmiayi. Ni chichame̱ja̱i̱ṉ uuntka akupkatniun jeá asamtai nin suruktai tusar núnaka túrawarmiayi.

Tur. 24:13

Ju̱ aents ju̱i̱ matsatainia nu wíniaka peṉké turutchamnia áiniawai.

Tur. 5:33

Tutai nuna antukar ti kajerkarmiayi. Túrawar maatai tusar wakeriarmiayi.

Tur. 7:54

Israer shuarsha Estepaṉ tu chichaamu antukar tí kajerkar nai̱n kátetete awajiármiayi.