Jrm. 2:7 - Yus Papí: Shuarja̱i̱ Yus Yamaram Chicham Najanamu

⁷ Tura ashí írunna nu núnisaṉ péṉker yurumak yuámniuram tusan péṉker nuṉkanam atumniaka ikiankamjarme. Túramaitiatrum Winia nuṉkar átum amastinian anajmatramiajrumna nu yajauch mui̱jmiai̱ awajsarume.

Jrm. 2:7 Iomraidhean Croise

Jrm. 16:18

Tura yajauch túrutainiam nuyá̱ tunáa túrutainmasha nuyá̱ patakan akikiártatjai. Tura jakaa ainia nú yus mui̱jmiai̱ ainia nuja̱i̱ Winia nuṉkarun tí yajauch awajsaruiti tura Winia nuṉkarka mui̱jmiai̱ ainia nuja̱i̱ piákarai” tawai Uunt Yus.

Jrm. 3:1

Nuwa̱ ajapamu waketki̱ niniurtukua nu ataksha ní áishri̱ni̱ṉ waketkiti ¿tíminkiait? ¿Nu mátsatkamusha takamtsuk mui̱jmiai̱ ajatsuk? Núnisam ámeka kayá yus tikishmátraitme túmakum nuwa̱ untsurí áishmaṉja̱i̱ tsanirma núnisam tsanirmaitme. Túmayatmekek ¿Amiini̱ṉ waketkittiaj túrutam? túramui Uunt Yus.

Jrm. 3:2

Paṉkaim náintiaani̱ íimsakiá. Ámiji̱a̱i̱sha ¿tui̱ tepescharuit? Arapianmaya̱ aents kampuntin atsú nuṉkanam urukainia núnisam jintiasha aents nákakaruitme. Ame tsanirmakum tura yajauch túrakum nuṉkasha mui̱jmiai̱ amajkaruitme.

Jrm. 3:9

Kame ni tsanirmamuri̱ṉkia tiikia núkapchaiti tu enentáimias nu arantcha niṉkia kayaja̱i̱ tura numiji̱a̱i̱sha tsanirmamai túrak nuṉkancha peṉké mui̱jmiai̱ awajkámai.

Jrm. 32:23

Nuyá̱ nu nuṉkanam waya̱war nérentin ajasármai. Túrasha ame chichamuncha antukcharai. Akupkámurmiji̱a̱i̱ métekka wekasacharai. Túmainiak umiktarum tímiam nunasha umikcharai. Tuma ásarmatai ju̱ yajauchikia tsaṉkatkaruitme.

Jrm. 32:30

Warí Israer shuar tura Jutá shuarsha yajauchin túrawaru áiniawai. Kame Israera uchirí̱ṉkia natsa armia nuyá̱ juárkiar aya yajauch túratniunak Winia itit awajtústinian iniaisacharuiti. Antsu niṉki ni yusri̱n najanawar winia kajetáirun e̱a̱karu áiniawai” tawai Uunt Yus.

Wek. 13:27

Túrawar Muisaisan ujainiak nuṉka mamikmá ikiutarum tímiam nui̱ jeamji. Nusha nekas péṉker nuṉka ashí arak tsapáu asamtai muntsu míshkiji̱a̱i̱ entsa núnis akamunmasha tura nu nuṉkanmaya̱ nere̱nka ju̱i̱ti tiármiayi.

Muis. 21:23

ni aya̱shi̱ nui̱ṉ numiniam nenarum atsawe̱tsuk nu tsawantini̱ṉ iwiarsatniuitrume. Warí numiniam nenamua nuka Yusai̱ya̱ yumiṉkiaiti. Tura Uunt Yus atumín nuṉkan amasua nuna yajauch awajsa̱i̱ṉ tusarum túratniuitrume.

Muis. 32:9

Warí Uunt Yusna tesamuka ní shuarchakait. Tuma asa níniua nuka Jakup shuaraiti.

Muis. 6:18

Tura Uunt Yus íimmianum nekas péṉker tura naka nu túratarum. Túrakrumka péṉker pujustatrume. Núnisrumek Uunt Yus atumí úuntri̱n péṉker nuṉkan susattajai timia nui̱ jearmeka nu nuṉka ata̱i̱rum nérentin ajastatrume.