Jrm. 2:6 - Yus Papí: Shuarja̱i̱ Yus Yamaram Chicham Najanamu

⁶ Núnisaṉ Ejiptunmaya̱ yarurmak atsamunam aya ju̱ju̱ptinniumaṉ kíritniunmaṉ wa̱a̱ írunmanum áentskesha nuiṉkia pujushtai̱niam tura wekachatai̱nmaani̱ juramkimiajnia nu Uunt Yussha ¿tui̱ pujá? turutchamkarum.

Jrm. 2:6 Iomraidhean Croise

2 Akup. 2:14

Tura Iríasa pushiri̱ji̱a̱i̱ entsan kakantar awateak “¿Tui̱ pujá Iríasa Uunt Yusri̱sha?” tímiayi. Nuyá̱ awatmaja̱i̱ métek entsasha arakaani̱ tura nuṉkaani̱sha jímiapetek nakaak kukach ajasmatai Iriséusha katiṉmiayi.

YKan. 23:4

Paka kiritniunam jakamnianum wekaaknasha Ame winia tuke pujurta asakmin peṉké ashamkashtatjai. Warí murikiu wáinin ni wái̱ri̱ji̱a̱i̱ murikrí̱n ayamprúk tura murikiun á̱a̱rear péṉker jintianmaani̱ yarumna núnisam ayamprutkam péṉker jintianmaani̱ jurakum shiir enentáimtikruram ikiakáteame.

YKan. 77:5

Tura yaunchu péṉker pujutai̱ naṉkaamasu ainia nu, tura yaunchu uwí péṉker matsamtai̱ naṉkaamasu ainia nunasha yamái pujajnia ju̱ja̱i̱ apatkan enentáimtajai.

Jiin. 20:2

“Witjiai Uunt Yus ame Yúsrum Ejiptunmaya̱ íniakur wáitkiatai pujamin jí̱i̱kmiajmena nu.

Jrm. 2:2

“Jerusaréṉ péprunam weme ántuiniamunam kakantram chicharainiakum Uunt Yus chichartak ‘Áminkia tuke enentáimtajme. Natsa asamka péṉker enentáimtursamiame. Anajmarma aneṉkrata núnisam kampuntin atsú nuṉkanam arakmamusha atsuiniamunmasha péṉker enentáimtursam nemartusam wekasamiame.

Jrm. 2:8

Yúsnan pujurniusha Uunt Yussha ¿tui̱ pujá? turutcharmai. Tura akupkámu umiktin chichaman nékainiasha nekaracharmai. Murikiu wáinin arma nusha Wíniaka nakitruiniak kajertukarmai. Núnisaṉ Yúsnan etserin arma nusha Paara náari̱ji̱a̱i̱ etserkarmai. Túmainiak antra nuna e̱a̱karmai.

Jrm. 5:12

Tura Uunt Yuska nékatsji tusar Uunt Yuska atsawai núnisrik puya̱sha tura tsukasha wáinkiashtatji.

Jrm. 5:2

Túraitkiusha nekas umiktatjai tusar ‘Iwiaaku Uunt Yus’ íirsati tuíniakush núnaka peṉké ántar tuíniawai” tímiayi.

Jrm. 51:43

Túram ashí nui̱ pepru matsatainia nu nuṉkaṉka ju̱yú̱ ju̱yu̱n kúntuts awajsattajai. Tura kampuntin peṉké atsú nuṉka awajsan nui̱ṉkia yaaksha pujuschamnia mashiaku awajsattajai.

Use. 12:13

Nu arantcha chikichkí Yúsnan etserniuja̱i̱ṉ Ejiptunmaya̱ṉka Uunt Yus Israernaka jí̱i̱kmiayi. Tura Yúsnan etserniuja̱i̱ṉ péṉker wainniakmiayi.

Use. 13:4

Ejiptunam pujumiarmena tímianiaṉ Wikia atumí Úunt Yusri̱ntjiai. Wíkitjiai Yus. Chíkichkia wáinkiashtatrume. Tura chíkich uwemtikkiartincha wáinkiashtatrume antsu aya Wíkitjiai.

Ams. 2:10

Tura Wiki Ejiptunmaya̱ jí̱i̱kin Amur aentsu nuṉke̱ akintrukmintrum tusan kuaraintia uwí kampuntin atsú nuṉkanam yaruakan ewekámsamiajrume.

Mat. 4:16

Nu aents kiritniunam pujuiniayataṉ ti tsáapninian wáinkiarmiayi. Jákatniunam pujuiniai̱ tsáapin tsáapnirmiayi.” Isa. 9:1-2

Muis. 1:19

Tura Urepnumia̱ jíintrar kampuntin atsú nuṉka uunt tura tsuumai̱ tépakna nuní̱ naṉkamakiar Amur aentsu nuṉké̱ naintiar naintra nuní̱ wéar Uunt Yus tiarmia núnisaraṉ Káatish Parníanam jeawarmiayi. Tura Muisais Israer shuaran chicharainiak ‘Iistarum Amur aentsu nuṉké̱ naintiar naintra nui̱ taarji. Tura ii úuntri̱n tiarmia núnisaṉ yamaikia ju̱ nuṉkan Uunt Yus ii Yusri̱ amaaji. Tuma asamtai sapijmiatsuk waya̱rum nuṉka nérentin ajasrum matsamsatarum’ tímiayi.

Muis. 32:10

Núnaka kampuntin atsunum nase túpututu ajamunam tura wariṉkísh atsamunam niṉki pujan wainkiamiayi. Tura miniakas tí peṉker jintintiá ti shiir wainkiamiayi.

Muis. 8:2

Tura atumín aya kampuntin atsamunam Uunt Yus kuaraintia uwí enentáimtikramprataj tusa nekapramsamiarmena nu enentáimsatarum. Tura núnisaṉ ni akupkámu chichaman umirtukartimpiash tusa atumí enentái̱n nekartamattsa ewekátmasmiarme.

Suma. 6:13

Tutai Jeteun aya̱k “Maa, winia uuntru Uunt Yus iiji̱a̱i̱ pujasha ¿ju̱sha urukamtai jú̱tikramajⁱ? Aentstikia túrachminian ashí túrimiayi tu ii uuntri̱ yaunchu chichartamainiak ‘Uunt Yus Ejiptunmaya̱ ¿ji̱i̱rmakchamkajⁱ?’ tu ujatmákarmiaj nusha ¿tuit? Yamaikia Uunt Yuska iinkia ayamprutmatsuk Matian aentsnum íkturmas initiamsaitji” tímiayi.