Jrm. 2:5 - Yus Papí: Shuarja̱i̱ Yus Yamaram Chicham Najanamu

⁵ Uunt Yus chichartak “Átum Wini̱i̱ya̱ kanakrum antra nú werakrum atumsha ántar ajasúk tusasha atumí uuntri̱ armia nusha ¿warí yajauchinia Wini̱i̱ya̱ncha wáinkiarma?

Jrm. 2:5 Iomraidhean Croise

2 Akup. 17:15

Kame Uunt Yus akupkámu tura Israer shuara we̱a̱trí̱ji̱a̱i̱ umiktin chichaman yaunchu najanamuncha nakitrar Yus umiktarum tusa chicharkarmaitiat antukcharmiayi. Tura ju̱ nuṉkanmaya̱ antra nuna wakerukar niṉki ántar awajmámsarmiayi. Warí aents ayamach matsamármia nuna túrutairi̱ átumka túrawairap Uunt Yus tímiaitiat nisha núnisaṉ túrawarmiayi.

YKan. 115:8

Najanin ainia nuka nuja̱i̱ métek áiniawai tura nin náṉkamas enentáimtin áiniawai.

Isa. 29:13

Kame Uunt Yus chichaak “Warí ju̱ shuar ainia ju̱ka nekas enentáiji̱a̱i̱nchu aya chichame̱ja̱i̱ shiir awajtuiniawai. Túrasha ni enentái̱ji̱a̱i̱ṉkia nekas enentáimturainiatsui. Tura Wíniaka ashampruk umirtutsuk antsu shuar akupkámu umiktinia nunak umirainiawai. Mat. 15:8-9; Mar. 7:6-7

Isa. 44:9

Numin ántar yusan najanniuka ashí ántar najanin áiniawai. Núnisaṉ ni tí shiirmach najanamusha peṉké ántar áiniawai. Wáinmachun tura nékachun imia niṉki nékainiayat najanainiawai.

Isa. 46:12

Atumí enentái̱ kátsuram asamtai nekasa nuja̱i̱ métek túrichutirmesha antuktarum.

Jrm. 10:8

Chichaktinniasha nékainiatsui tura enentáimtairi̱sha atsuiniawai. Kame numi tsupikiar najanamusha ¿wariniak jintinkiartuamniait?

Jrm. 12:2

Ame araitme túram kaṉkapruiniawai, tsakainiawai tura nerenawai. Tura aya chíchame̱ja̱i̱ṉ Áminkia pachitmainiawai túrasha Áminkia ishichkisha enentáimturmainiatsui.

Jrm. 2:31

Maa aentsú, Uunt Yusa chichame̱ enentáimtustarum. Warí nuikia Israer shuar íismaka Wikia kampuntin atsú nuṉka núja̱i̱nchuka nuṉka kirit teeya ¿núninkiaitiaj? Enta nuikia ¿urukamtai Wi aentssha ‘Iikia yamaikia aṉkantaitji tura amiinkia peṉké waketkishtatji’ tuinia?

Jrm. 2:4

Wats, ashí Israer shuartiram Jakupa uchirí̱ya̱itrumna nu Uunt Yusa chichame̱ antuktarum.

Jrm. 8:19

Pai yamaikia Wi shuara nawantri̱ yajá pujá winiak untsumui. ¿Nuikia Uunt Yuska Seúnnumka pujatsuk? ¿Kame ni úunt akupniuri̱ṉkia nui̱ṉkia atsawak? ¿Urukamtai nakumkamu yusja̱i̱ tura yajaya̱ itiamu ántar áiniana núja̱i̱sha akajtukuram?

Jns. 2:8

Warí najankamu yusan enentáimtuinia nusha ame waitnenkartutairmin nakitiáiniawai.

Mat. 15:8

‘Ju̱ aents ni wene̱ja̱i̱ shiir awajtuiniawai tura ni enentái̱ṉkia yajá enentáimiainiawai.

Tur. 14:15

Tura chicharainiak “Shuara, ¿urukamtai áitkiarum? Iisha yúschaitji. Átumea ánkitji. Peṉké ántrarum túrarmena nu ikiukrum nekas Yus nemarsatarum tusar iisha taji. Nekas Yuska nayaimpincha, nuṉkancha, nayantsancha tura ashí nui̱ írunna nunasha najanaiti.YKan. 146:6

Rum. 1:21

Yusan nékainiayat shiir awajsacharmiayi tura yumiṉsacharmiayi. Tuma ásar aya antra nunak enentáimtuiniak ni enentái̱ tunaaja̱i̱ piakai.

Muis. 32:21

Núnisaṉ niṉkia naṉkamantu enentáimtuma ásar nekas Yuscha nuna enentáimtuiniak akajtukarmai. Tuma asamtai wisha yamaikia áitkiasnak náṉkamas aentsja̱i̱ netse ainia núja̱i̱sha akasmamtikian akajiartatjai. Rum. 10:19

1 Sam. 12:21

Najankamu yus ainia nuní̱ kanakiirap. Warí yáimtancha yáimkiachmin tura uwemtikkiartutnasha uwemtikkiarturchamnia ásar peṉké ántar áiniawai.