Jrm. 2:3 - Yus Papí: Shuarja̱i̱ Yus Yamaram Chicham Najanamu

³ Kame Israerka Uunt Yus íktusmauyayi tuma asa araka peṉkeri̱ eem juukma tímianuyayi. Tura Israer shuaran yajauch awajiarma nuka ashí sumamawar nisha nú yajauchik íktukma armai tawai’ tímiayi” turutmiayi.

Jrm. 2:3 Iomraidhean Croise

Jiin. 22:29

Ame arakrum emka juukma nu tura uwa yumiri̱sha wárik itiata. Núnismek uchiram iwia̱i̱ri̱ya̱ nusha surusta.

Jiin. 23:16

Núnisrumek ajanam arakma nuna emka neresha tura juukma namperi̱sha najanatarum. Tura atumí takatrí̱ya̱ ashí araka neré juukma uwí amúana nui̱sha námper najanatarum.

Isa. 41:11

Nekaata, ámiji̱a̱i̱ kajernia nuka enentáimmiari̱ pachimprukaram natsanmai̱ ajakártatui. Ámiji̱a̱i̱ mániaka peṉké ántar ajasár amukártatui.

Isa. 47:6

Winia shuaruncha kajerkamjai. Tura Winia nuṉkarnasha mui̱jmiai̱ awajsámjai túran ámin íktusan iniaitiusmajme. Amesha peṉké waitnentracharmame. Úuntach ainia nusha tí waitkiasarmame.

Jrm. 12:14

Uunt Yus chichaak “Winí̱ ayamach yajauch aents matsamsar Winia shuarun Israeran níniun súsaran apujsarman yajauch awajainia núnaka yamaikia ju̱ nuṉkanmaya̱ṉka mashⁱ ji̱i̱rartatjai tura núnisnak Jutá shuari̱ nu nuṉkanam matsatainiancha ashí ji̱i̱rartatjai.

Jrm. 2:4

Wats, ashí Israer shuartiram Jakupa uchirí̱ya̱itrumna nu Uunt Yusa chichame̱ antuktarum.

Jrm. 30:16

Tura ámin yamái yuramainia nuka yuamu ártatui tura ame nemasrum ainia nuka ashí mash achira yaruakma ártatui. Atumín atantramainia nunasha núnisaṉ nincha atantrartatui. Ántsaṉ atumín kasartamainia nunasha nútiksaṉ kasararat tusan iniaisartatjai.

Jrm. 50:7

Tuma asamtai ni wáiniarmia núnaka mash maa amuarmiayi. Tura ni nemasri̱sha chichainiak ‘Warí ni we̱a̱trí̱ Uunt Yus péṉker wainma nuna iniaisar tunáa túrawaru ásarmatai máiniakri̱sha sumamashtatji.’

Juir 1:3

Nu atumí uchirí̱ ujaktarum. Nisha ukunam ni uchirí̱n ujakármi tura nú ukunam akiiniawartatna nunasha ujakárat tímiayi.

Ams. 6:1

Seuncha tura Samariasha ashí nuṉká naṉkamantua ímianu enentáimtumatsrumeash. Maa pepru uuntri̱ Seúnnum ti shiir pujuinia nusha tura Samaria naintnium aṉkant matsatji tu enentáimtumainia nui̱ Israer shuar ni yaintmaktatji tusar wena nú uuntka aneararti.

Awa. 1:11

Túrasha uunt nase naṉkaamana núnisaṉ naṉkaamastatui. Kame ni kakarmari̱n yusri̱ya tímiatrus enentáimta asa niṉki makumartatui” tímiayi Uunt Yus.

Sak. 1:15

‘Kame tiikia kajerkacharmajai túramaitiat uunt mátsatka itit awajsachma ainia nuna Winia aentsru itiurchatri̱n nuna arant awajtúsaru ásarmatai ti kajerkaran suira kaje̱ntukarjai.’

Sak. 2:8

Kame Yus ti shiir páantin awajtus uunt nuṉka mátsatka atumín atantramar jú̱nik awajtámsarua nu nuṉká áinian akuptúktatui” Ashí Akupin Uunt Yus tíniuiti. “Kame Israeran anea asan yaaksha atumín yajauch awajtamkurmiṉkia Winiasha núnisaṉ nuna túrutin áiniawai.

Rum. 11:16

Emka apatuk ana nu Yus súakur yumiṉsamuitkiuṉka nuikia ashí apatkunam Yus yumiṉsamuiti. Núnisaṉ numí kaṉkapé̱ péṉkeraitkiuṉka numi takamtsuk péṉkeraiti.

Rum. 16:5

Núnisaṉ ashí Yus shuar Prisiran tura Akira je̱e̱n irunainia nusha amikmátarum. Tura winia aneamu amikiur Epenétu amikmatruatarum. Nisha Akaya nuṉkanam emka Krístun nekas enentáimtusmiayi.

Ipi. 1:4

Krístuja̱i̱ uwemprar ti shiir tunaaja̱i̱nchu Niji̱a̱i̱ pujusárat tusa Yus, ju̱ nuṉka atsai̱sha, anaitiamkamiaji.

Muis. 26:19

Wi tímiaj nútiksanak Wiki ashí nuṉkanmaya̱ áentsja̱i̱ṉkia naṉkamantu awajsattajrume. Tura chíkich aents shiir awajtai̱, pachí ajat tura enentáimtu ajat átatrume. Kame atumí Uunt Yusri̱ asamtai átumka aya Winiak enentáimturin átatrume’ tawai Uunt Yus.” Tu ujakármiayi Muisais.

Muis. 7:6

Warí Uunt Yus atumniaka tunaarincha awajtámsaitrume. Ashí nuṉkanam aents pujuiniana núja̱i̱sha naṉkaamas aya Winiak enentáimturin árat tusa Uunt Yuska akantámkaitrume.

San. 1:18

Ni wakera asa ni nekas chichame̱a nuja̱i̱ ni uchirí̱ najatmamji. Tura ashí ukunam átatna nuja̱i̱ ii émkaitji.

1 Pit. 2:9

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.Jiin. 19:5-6; Muis. 10:15; Isa. 61:6

Apu. 14:4

Nu shuarsha nuwa̱ja̱i̱ yajauch ajascharu ásar ti shiir áiniawai. Túrawar Murik wéana nui̱ nemarainiawai. Ju̱ nuṉkanmaya̱ shuarnumia̱ uwempraru ásarmatai Yussha tura Muriksha ti shiir enentáimtiarmai. Nisha emka juukma ti shiira núnisaṉ armai.