Jrm. 2:13 - Yus Papí: Shuarja̱i̱ Yus Yamaram Chicham Najanamu

¹³ Warí Winia shuaruka jimiará yajauchin túrawaruiti. Wikia iwiaaku entsa saar púkunitjiana Jṉ. 4:10 núnaka iniaitiusar niṉki entsa pajamtai chiṉkiara asa entsasha pajamchan najatmakaruiti” tawai Uunt Yus.

Jrm. 2:13 Iomraidhean Croise

2 Akup. 22:17

Tura Winia initiusar najankamu yusan kuṉkuinian ekemátkar enentáimtuiniak ní najankamunak tikishmátainiak akajtukarai. Túrawarmatai Winia kajetái̱rka peṉké mikirchattawai” ujaktarum’ túramui.

YKan. 36:9

Núnisaṉ tuke pujustin sukartinmeka Ameketme. Tuma asam ame tsáapnintrumsha ii enentái̱n tsáapniawai. Jṉ. 4:14

Isa. 1:3

Tí waakaksha nérenniuri̱nkia nékaiti. Núnisaṉ umpurusha nérentin tui̱ ayurniuit nunasha nékawai. Tura Israer shuarka wi shuar áiniayat ántichu ásar peṉké nékachu áiniawai” tawai.

Isa. 1:4

¡Maa, tunáa matsamkamu tura yajauchi túrin shuartiram tura enentáimtsuk peṉké yajauchi túrinia uchirí̱tirmesha ausha urukakrumea ániarum! Warí Israer shuara Uunt Yusri̱ Tunaarincha nuyá̱ kanakrum nakitra iniaisarum ikiukniurme.

Isa. 12:3

Warasrum uwemtikkiartin púkuninmaya̱ entsa jusattarme.

Isa. 55:2

¿Urukamtai kuitcha yurumkachunmasha ájapearum? Tura atumsha shiir nekapeachiatrumsha ¿urukamtai takakmarum? Péṉker anturtuktarum túrakrumka péṉker yurumáttarme núnisaṉ atumí enentái̱sha tí peṉker yurumkan yuá shiir enentáimprattawai.

Jrm. 1:16

Nútiksanak Winia iniaitiusar ántar yusan ní najanamunak shiir awajainiak kuṉkuinian áestuawar tikishmátainiak ashí yajauchin túrawaru ásarmatai sumamtikiawaran asutniáwarti títiatjai.

Jrm. 17:13

Uunt Yusru, Israer shuar péṉker átinia nákamuri̱ntme. Tuma asakmin ashí shuar Ámin iniaitiámas kanainia nuka natsa̱a̱rartatui. Warí Úunt Yusai̱ya̱ iwiaaku entsa nuyá̱ kanakiaru ásar ni náari̱ṉkia nuṉká ju̱yu̱ri̱n aarma ártatui.

Jrm. 18:14

Kame Ríwianunam micha amúamu naint irunainiana nuyá̱ micha ¿aya méṉkakamniakait? Tura entsa micha yajaya̱ akainiana nusha ¿ku̱yu̱karminkiait?

Jrm. 19:4

Warí Israer shuarka Wíniaka iniaitiusaruiti. Tura ju̱ nuṉkanam mui̱jmiainian túrawaruiti núnisaraṉ nuiṉ najankamu yusan nisha nékainiachiat tura ni úuntri̱sha tura Jutanmaya̱ úunt akupin armia nusha nekaacharman kuṉkuinian áestuawaruiti. Ántsaṉ umitmákcharu numpe̱ncha nuiṉ tsuatmatkaruiti.

Jrm. 2:11

Warí uunt nuṉka mátsatka áiniana nu chikichkisha ni yusri̱ nekascha yus ainia nuna ¿yapaji̱áwaruk ainia? Túrasha Winia péprurka ni páantniuri̱nkia iniaisar antra nuna enentáimtuiniawai.

Jrm. 2:17

Kame átumka péṉker jintianmaani̱ juamaitiatrum atumí Uunt Yusri̱ ajapa iniaisa ¿asarmechuk túrunaitrum?

Jrm. 2:26

Kasa kasamú pujá wainkiam natsamana núnisar Israernumia̱ṉka úunt akupniusha unuimiákarusha tura Yúsnan pujurin áiniasha núnisaraṉ Yúsnan etserin áiniasha

Jrm. 4:22

Warí Wi shuarka Wíniaka nekarainiachu ásar enentáincha áiniawai. Uchi peṉké ántichua núnisar antutai̱ri̱sha atsuiniawai. Yajauch túratniunka tí nekainiayat péṉker túratniun peṉké nékainiatsui.

Jrm. 5:26

Warí Winia shuarui̱ṉkia Yusan enentáimtichu matsamsar kúntin wáketun akarun aeprusua tímiatrus íiniawai. Emeskartinian aeprusar aentsun achiniawai.

Jrm. 5:31

Tuma ásar Yúsnan etserin ainia nusha waitruá etserainiawai tura Yúsnan pujurin áiniana nusha ní enentái̱ji̱a̱i̱ṉᵏⁱ jú̱nisar túratai tuíniawai. Tura Wi shuarsha nuna wakeruiniawai. Túrasha ni amuukatniuri̱ jeamtaisha atumsha ¿warí itiurkatarmek?

Isk. 47:1

Nuiṉkia Yusa Uunt Je̱e̱ wá̱i̱ti̱a̱i̱ri̱n awaṉtukmiai. Nui̱ Yusa Uunt Je̱e̱ á̱a̱ri̱ṉkia etsa̱ tatainmaani̱ aa asamtai Yusa Uunt Je̱e̱n waya̱kur wá̱i̱ti̱a̱i̱ri̱ wakenmari̱ya̱ entsa jiini̱ etsa̱ tatainmaani̱ akaimiai. Kame Yusa Uunt Je̱e̱ nuṉkaani̱ yantam jíiniuk éntsaka Yus áestutai̱ nuṉkaani̱ yantamén naṉkaamamai.

Mik. 6:3

Winia shuaru ¿warí itiurkajrumea kame wariji̱a̱i̱ ipimprájrum? Wats turuttiarum.

Sak. 13:1

Kame nu tsawantinkia Tawit shuar tura Jerusaréṉnum pujuinia nuna tunaari̱n núnisaṉ mui̱jmiai̱ ajakárman nijiartin púkuni chíṉkiamu átatui.

Juaṉ 4:10

Tutai Jesus chichaak “Yus súamu nékakmeka tura entsan seatmana nusha nékakmeka nekaska ame seawaintme tura Niṉkia iwiaaku entsan amasainti.”

Juaṉ 4:11

Tutai nuwa̱sha chicharuk “Uuntá, entsasha ¿wariji̱a̱i̱ṉ shikiktam warí entsasha tí initchakait? ¿Tuyá̱ iwiaaku entsasha takakam?

Juaṉ 4:14

Antsu Wi súajna nú entsan umarka atakka peṉké kitiamchattawai. Antsu nu entsaka ni enentái̱n púkuni̱ya̱ ántsaṉ tuke pajamtitiawai tura nuja̱i̱ tuke iwiaaku pujustatui.”

Juaṉ 7:37

Námper amúamunam ti shiir najanawarmia nu tsawantai̱ Jesus wajaki̱ kakaram chichaak “Shuar ni enentái̱n kitiamakka Winin taa umar kitiakén imikrati.

2 Pit. 2:17

Nu áishmaṉsha yumirmat ku̱yu̱a núnis áiniawai. Tura núnisaṉ yuraṉmisha ki̱áriat nase umpuim meṉkaana nu, yumi aju̱a̱rcha ásar, peṉké ántar áiniawai. Warí, Yus Chichamja̱i̱ aentsun yáiniainiatsui. Nisha imiá kirit ámanum tuke pujustin áiniawai.

Apu. 21:6

Ataksha chichartak “Yamaikia mash uminkiayi. Witjiai ashí juármari̱ tura amúamuri̱sha. Kame A rétranmaya̱ Y rétranam ashí retra áintsaṉketjai. Ashí kitiama núnaka tuke iwiaaku pujutai̱ entsan peṉké kuítchaja̱i̱ áartatjai.

Apu. 22:1

Nuyá̱ suntar tuke iwiaaku pujutai̱ entsan tí saaran iniaktursamai. Nusha úunt akupin pujutái̱nmaya̱ ti saawi jiinmiai. Nu pujutai̱sha Yusna tura Muriknauyi.

Apu. 22:17

Yusa Shiir Wakaní̱sha tura Murik anajmarmasha “¡Winitiárum!” tuíniawai. Tura ju̱na ántana nusha “¡Winitiárum!” tití. Tura ashí kitiama nuka winití. Wakerakka tuke iwiaaku pujutai̱ entsan peṉké kuítchaja̱i̱ umarti.

Suma. 10:13

Túramaitiatrum Wíniaka iniaitiusrum ántar yus enentáimtusu asakrumin Wikia yamaikia nu arantka yáiṉchattajrume.

1 Sam. 12:10

Tura Israer shuarka Uunt Yusan seainiak ‘Uunt Yus umirkatin iniaisa asar Aminí̱sha tunáa túraji. Túrar Paarja̱i̱ Astarte umirkarji. Túrasha yamaikia ii nemasri̱ya̱ uwemtikkiarturta túrawakmiṉkia Ame umirkattaji’ tímiarme.