Jrm. 2:11 - Yus Papí: Shuarja̱i̱ Yus Yamaram Chicham Najanamu

¹¹ Warí uunt nuṉka mátsatka áiniana nu chikichkisha ni yusri̱ nekascha yus ainia nuna ¿yapaji̱áwaruk ainia? Túrasha Winia péprurka ni páantniuri̱nkia iniaisar antra nuna enentáimtuiniawai.

Jrm. 2:11 Iomraidhean Croise

1 Akup. 11:33

Warí ni aparí̱ Tawit Winia akupkámu chichamprun umirtuk Wi iismasha péṉkeran túramia núnis túrutsuk Wíniaka iniaitiusar Setun aentsu yusri̱ Astarten tura Muapa yusri̱ Kimiusan núnisaṉ Amun aentsu yusri̱ Muruknasha tikishmátraru áiniawai.

2 Akup. 1:3

Nuyá̱ Uunt Yusa suntari̱ Tispi nuṉkanmaya̱ Iríasan chicharuk “Wetá. Samarianmaya̱ úunt akupin chichama etserin akupkámu winiana nu iṉkiuṉta. Túram chicharkum ‘¿Israernumka Yuska atsawak átum Ikruna yusri̱n Paarsepúpai̱ nekaataj tusa wétinia?’

YKan. 106:20

Nuní̱ túrawar Israer shuarka iwiaaku Yusan shiir awajsatniun iniaisar tumá waakan sa̱a̱ki yuun tikishmátainiak Yusa páantniuri̱nkia ántar awajsarmiayi.

YKan. 115:4

Ni aents najanamu yusri̱ṉkia kuri tura kuit jiru áiniawai. Aents uwejéja̱i̱ najankamu áiniawai.

YKan. 3:3

Túrasha Ámeka Uunt Yusá tantara núnisam téntakam winia ejatkáme. Tura Ámeka winia tsáapnintruitme tuma asam wíniaka ikiakátme.

Jrm. 16:20

¿Kame shuar ní yusri̱niak najankamniakait? Túrasha nuka yuska áiniatsui.

Jrm. 18:13

Tuma asamtai Uunt Yus chichaak “Wats chíkich nuṉkanmasha ¿yaki tíniuncha antukuit? anintrústarum. Israerka nuwa̱ natsa áishmaṉja̱i̱ṉkia tsaniṉcha núniniaitiat mui̱jmiainian túraiti.

Jrm. 2:5

Uunt Yus chichartak “Átum Wini̱i̱ya̱ kanakrum antra nú werakrum atumsha ántar ajasúk tusasha atumí uuntri̱ armia nusha ¿warí yajauchinia Wini̱i̱ya̱ncha wáinkiarma?

Jrm. 2:8

Yúsnan pujurniusha Uunt Yussha ¿tui̱ pujá? turutcharmai. Tura akupkámu umiktin chichaman nékainiasha nekaracharmai. Murikiu wáinin arma nusha Wíniaka nakitruiniak kajertukarmai. Núnisaṉ Yúsnan etserin arma nusha Paara náari̱ji̱a̱i̱ etserkarmai. Túmainiak antra nuna e̱a̱karmai.

Jrm. 5:7

Uunt Yus chichaak “Nuna túruiniancha ¿itiurak tsaṉkurartaj? Warí atumí uchirí̱ṉkia ajaprua iniaitiusarai. Túmainiak yuscha ainia nuna pachisar nekas túrattaji tuíniawai. Warí ni atsumainiamunka Wikia ashí súsarmajai túramaitiat niṉkia tsanirmawar aya̱shin súrin nuwa̱ matsamtainmasha tí waketiarmai.

Isk. 5:7

Tuma asamtai Uunt Yus ashí aentsu Uuntri̱ ju̱na tíniuiti ‘Atumíin ayamach aents matsatainiana núja̱i̱sha naṉkaamas yajauch átumka túraitrume. Nu arantcha Wi akupkámusha peṉké umichuitrume. Warí, nu arant aents atumín ayamach matsatainia nuna túrutairi̱ akupkámuksha peṉké umikchaitrume.’

Mik. 4:5

Kame yamaikia ashí nuṉkanmaya̱ aents ni najanamu yusri̱n enentáimtuiniakuisha antsu iikia ii Uunt Yusri̱ umirkar Niji̱a̱i̱ tuke wekasattaji.

Rum. 1:23

Túmainiak jákachmin Yus imiá shiira nuna iniaisar shuar jakamnia nakumkamun shiir awajénawai. Tura nu arant nanamtinniasha napincha kuntinniasha yajasmancha nakumkar nuna shiir awajénawai.

1 Kur. 8:4

Wátsek najankamu yus susamu yúatin jú̱nis enentáimpratniuiti. Yuska aya chikichkiti. Tura chíkich Yus atsakui

Kar. 4:8

Yaunchu átum nekas Yus nékachkuram najankamu yus írunna nu umirkamarme nekascha yusak.

Muis. 32:16

Nuyá̱ Israer shuarka najankamu yus mui̱jmiainia nuna tikishmátainiakui Yus nin akasak ti kajektatna nuna e̱a̱karmiayi.

Muis. 32:21

Núnisaṉ niṉkia naṉkamantu enentáimtuma ásar nekas Yuscha nuna enentáimtuiniak akajtukarmai. Tuma asamtai wisha yamaikia áitkiasnak náṉkamas aentsja̱i̱ netse ainia núja̱i̱sha akasmamtikian akajiartatjai. Rum. 10:19

1 Pit. 1:18

Warí, antra wekasatniun atumí uuntri̱ jintintramarmena nuyá̱ Yus uwemtikramprarme. Túrasha kurisha kuitcha amukámnia ainia nuja̱i̱ uwemtikrachmaitrume.

1 Sam. 4:21

Nuyá̱ Yusna Eṉketai̱ ata̱i̱miu asamtai núnisaṉ we̱a̱rí̱ jakamuncha nuyá̱ aishri̱ mámuncha pachis nú nuwa̱ka chichaak “Israera páantniuri̱ sakarai” tusa uchin Ikiapút anaikiamiayi.