Jrm. 19:7 - Yus Papí: Shuarja̱i̱ Yus Yamaram Chicham Najanamu

⁷ Tura Jerusaréṉ nuyá̱ Jutanmaya̱ shuara enentáimmiari̱nkia ju̱i̱ ashí emestuktatjai. Núnisnak ni iwiaakmari̱n e̱a̱tainia nuna uwejé̱n íktusaran ni nemasri̱ puya̱ja̱i̱ amukarat tusan tsaṉkatkartatjai. Kame nu aentsu aya̱shí̱nkia yakiya̱ nanamtin yukartin tura nuṉkaya̱ yajasma yukartin ainia nuna yumaṉke̱ ajasártatui.

Jrm. 19:7 Iomraidhean Croise

Neka. 21:30

Nekatai̱ji̱a̱i̱sha tura enentáimtai̱ji̱a̱i̱sha núnisaṉ chichamja̱i̱sha Uunt Yuska peṉké itiurkachminiaiti.

Isa. 29:14

Tuma asamtai jú̱ shuarnumka ataksha aents túrachminian túrakun tsuumainian iniaktusartatjai. Túran niniu neka ainia nuna nekatairi̱ncha ikiajtiúkaran emeṉkátkartatjai” tímiayi.

Isa. 8:10

Warí Yus iiji̱a̱i̱ pujá asamtai chícham jútaka jusattarme túrasha uminkiashtatui. Tura átum chichasrumek túratai títiatrume túrasha peṉké turunashtatui” tímiayi.

Jrm. 16:4

tí najamin suṉkurja̱i̱ kajinkiartatui. Túrasha e̱a̱tcha e̱a̱rchamu núnisaṉ iwiartasha iwiarsachma ártatui. Antsu arakan péṉker neremtikin nuṉká matsasma núnisar juákartatui. Kame mesetja̱i̱ tura tsukaja̱i̱ amunkartatui. Nuyá̱ ni aya̱shi̱nkia nanamtin yukartin tura nuṉkaya̱ yajasma yukartin ainia nuna yumaṉke̱ ajasártatui” turutmiai.

Jrm. 18:21

Tuma asamtai ni uchirí̱ṉkia puya̱ja̱i̱ amuukarat tusam shuarnum surukaram iniaisarta. Túram ni nuwé̱ ainia nuka uchirtichu tura wajé̱ juákarti. Antsu ni áishri̱ṉkia jákatniunam wéarti ántsaṉ uchirí̱ natsa áiniana nuka mesetnum puya̱ja̱i̱ ijiumu ártí.

Jrm. 21:7

Uunt Yus chichaak “Nuyá̱ Jutanmaya̱ úunt akupin Setekíasnaka Papirúnianmaya̱ úunt akupin Napukutunusúra uwejé̱n íktusan iniaisattajai. Nuyá̱ takarniúrtiuk aentsush suṉkursha mesetcha tura tsuka amuumam péprunam juákarma núnaka ni nemasri̱ mátaj tusa e̱a̱inia nuna uwejé̱n íktusan iniaisartatjai. Túramtai puya̱ja̱i̱ máwartatui tura waitnentratniuka peṉké atsuttawai” titiá.’

Jrm. 22:19

Warí, kawain íwiarua núnis iwiarsartatui. Kame japikiár júkiar Jerusaréṉ pepru wá̱i̱ti̱a̱i̱ri̱ya̱ núna á̱a̱win ajapawartatui.

Jrm. 22:25

Ame iwiaakmarmin e̱a̱iniana nuna suan iniaisattajme. Kame Kartíu aents káunkara̱i̱ṉ tusamsha ashamainiamna nui̱ Papirúnianmaya̱ úunt akupin Napukutunusúra uwejé̱e̱n íktuan iniaisattajme.

Jrm. 32:28

Tuma asa Uunt Yus chichaak “Yamaikia ju̱ nuṉkanka Papirúnianmaya̱ akupin Napukutunusúr Kartíu aents mesetja̱i̱ amukarti tusan tsaṉkatkattajai. Túram nérentin ajasártatui” tíniuiti.

Jrm. 34:20

ni nemasrí̱ peṉké waitnenkartichu ainia nu nú aentsun amukarti tusan íktusartatjai. Nuna túramtai ni aya̱shí̱ṉkia yakiya̱ nanamtin núnisaṉ nuṉkaya̱ yajasma yukartin ainia nu yuáwartatui.

Jrm. 46:26

Túrawaran ni iwiaakmari̱n e̱a̱tainiana nui̱ Papirúnianmaya̱ úunt akupin Napukutunusúra tura ni yaintri̱ áiniana nuna uwejé̱e̱n íktusaran iniaisartatjai. Túrasha ukunmaṉka yaunchu urukuya núnisaṉ Ejiptunmaṉka aents matsamsartatui” tíniuiti Uunt Yus.

Jrm. 7:33

Kame nu aentsu aya̱shí̱nkia nanamtin yukartin tura nuṉkaya̱ yajasma yukartin ainia nuna yumaṉke̱ ajasártatui. Nuna kírkartinkia yaaksha atsuttawai.

Jrm. 8:2

Tura yana anenakua enentáimtusar tikishmátrarma núnisaraṉ yana nemarsara aniasarma nui̱ etsa̱nam nantunam nuyá̱ nayaimpiniam ashí írunna nui̱ naka tepetar amajkartatui. Tuma ásar juutcha júukchamu tura iwiartasha iwiarsachma ásar arakan péṉker neremtikin nuṉká matsasma núnisar juákartatui.

Jrm. 8:8

Átumka chichaakrum ‘Iikia ti nékainiatsjik tura Uunt Yus akupkámu umiktin chichamsha ¿íiji̱a̱i̱ṉchuk pujá?’ itiurak tárum. Kame nekas túmaitiat papí ain ainia nuna áakmatairi̱ anaṉkartin ásar nú chichamnaka anaṉkartutai̱ awajsaruiti.

Jrm. 8:9

Tí neka áiniana nusha iniatsá̱nar ti sapijmiainiak ‘ausháa’ tuíniawai nuya̱ṉka achirárma armai. Wats nekaatarum. Warí Uunt Yusa chichame̱ncha nakitraru ásarmatai yamaisha ¿warí nekatai̱ji̱a̱i̱ṉ juárkara?

Ukan. 3:37

¿Yaki wariṉkish naṉkaama nuna Yuska jú̱naka akupkachuiti tíminiait?

Riw. 26:17

Wisha nuya̱ṉka atumniaka kajerkattajrume túrunawakrumni̱ṉkia atumí nemasri̱sha nupettamkattarme. Átum muí̱jiarmena nuke atumí uuntri̱ ajasártai túrasha átumka apapéachmatiatrumek ántrarum pisattarme.

Riw. 26:25

Tura atumji̱a̱i̱ chícham najanamun ayamprakun Winia yapajmiátruktinian mesetan atumín itiartiatjarme. Tura atumí pepruri̱n u̱mkakrumnisha antsu nui̱ṉkia suṉkuran akuptúktatjarme túrunarum atumí nemasri̱ uwejé̱n íktusma átatrume.

Rum. 3:31

Shuar Yusan shiir enentáimtamuja̱i̱ péṉker ajastin áiniakui nuja̱i̱ ¿akupkámu ántar awajsámukait? Atsá. Antsu nuna naṉkaamas umirkatin awajsamuiti.

Rum. 4:14

Kame aya akupkámun umirniun súsatniuitkiuiṉkia nuikia Yus enentáimtustin ántraiti. Tura Yus Aprajáman timia nusha ántraiti.

1 Sam. 17:46

Túrasha yamaikia Uunt Yus winia uwejruí̱ áminkia íktamsamtai nupetkattajme túran muukmincha tsupirkattajme. Túran Jiristíanmaya̱ suntara aya̱shi̱n yukartin ainia nú nanamtinian tura kampunniunmaya̱ yajasma ainia nuna yamái ayurkamawartatjai. ¡Nuiṉkia ashí nuṉkanmaya̱ aents nekas Israernum Yus pujana nuna nekaawartatui!