Jrm. 19:5 - Yus Papí: Shuarja̱i̱ Yus Yamaram Chicham Najanamu

⁵ Nu arantcha ántar yus áestutai̱n Páaran najatkar ni uchirí̱n takamtsuk Páaran áestuiniawai. Wikia túrutkesha túratarum tíchamun tura áujmattankesha áujmattsachman núnisnak Wikia enentáimtankesha enentáimsachman túrawarai.

Jrm. 19:5 Iomraidhean Croise

2 Akup. 17:17

Nuyá̱ ni uchirí̱ncha tura nawantri̱ncha ii yusri̱ súaji tusar áestuiniak tura uwishniumawar nekamniuitji tuinia ásar Uunt Yus íimmianum peṉké yajauch túruiniak akajkarmiayi.

Jrm. 32:35

Nu arantcha Wi akupkachmaj tura ishichkisha enentáimsachmaj nú mui̱jmiai̱ túrakrum Piṉjiniúm nuṉka pakari̱n najankamu yus Paar áestakur enentáimtutai̱ najankarum atumí uchirí̱ tura nawantri̱sha ántar yus Muruk náartin áestimiarme. Nu túrakrum Jutá shuar tunáa ti túrumamtikiamarme” tímiayi Uunt Yus.

Isk. 38:10

Uunt Yus Ashí Aentsu Uuntri̱ tuke chichaki̱ wéak “Nu tsawantinkia ti yajauch túratniua nu ame enentáimin tarutrámtatui.

Tan. 2:29

Úunt akupniu, ámeka peakrumin tepesam ukunam túrunattana nuna itiurak nekaawaintiaj tusam ti enentáimsame. Tura nekaachminian nekamtikniua nu ukunam túrunatta núnaka paant iniakturmasai.

Riw. 18:21

Tura najanamu yus Muruk áestuataj tusam ame uchiram susaip. Nu túrakmeka ame Úunt Yusrumi naari̱ ti yajauch awajsattame. Warí Wiki Úunt Yusaitjiai.

Wek. 22:41

Nuya̱ṉka kashin Parakka Paraaman jukí̱ Pamutpáar nainnium iwiakmiayi. Tura Paraamka nui̱ wajas Israer shuar aya nekant matsatainian wainkiamiayi.