Jrm. 19:4 - Yus Papí: Shuarja̱i̱ Yus Yamaram Chicham Najanamu

⁴ Warí Israer shuarka Wíniaka iniaitiusaruiti. Tura ju̱ nuṉkanam mui̱jmiainian túrawaruiti núnisaraṉ nuiṉ najankamu yusan nisha nékainiachiat tura ni úuntri̱sha tura Jutanmaya̱ úunt akupin armia nusha nekaacharman kuṉkuinian áestuawaruiti. Ántsaṉ umitmákcharu numpe̱ncha nuiṉ tsuatmatkaruiti.

Jrm. 19:4 Iomraidhean Croise

2 Akup. 21:16

Manasés yajauchin túramtai Jutancha Uunt Yus íimmianum tunaan túrat tusa túrumtikiamiayi. Tura nu arantcha aents tunaamkachu numpe̱n ti uputur Jerusaréṉ yantam á̱a̱wini̱ náṉkatkana ímianai numpan tí piákmiayi.

2 Akup. 23:10

Núnisaṉ Jusíaska yaaksha uchirí̱n tura nawantri̱nkisha Murukan áestuawara̱i̱ tusa Tupitniasha emeskamiayi. Nuya̱n uunt je̱a̱ Etsa̱ íktusma kawái matsamtai̱ armia nunasha jusa káruri̱ncha áestukarmiayi. Núnisaṉ Uunt Yusa Je̱e̱n á̱a̱ri̱n áestutai̱ najankamu armia nunasha emesak tsainiakaruri̱nkia Kitrun pakanam utsaṉkarmiayi. Tura Jerusaréṉnumia̱ṉka etsa̱ akatainmaani̱ najankamu mui̱jmiai̱ Setunnumia̱ yus Astarte nuyá̱ Muápnumia̱ yus Kímius núnisaṉ Amunnumia̱ Mirkum áestutai̱ najankamu naint iruniarmia nunasha ashí emeskarmiayi. Nuya̱ṉka Jusíaska kaya najankamu yus enentáimtutai̱ armia núnaka tsaik núnisaṉ Asera enentáimtutai̱ numi armia nunasha ajar nui̱ṉkia aentsu ukunchí̱n utsaṉtawarmiayi.

2 Akup. 24:4

Warí shuar warinkish túracharu numpe̱ uputúrar tura Jerusaréṉ péprunmasha nu numpan ipiakamtai Uunt Yuska tsaṉkuratniunka peṉké nakitrámiayi.

YKan. 106:38

Túruiniak Kanaannumia̱ najankamu yusan suíniak uchirí̱ncha nawantri̱ncha peṉké nékachun ni numpe̱n uputúrarmiayi. Tura nu numpa ukarmaja̱i̱ nuṉkasha mui̱jmiai̱n ajasmiayi.

Isa. 59:7

Tura nawe̱sha yajauchi tsékentainiawai. Túrawar tunaamkachua nuna wáurtus máwar numpe̱n uputuiniawai. Ni enentáimmiaka yajauch áiniawai. Tura wekainiaksha emeskar yajauch awajkartukmaikia wekain áiniawai.

Isa. 65:11

Túrasha átumka Uunt Yus iniaisarum tura Winia náintrusha kajinmátkirum najanamu yus Purtuna yurumkari̱ iwiartiniaitrumna núnaka núnisaṉ najanamu yus Tistiniu winiu pachimpramu ukatniuitrumna nunasha

Jrm. 1:16

Nútiksanak Winia iniaitiusar ántar yusan ní najanamunak shiir awajainiak kuṉkuinian áestuawar tikishmátainiak ashí yajauchin túrawaru ásarmatai sumamtikiawaran asutniáwarti títiatjai.

Jrm. 11:13

Jutanmasha ni ántar yusri̱nkia peprua ímiatrus ti takakui. Núnisaṉ Jerusaréṉnumsha ni yusri̱ Páaran kuṉkuin áestutai̱ṉkia natsanmai̱ ni jinti̱ írunna nunisha untsurí najatmamkaruiti.

Jrm. 16:11

Nui̱ṉkia chichaakum ‘Warí atumí uuntri̱ armia nu Winia iniaitiusar chíkich yusan umirkar tikishmátrarmai. Túrawar wi akupkámiaj nuna umirkacharmai’ tawai Uunt Yus títiatme.

Jrm. 17:13

Uunt Yusru, Israer shuar péṉker átinia nákamuri̱ntme. Tuma asakmin ashí shuar Ámin iniaitiámas kanainia nuka natsa̱a̱rartatui. Warí Úunt Yusai̱ya̱ iwiaaku entsa nuyá̱ kanakiaru ásar ni náari̱ṉkia nuṉká ju̱yu̱ri̱n aarma ártatui.

Jrm. 18:15

Túrasha Wi shuarka Wíniaka kajinmátrukiar najankamu yus ainia nuna kuṉkuinian áestuiniawai. Kame nuna túruiniak yaunchu túrutairi̱nkia kajinmatkiar ti awajirar wekainiawai. Túmainiak jintia péṉker iwiarkamunam wekaatsuk yajauch jintianmaani̱ wekainiawai.

Jrm. 2:13

Warí Winia shuaruka jimiará yajauchin túrawaruiti. Wikia iwiaaku entsa saar púkunitjiana Jṉ. 4:10 núnaka iniaitiusar niṉki entsa pajamtai chiṉkiara asa entsasha pajamchan najatmakaruiti” tawai Uunt Yus.

Jrm. 2:17

Kame átumka péṉker jintianmaani̱ juamaitiatrum atumí Uunt Yusri̱ ajapa iniaisa ¿asarmechuk túrunaitrum?

Jrm. 2:19

Ame yajauchirmek asuttiámattawai. Yus enentáimtamuka ántraiti támena nuke áminkia surutmaktatui. Wats iisam nekaata. Atumí Uuntri̱ Uunt Yus ashamtsuk iniaisatniusha ¿urutmá yajauchikit tura urutmá yapaakit? tawai Ashí Akupniu Uuntri̱ Uunt Yus.

Jrm. 2:30

Atumí uchirí̱ncha yáiṉchartinian ántran asutiáwaruitjiai. Chicharkámash Winia chichamprunka peṉké antukcharuiti. Tura úunt ya̱wa̱ emesmak itiurawa nútiksar atumí puya̱rí̱ Yúsnan etserniun amukáruiti.

Jrm. 2:34

Aents kuítri̱ncha tura umitmákcha ainia nuna numpé̱ ame entsarmarmincha máatraitme. Warí kakarmaja̱i̱ je̱á̱ waya̱ttsa pujasha wáinkiachuitme. Túrasha nuka ashí túraitiatam ámeka

Jrm. 26:15

Túrasha ju̱ péṉker nekaatarum. Winia mántakrumka atumíin tura ju̱ péprunmasha núnisaṉ aents ju̱i̱ matsatainia nui̱sha umitmákcha numpé peṉké antra ukartatrume. Warí wi étserma atumsha ¿atumí kuishiji̱a̱i̱ṉ antukcharmek? Núnaka tu etserkata tusa Uunt Yus nekas akuptúkuiti” Jirimías tímiayi.

Jrm. 26:23

Urías Ejiptunam pujan úunt akupin Juasimiai̱ júkiarmiayi. Túram puya̱ja̱i̱ máwar ni aya̱shí̱nkia náṉkamas aents iwiartai̱niam ajapawarmiayi.

Jrm. 44:3

Yajauchin túruiniak Wíniaka akajtukarmayi. Warí, kuṉkuinian áestuiniak chíkich yusan nisha nékainiachiat tura atumsha nekaachman núnisaṉ atumí aparí̱sha nekaacharman enentáimtusarmiayi.

Jrm. 5:6

Nuna tura ásarmatai úunt ya̱wa̱ kampunniunmaya̱ jíintiurar esaiyartatui. Tura kampuntin atsunum matsamin rúpuka emeskartatui. Antsu ni pépruri̱ ainia nui̱ṉkia yampiṉkia nákarartatui. Kame Yus timian umiktinian nakitiáiniak peṉké ántichu ajasármatai péprunmaya̱ jiiniainiaka achia̱rma ártatui.

Jrm. 7:6

yajaya̱ aentssha mitiaikiasha waje̱sha wáitkiachkurminkia nútiksarmek ju̱i̱ tunamkachua nuna numpé̱ uputachkurminkia ántsamek atumek yajauch awajmámkuram chíkich yus áiniana nu tikishmátchakrumni̱ṉkia

Jrm. 7:9

Túmakrum kasamsuárum, maṉkartasuárum, tsanirmasuárum, tsanumsuárum kuṉkuin Paar aestasuárum nuyá̱ átum nuik nekaachma chíkich yus áiniana nu tikishmáttsuárum

Tan. 11:31

Nuya̱ṉka ni suntarí̱sha Yusa Uunt Je̱e̱ utúachminia nuna ti yajauch awajsártatui. Nuyá̱ tuke tsawant taṉku maar áestutai̱ncha suritkiartatui. Ántsaṉ ni wakeramun túrak peṉké mui̱jmiai̱ awajnásar tuke emesnartinian nui̱ ikiusártatui. Tan. 12:11; Mat. 24:15; 2 Tis. 2:3-9

Ruk. 11:50

Tuma asamtai ashí ni etserniuri̱n maamu ainia nuna yamaiya̱ aentstirmin Yus sumamtikramattarme. Nuṉka najanamunmaya̱ jukí̱

Muis. 13:6

Áitkiasaṉ atumí yachi̱ṉsha tura uchirí̱ṉsha núja̱i̱nchuka atumí aneamu nua̱ri̱ṉsha íshishmasaṉ chichaak ‘Chíkich yus enentáimtustai’ tuíniakuisha anturkashtiniaitrume. Antsu peṉké waitnentsuk ameá ameá naṉkamawakmin ashí irunturar kayaja̱i̱ tukurar máwartiniaiti. Tura ashí Israer shuartiram antukrum sapijmiakrum atakka túrashtatrume.

Muis. 28:20

Tura átum tunáa túrakrum Yus iniaisa asakrumin Uunt Yus yajauch yumiṉkian tura páchim enentáimtikratniun nuyá̱ sapijmiakar kuraṉtinian akuptúrmaktatrume. Nuní̱ túrutma tí warik amutmaktatrume.

Muis. 28:36

Tura atumniaka nuyá̱ atumí akupniúri̱ anaikiaitrumna nuja̱i̱ yajá nuṉkanam atumsha tura atumí aparí̱sha nékashtai̱niam Uunt Yus juramkittiarme. Túramu nui̱ pujusrum numiji̱a̱i̱ tura kayaja̱i̱ najankamu yus tikishmátrattarme.

Muis. 28:64

Túrutma Uunt Yusak yajá nuṉkanam pepru irunainia tímianai tsakiṉmak akuptámprattarme. Túram nui̱ pujusrum atumsha tura atumí úuntri̱sha wáinkiacharma numiji̱a̱i̱ tura kayaja̱i̱ najankamu yus tikishmátrattarme.

Apu. 16:6

Iis, nu shuar amé shuarumincha tura ame chichammin etserniuncha máwar ni numpe̱n ukatraru ásarmatai Amesha núnismek numpa áarume. Maa, páchitsuk áitkianatin áiniawai.”