Jrm. 19:3 - Yus Papí: Shuarja̱i̱ Yus Yamaram Chicham Najanamu

³ Tura chicharainiakum ‘Jutanmaya̱ úunt akupniutiram núnisrumek Jerusaréṉnum pujatirmesha ashí antuktarum. Ashí Akupin Uunt Yus Israera Yusri̱ chichaak “Nekaatarum, ju̱ nuṉkanam tí waitsatniun Wi akupeajai. Tura ya ju̱na ántawa nuka áya nunak antittiawai.

Jrm. 19:3 Iomraidhean Croise

YKan. 102:15

Túrasha Uunt Yus ataksha Seúnnum Ni Je̱e̱n je̱a̱m Ni péṉkeri̱n iniaktusartatui. Nuna túramtai Ni kakarmari̱n wáinkiar ashí nuṉkanmaya̱ aents tura ashí úunt akupin ainia nusha Uunt Yusa náari̱n ashamkartatui.

YKan. 110:5

Uunt Yuska Ame untsuurumini̱ pujurtamui. Tuma asa Ni kajetáiri̱ tsawant jeamtaiṉkia ashí akupin pujuinia núnaka nupetkartatui.

YKan. 2:10

Tuma asamtai yamaikia úunt akupniutirme̱sha péṉker enentáimpratarum. Maa, ashí nuṉkanmaya̱ sumamtikniutirmesha Uunt Yus chichartamprumna nu nakitrairap.

Isa. 28:19

Tura kashí kashini̱ṉ tsawai̱sha nuyá̱ káshisha naṉkatamainiakka tuke juramiartatui. Nui̱ṉkia nu tsuumai̱ chícham étserma ántakrum aya kuraittiarme” tímiayi.

Jrm. 18:11

Kame yamaikia Jutanam tura Jerusaréṉnum aents pujuiniana nu chicharainiakum Uunt Yus chichaak “Nekaatarum yajauchiji̱a̱i̱ átum wáitsatniun iwiarturan Wi tesarájrume. Tuma asamtai yamaikia aṉkant aṉkant atumí yajauch túrutairi̱ṉkia iniaisarum seertarum tawai tiartá” tímiayi.

Jrm. 19:15

“Ashí Akupin Uunt Yus Israera Yusri̱ chichaak ‘Nekaatarum, tí wáitsatniuja̱i̱ asutiáttajrume tímiajrumna nuna yamaikia ju̱ péprunam tura ashí niji̱a̱i̱ írutra matsatainia nui̱ akupeajai. Wari, ni enentái̱ ti kátsuram ajasármatai Winia chichamprun antuktinniasha peṉké nakitiáiniawai’ tawai Israera Yusri̱” tímiayi Jirimías.

Jrm. 25:29

Ju̱ pepru Winia ának asuttian naṉkamattajai. ¿Átumka asutiámtsuk initiamsattaji tuuk enentáimprum? Ú̱mkashtatrume ashí nuṉká matsatrumna nútirmiṉkia mesetan najatattajrume” tawai Ashí Akupin Uunt Yus.

Jrm. 35:17

Tuma asamtai Ashí Akupin Uunt Yus Israera Yusri̱ jú̱nis tawai. Jutancha tura Jerusaréṉnum matsatainia nú aentsnaka ashí ni yajauchiri̱n wáitkiasartatjai tusan ujakáruitjiai. Núja̱i̱sha anturtukcharmai. Untsukarmajai túramaitiat ái̱rkacharmai” tímiayi.

Jrm. 44:3

Yajauchin túruiniak Wíniaka akajtukarmayi. Warí, kuṉkuinian áestuiniak chíkich yusan nisha nékainiachiat tura atumsha nekaachman núnisaṉ atumí aparí̱sha nekaacharman enentáimtusarmiayi.

Jrm. 6:19

Maa nuṉkáa antuktarum. Tura iistarum. Winia chichamprun umitsuk Wi akupkámuncha ajapa iniaisaru ásarmatai ni enentáimsarua nútiksanak yamaikia jú̱ aentsun asutiáwartaj tusan tí yajauchin itiarainiajai.

Mat. 10:18

Winia ajasu asakrumin úuntnumsha tura nuyá̱ akupniúnmasha juramkiartatui. Núnisrum akupniúncha tura Israer shuarchancha winia chichamur ujaktatrume.

Apu. 2:29

Kuíshtinia nu shuar Yusa Wakaní̱ ashí Yus shuaran timian antukti.’ Tu aartá” turutmiai.

1 Sam. 3:11

Nuiṉkia Uunt Yussha Samuiran chicharuk “Israer shuara nuṉke̱n tí tsuumainian túrattajai. Nuna túrakui antukar ti itiurchat enentáimprartatui.