Jrm. 19:2 - Yus Papí: Shuarja̱i̱ Yus Yamaram Chicham Najanamu

² Túram Piṉjiniúma pakari̱n wa̱i̱ti̱a̱i̱ Jakach waiti tutaiya nui̱ wajasam Wi ámin títiatjamna nu ujakártatme.

Jrm. 19:2 Iomraidhean Croise

2 Akup. 23:10

Núnisaṉ Jusíaska yaaksha uchirí̱n tura nawantri̱nkisha Murukan áestuawara̱i̱ tusa Tupitniasha emeskamiayi. Nuya̱n uunt je̱a̱ Etsa̱ íktusma kawái matsamtai̱ armia nunasha jusa káruri̱ncha áestukarmiayi. Núnisaṉ Uunt Yusa Je̱e̱n á̱a̱ri̱n áestutai̱ najankamu armia nunasha emesak tsainiakaruri̱nkia Kitrun pakanam utsaṉkarmiayi. Tura Jerusaréṉnumia̱ṉka etsa̱ akatainmaani̱ najankamu mui̱jmiai̱ Setunnumia̱ yus Astarte nuyá̱ Muápnumia̱ yus Kímius núnisaṉ Amunnumia̱ Mirkum áestutai̱ najankamu naint iruniarmia nunasha ashí emeskarmiayi. Nuya̱ṉka Jusíaska kaya najankamu yus enentáimtutai̱ armia núnaka tsaik núnisaṉ Asera enentáimtutai̱ numi armia nunasha ajar nui̱ṉkia aentsu ukunchí̱n utsaṉtawarmiayi.

Jrm. 1:7

Tutai Uunt Yus chichartak “Wikia úchitjiai. Péṉker chichaktinian jeatsjai turutip. Antsu ashí Wi akuptiatjamna nui̱ wétatme túram ashí Wi títiatjamna nuke chichaktatme.

Jrm. 11:6

Nuyá̱ Uunt Yus chichartak “Ju̱ chicham ashí Jutá péprunmasha tura Jerusaréṉka jinti̱ncha étserkum ‘Chícham najanamua ju̱ antukrum umiktarum’ tiartá.

Jrm. 18:2

“Nuweja̱i̱ takastinian unuimiátra nuna je̱e̱n wetá. Nui̱ Winia chichamprun ántumtikiattajme” tímiayi.

Jrm. 26:2

“Uunt Yus jú̱nis tawai ‘Ámeka Uunt Yusa Je̱e̱n wá̱i̱ti̱a̱i̱ri̱n ajapén wajasam ashí shuar Jutanmaya̱ Yusan enentáimtustai tusar Yusa je̱e̱n táartatna nu Wi titiá tájamna nu ashí ujakárta. Wi tájamna nuka chikichík chichamkesha kajinmattsuk tímiatrusmek ashí etserkata.

Jrm. 3:12

Weme winia chichamur étserkum arakaani̱ íimsam chichaakum ‘Yusan enentáimtichu Israerá Wini̱i̱ṉ waketkitia. Túramka waitnenkartin asamtai Winia kajetái̱rka wáinkiashtatme. Ántsanak kajeknásha túkeka pujuschattajai.

Jrm. 32:35

Nu arantcha Wi akupkachmaj tura ishichkisha enentáimsachmaj nú mui̱jmiai̱ túrakrum Piṉjiniúm nuṉka pakari̱n najankamu yus Paar áestakur enentáimtutai̱ najankarum atumí uchirí̱ tura nawantri̱sha ántar yus Muruk náartin áestimiarme. Nu túrakrum Jutá shuar tunáa ti túrumamtikiamarme” tímiayi Uunt Yus.

Jrm. 7:2

“Yamaikia Uunt Yus Je̱a̱ wá̱i̱ti̱a̱i̱ri̱n wajasam ju̱ chicham étserkum ashí Jutá shuartiram ju̱ wáitinmaani̱ waya̱rum Yus shiir awajkuram Uunt Yusa chichame̱ anturkatarum tiartá.

Jns. 3:2

“Uunt pepru Níniwiniam wetá. Túram nuyá̱ aents Wi títiatjamna nú chicham etseruuta” tímiayi.

Mat. 10:27

Ishishmasan kiritniunam ujajrumna nu, tsawái̱ kakantrarum etserkatarum.

Tur. 5:20

Tura chichaak “Wetarum. Tura Yusa Uunt Je̱e̱n wajasrum Yusja̱i̱ tuke iwiaaku átinia nu etserkatarum” tímiayi.