Jrm. 18:9 - Yus Papí: Shuarja̱i̱ Yus Yamaram Chicham Najanamu

⁹ Nuya̱ṉka wárichik chikichik uunt nuṉka mátsatkamun nuíchuka chikichik nuṉka akupeamun péṉker iwiarkan arakmaktaj tusan áujmattsattajai.

Jrm. 18:9 Iomraidhean Croise

Jrm. 1:10

“Tura ju̱ nekaata. Ashí nuṉkanam tura uunt nuṉka mátsatkamu ainia nui̱ tsuriarar tsai̱ tsai̱ awajsatniun áitkiasrik emeskar amuktinian núnisrik je̱a̱mkar arakmaktinian yamái ju̱ tsawant ánaiyajme” turutmiai.

Jrm. 11:17

Israer shuarsha tura Jutá shuarsha Páaran kuṉkuinian áestuiniak yajauchin túrawar Ashí Akupin Uunt Yus atumín aratmawarma nu akajtukarmatai yajauchin akuptúkarmaiti.

Jrm. 30:18

Uunt Yus chichaak “Nekaata achira yaruakma ainia nuna Jakupa shuari̱n ikiankartatjai ní shuari̱nkia waitnentrartatjai. Pépruka emeskarma ainia nui̱ṉ ataksha je̱a̱mkartatui tura úunt akupniu je̱e̱sha je̱a̱mkamu amia nui̱ṉ ataksha je̱a̱mnaktatui.

Jrm. 31:28

Kame tsuriaran tsai̱ tsai̱ tura emeskaran nekaachmin mui̱jmiai̱ yajauch awajsartajtsan émamkesaran iisarmaj tímiatrusarnak Israer shuaran iwiartukan je̱a̱mprukartaj tusan émamkesaran íisartatjai” tawai Uunt Yus.

Jrm. 31:38

Wats nekaatarum Uunt Yus ju̱nasha tawai. Tsawant jeattana nuiṉkia Ananér kumpinnium juárkimiuk Tsukin waiti tutaiya̱ tímianai Uunt Yusna pepru je̱a̱mnaktatui.

Jrm. 31:4

Wats iistá, Israerá nuwa̱ch áishmaṉja̱i̱ tsaniṉcha núnisan áminkia ataksha iwiarkattajme túran ataksha je̱a̱mkattajme. Túramka shakapja̱i̱ iwiarmampram warainiak jantsemáiniana nui̱ amesha pachinkiattame.

Jrm. 32:41

Tura Wisha niin peṉker túruiniakun ti wararnaisartatjai. Núnisnak nekas enentái̱rja̱i̱ ashí wakantruja̱i̱ ataksha nekasa nuja̱i̱ ju̱ nuṉkanam matsasártatjai.