Jrm. 18:12 - Yus Papí: Shuarja̱i̱ Yus Yamaram Chicham Najanamu

¹² Túrasha chichainiak “Ame támena nuka peṉké túrachminiaitji. Antsu íi enentáimmiak werakur aṉkant aṉkant ii netse enentái̱ túrameaj nuke túrattaji” tiártatui.

Jrm. 18:12 Iomraidhean Croise

Naṉ. 6:5

Tura Uunt Yus aentsu tunaarí̱ nuṉká piakmia nuna wainkiamiayi. Núnisaṉ aya yájauchiniak túratniun enentáimtiarmia nunasha paant nekaamiayi.

Naṉ. 8:21

Tura nuna kuṉkuntin Uunt Yus ti shiir nekapramiayi. Tura Ní enentáimsaṉ chichaak “Yamaikia aentsu yajauch túrutairi̱nkia nuṉkanka ama̱a̱ja̱i̱ṉkia atakka peṉké amukchatniuitjiai. Warí aentska uchichinmaya̱ṉ yajauch enentáimin áiniawai. Núnisnak ashí iwiaaku matsamártatna nunasha amukchartatjai.

Isa. 65:2

Tura nu aents umichu ásar ni enentáimmiari̱ji̱a̱i̱ṉ ni wakeramun túruiniak péṉkerchanum wekainianak takamtsuk tsawant untsusan pujursarmajai.

Jrm. 11:8

Túrasha niṉkia tuíniamaitiat peṉké anturtukcharmai. Tumá aṉkant aṉkant ní enentai̱n yajauch enentáimmianumaani̱ júkiarmai. Túrawar chícham najanamu umiktarum tusan akupkámiaj núnaka umikcharuiti. Tuma asamtai ashí itiurchat jú̱ chicham najanamunam áarman itiariártatjai” tímiayi.

Jrm. 16:12

Tura átumka atumí uuntri̱ túrin armia núja̱i̱sha naṉkaamas túraitrume. Nekaata átumka atumíya̱ aṉkant aṉkant yajauch enentái̱ achikrum Wíniaka anturtutsuk wéarme.

Jrm. 2:25

Náwek wekasa̱i̱j tura kitiamtánash kitiami̱j tusam anearta. Túrasha chichaakum ‘Atsá nuka péṉkerchaiti warí yajaya̱ aents nékashtai̱ ainia nunasha anenajai. Tuma asan ni wénakui wisha pataakattajai’ tímiame.

Jrm. 23:17

Winia nakitruinia núnaka iniaitsuk chicharainiak ‘Aṉkant pujustatme’ tuíniawai tura niní̱ wakera núnaka chicharainiak ‘Atumniaka itiurchatka tarutrámchartatui’ tuíniawai.

Jrm. 3:17

Nu tsawantinkia Jerusaréṉnaka Uunt Yus Akupkur Pujutái̱ri̱ tu anaikiartatui. Tura ashí nuṉkanmaya̱ aentska Uunt Yusa náari̱n pachikiar Jerusaréṉnum iruntrartatui. Nuya̱ṉka ni enentái̱ kátsuram ásarmatai yajauch túriarmia núnisarka túrachartatui.

Jrm. 44:17

Antsu ii wene̱ya̱ chichakma jiinia nuke nekaska túrawartatji. Nayaimpinmaya̱ nuwa̱ úunt akupin kuṉkuin áestakur umutai̱ áiniana nusha ukatáiniakur ii túrutairi̱ tura ii úuntri̱sha núnisaṉ ii úunt akupniuri̱sha ántsan pepru uuntri̱ túrin armia nútiksarik iisha Jutanam pepru írunna nui̱ṉkia tura Jerusaréṉka paasa jinti̱ncha túrawartatji. Warí nu túrakur ti taramkar nukap yurumár ejemararar péṉker pujusármaji tura yajauchikia peṉké wainkiacharmaji.

Jrm. 6:17

Núnisaṉ kachu umpuamu antuktarum tiarat tusan jintiá íinian apujsarmajai. Túrasha “nuka peṉké antukchartatji” tiarmai.

Jrm. 7:24

Túrasha Winia chichamprunka umirtukcharmai tura antutnaksha anturtukcharmai. Antsu ni yajauch enentái̱ wakeramuja̱i̱ métek ní iwiaramunak túrawarmai. Túmainiak eem wétsuk Yusnaka iniaisar úkumur waketkiarmai.

Isk. 37:11

Nuyá̱ Uunt Yus chichartak “Maa, aentsu uchiri̱yá, ju̱ ukunchkia ashí Israer shuara núnis áiniawai. Nisha chichainiak ‘Ii ukunchí̱ṉkia káakarai. Tuma asar iikia peṉké antrar ajasáruitji. Warí, ashí emeskachmakaitiajⁱ’ tuíniawai” turutmiai.

Mks. 3:14

Nu arantcha ‘Yus takarsatniusha ántraiti. Ni akupkámu chicham umíakur Ashí Akupin Uunt Yus íimmianum wáitiakrisha ¿warí péṉkerak wainkiattajⁱ?

Ruk. 1:51

Niṉkia aentsti túrachminia nunasha páchitsuk túraiti. Naṉkamantuitjiai tu enentáimtumainia nuna tsakiṉmakaruiti.

Muis. 29:19

Tura ju̱ chichaman yajauch pujutnum yumiṉkramun antuk niṉki shiir enentáimtumas ‘Enentái̱rui̱ itiurchat ákuisha wikia wakeraj nuna túrakun itit nekaprashtatjai’ tu chichaakuisha ni túramun ashí iisar jumamkiarmatai ashí emesnarartatui. Isr. 12:16-17