Jrm. 17:9 - Yus Papí: Shuarja̱i̱ Yus Yamaram Chicham Najanamu

⁹ Aentsu enentái̱ṉkia ashí írunna núja̱i̱sha naṉkaamas ti anaṉmawiti. Tuma asa eseerachminiaiti. ¿Nunasha yaki nekaatⁱ?

Jrm. 17:9 Iomraidhean Croise

Mat. 15:19

Ashí yajauch enentáimsatniuka enentáinmaya̱ jiiniainiawai, maṉkartuatniusha, chikicha nuwé̱ kasamkatniusha, tsanirmatniusha, kasamkatniusha, waitruatniusha, yajauch áujmatsatniusha.

Neka. 28:26

Aya ní enentái̱ji̱a̱i̱ṉ enentáimtuma nuka nétsete antsu nekatai̱ji̱a̱i̱ wekáa nuka aṉkant awajnástatui.

Isr. 3:12

Anearta, yatsuru. Yajauch enentáimsarum tuke iwiaaku Yus enentáimtutsuk kanakiirap.

Naṉ. 6:5

Tura Uunt Yus aentsu tunaarí̱ nuṉká piakmia nuna wainkiamiayi. Núnisaṉ aya yájauchiniak túratniun enentáimtiarmia nunasha paant nekaamiayi.

Naṉ. 8:21

Tura nuna kuṉkuntin Uunt Yus ti shiir nekapramiayi. Tura Ní enentáimsaṉ chichaak “Yamaikia aentsu yajauch túrutairi̱nkia nuṉkanka ama̱a̱ja̱i̱ṉkia atakka peṉké amukchatniuitjiai. Warí aentska uchichinmaya̱ṉ yajauch enentáimin áiniawai. Núnisnak ashí iwiaaku matsamártatna nunasha amukchartatjai.

Mat. 13:15

Ju̱ shuara enentái̱ kátsuram ásar péṉkera nuna nakitiáiniawai. Nu asamtai péṉker ántuiniatsui ji̱sha pusá áinis áiniawai. Túrachkuṉka paant nekaawarainti tura nekas antukarainti tura enentái̱ji̱a̱i̱ enentáimias Winia tsuarat tusa tarutiarainti.’ Isa. 6:9-10

Jrm. 16:12

Tura átumka atumí uuntri̱ túrin armia núja̱i̱sha naṉkaamas túraitrume. Nekaata átumka atumíya̱ aṉkant aṉkant yajauch enentái̱ achikrum Wíniaka anturtutsuk wéarme.

YKan. 51:5

Akiiniamiaj nuya̱ṉ yajauch túratniun akiiniaitjiai. Wisha winia nukuruí̱ya̱ṉ tuke tunaarintin najanaruitjiai.

Mar. 2:17

Jesus nuna antuk chichaak “Jaatsna nuka tsuákratniun atsumainiatsui. Antsu jaana nuka tsuákratniun atsumainiawai. Warí ‘péṉkeraitjiai’ tuinia nú shuaran untsuktajtsan táchaitjiai. Antsu ‘tunaitjiai’ tuinia nú shuaran Winia ajasat tusan untsuktajtsan táwitjiai” tímiayi.

Rum. 1:21

Yusan nékainiayat shiir awajsacharmiayi tura yumiṉsacharmiayi. Tuma ásar aya antra nunak enentáimtuiniak ni enentái̱ tunaaja̱i̱ piakai.

Rum. 7:11

Kame tunáa wakerutaiṉkia nu akupkámuja̱i̱ anaṉkrua péṉker iwiaaku pujustinian surutsuk nu akupkámuja̱i̱ jákatniunam jurukmiayi.

Ipi. 4:22

Yaunchu enentáimtairmeka aya̱sh wakeramu anaṉkramin ainia nuja̱i̱ piaku asa imiá yajauchiti. Nu enentáimtairmesha yaunchu túrutairmesha ajapa iniaisatarum.

2 Sam. 11:15

Tura papiniumka jú̱nis áaruyayi. “Uríaska mesetnum wárik máwarminnium émtikiata. Tura átumka uku juaktarum nin máwarat” tu áarmiayi.

Isa. 1:5

¿Urukamtaik nu arantcha asutki̱ ematjarum, warí nu arantak ajattarum? Kame atumí muuke̱sha najamáiniawai núnisrumek ashí enentái̱mincha jaarme.

Isa. 1:6

Nawe̱nmaya̱ juarki̱ muukmea tímianai aṉká péṉkerka peṉké atsawai. Antsu awatra tsupíamu ear kauru nijiarar penutcha penuarchamuitrume tura chimiat tusar asuitiji̱a̱i̱sha yakarchamuitrume.

Isa. 6:10

Tura ju̱ aentsu enentáimtairi̱sha ikiatsuátrarta. Tura antukara̱i̱ṉ tusam empemtikiarta. Núnisaṉ íimsara̱i̱ṉ tusam ji̱sha ukusturarta enentáimsar nekarawar Winí̱ táarmatai tsuarara̱i̱j” turutmiayi. Mat. 13:14-15; Jṉ. 12:40; Tur. 28:26-27

YKan. 64:7

Yus tíshimkiuja̱i̱ eketkartatui. Túram aya aneachma akaṉma ártatui.

Jrm. 7:24

Túrasha Winia chichamprunka umirtukcharmai tura antutnaksha anturtukcharmai. Antsu ni yajauch enentái̱ wakeramuja̱i̱ métek ní iwiaramunak túrawarmai. Túmainiak eem wétsuk Yusnaka iniaisar úkumur waketkiarmai.