Jrm. 17:5 - Yus Papí: Shuarja̱i̱ Yus Yamaram Chicham Najanamu

⁵ Uunt Yus chichaak “Aents aentsnum enentáimiuk tura aents túramu yaintkiattawai tusa Uunt Yusan enentáimtatsna nuka yajauchiji̱a̱i̱ yumiṉkramuiti.

Jrm. 17:5 Iomraidhean Croise

YKan. 18:21

Uunt Yusa jinti̱nkia wekasaitjiai. Tura Yusan enentáimtichua núnisnaka winia Yusrui̱ya̱ṉka kanakchaitjiai.

YKan. 62:9

Ti nekas aentska peṉké ántar áiniawai. Áishmaṉka peṉkeri̱ ainia nu wait áiniawai. Kijin nekapmatai̱niam irurar nekapmamka máyai̱ya̱ núnis wampuch ántar áiniawai.

Isa. 2:22

Warí ¿aents tuke iwiaaku pujuukait? ¿Urukamtai aentsush imiá enentáimtittiarum?

Isa. 36:6

Pai, ámeka ushukrutai̱ pintiu kupí kupiniata núnis Ejiptu timiá enentáimtame. Warí yaaksha nui̱ achimkiuṉka uwejnum meseak pana jíimittiui. Núniniaiti Ejiptunmaya̱ úunt akupin Parauṉ. Ashí nin enentáimtuinia nuka túrunamnia áiniawai.

Isa. 59:15

Tura nekasa nuka meṉkakaiti núnisaṉ yajauchia nuyá̱ kanainiaka peṉkeri̱ atantrámu áiniawai. Uunt Yus nuna wáinkiaiti tura nekasa nu túramusha atsá asamtai núnaka yajauch iyawai.

Jrm. 11:3

chicharainiakrum jú̱nisrum etseratarum. Uunt Yus Israera Yusri̱ chichartamuk ‘Jú̱ chicham najanamun shuar umíachuka yajauchiniam yumiṉkramu átatui.

Use. 1:2

Kame juáruk Uunt Yus timian Useas etserkamia nuka ju̱i̱ti. Nuyá̱ Uunt Yus Useasan chicharuk “Yamaikia tsanirmatai nuwa̱ nuatkam nui̱ yajutmakta. Warí Israer shuar nui̱ pujuinia nu Uunt Yusan iniaisar aya tsanirmatnak pujurainia núnis áiniawai” tímiayi.