Jrm. 17:3 - Yus Papí: Shuarja̱i̱ Yus Yamaram Chicham Najanamu

³ Nainniumsha tura pakarí̱ncha ni áestutairi̱ irunainiawai. Kame átumka naint írunna nui̱ ashí atumí nuṉke̱n tikishmátin asakrumin atumí kuítri̱nkia atantramar ashí yarurkarti tusan súsartatjai.

Jrm. 17:3 Iomraidhean Croise

2 Akup. 24:13

Nuyá̱ úunt akupin Napukutunusúr Uunt Yusa Jé̱e̱nia̱n núnisaṉ úunt akupniu je̱e̱n kuit irunmia nunasha mash jusamiayi. Nuna tura Saramúṉ Israernum úunt akupin pujus Yus Je̱a̱nam takatai̱ṉ kuriji̱a̱i̱ tí shiirmachin najankamia núnaka mash tsái̱kmiayi. Nu túrunamtai Uunt Yus timia nuka tímiatrusaṉ uminkiamiayi.

YKan. 78:58

Túmainiak najanamu yus enentáimtutai̱niam irunainiak Yusan akajiarmiayi. Tura ántar yusan najankar tikishmátainiakui ni Yusri̱ akasearmiayi.

Isa. 27:9

Najanamu yusan tikishmátratniun iniaisarmatainkia Israer shuara tunaari̱nkia tsaṉkuramu átatui. Tí nekas Jerusaréṉka ajapa ikiukmia átatui. Tuma asamtai waakasha nui̱ yurumáiniawai núnisaṉ nuwa̱sha nuya̱nak jinia júukar juíniawai. Nu aentska peṉké enentáimcha áiniawai. Tuma asamtai ní najanasha Yus waitnentrachartatui.

Jrm. 12:12

Atsamunam ashí naint írunna nuyá̱ ashí emeskartinkia káunkaruiti. Yamaikia iwiaaku ainia nu péṉker aṉkant pujusártinkia peṉké atsawai. Warí, nuṉka jú̱ náṉkatkamunmaya̱ juarki̱ atú náṉkatkana tímianaisha Uunt Yusa puya̱ri̱ ashí amukártatui.

Jrm. 15:13

Nuiṉkia ame tunaarumiin ame kuítrum tura ashí kuit áiniana nu émamkesar ikiusma ashí ame nuṉkemíin írunna núnaka peṉké antraṉ atantrarti tusan íktusan iniaisattajai.

Jrm. 20:5

Núnisnak péprunam ashí kuítrum írunna tura takatrumiya̱ nerea nuna tura ashí shíirmach ainia núnaka íktusan iniaisattajai. Núnisnak Jutanmaya̱ úunt akupin ainia nuna ashí kuítri̱n ni nemasri̱ uwejé̱n íktuan iniaisattajai. Túramtai utsantua warirí̱ atantar Papirúnianam júkiartatui.

Jrm. 21:13

Wats antuktarum, átum pakanam pujú, pakanmaya̱ kayatirmin atumín yamaikia kajerkajrume. Warí, átumka chichakrum ‘¿Iincha yaki káutramkartajⁱ núja̱i̱nchuka yaki ii je̱e̱ncha utsanturmawartajⁱ?’ tau asakrumin atumín Uunt Yus chichartamuk

Jrm. 26:18

“Uunt akupin Esekías akupin ajas Jutanam pujumia nu tsawantincha Muresétnumia̱ Mikías Yúsnan etsermiayi. Tura Jutanam ashí aentsnum étsereak jú̱nis tímiayi. ‘Ashí Akupin Uunt Yus chichaak “Seúnnaka kampunniua nútiksar amú amú awajsártatui tura Jerusaréṉka tsai̱ tsai̱ awajnástatui núnisaṉ naint Uunt Yusa Je̱e̱ pujana nu naintia pakarí̱nkia kaya kusha wái̱ṉtatui”’ tu etserkamiayi. Mik. 3:12

Ukan. 1:10

Tura nemassha Ame Je̱e̱min ashí shíirmach írunna nuna kasamak yaruakarai. Tura Winia Shiir Awajtai̱ Je̱a̱rui̱ waya̱charti Ame tímiam nui̱ uunt mátsatkamunmaya̱ ainia wáinian Jerusaréṉsha wainkiayi.

Riw. 26:30

Túran najankamu yus átum enentáimtutai̱ naint írunna tura átum kuṉkuin áestutai̱ írunna nunasha emestuktatjarme. Tura atumí aya̱shí̱ kajinkiáru irumpramunam atumí yusri̱ kajinkiáru áiniana nunasha atumí aya̱shí̱ji̱a̱i̱ apatkan irumprattajai. Túran Wikia peṉké muí̱jkiattajrume.

Sup. 1:13

Tu enentáimin ásar wariṉkish takurmakmari̱sha jurunkíttiawai tura je̱e̱sha emestukma ártatui. Je̱a̱n je̱a̱mainiaksha pujuschartatui tura úwan arakmawarsha nuna yumiri̱ncha peṉké umarchartatui”.