Jrm. 17:2 - Yus Papí: Shuarja̱i̱ Yus Yamaram Chicham Najanamu

² Ni uchirí̱sha nuna wáinkiar enentáimtiarti tusar túraiti. Kame Asera áestai̱ri̱ nuyá̱ Asera yus najankamu ainia nusha tura Asera enentáimtutai̱ numisha ukatkat numia nui̱sha Asera yus enentáimtutai̱ naintcha mash wáinkiar nékainiawai.

Jrm. 17:2 Iomraidhean Croise

YKan. 78:58

Túmainiak najanamu yus enentáimtutai̱niam irunainiak Yusan akajiarmiayi. Tura ántar yusan najankar tikishmátainiakui ni Yusri̱ akasearmiayi.

Jiin. 34:13

Antsu ni yusri̱ áestakur tikishmáttai̱ ainia nuka sa̱a̱rkirum najankamu yus ainia nusha tsairatarum. Tura shiir awajtai̱ numi Asera náartin ainia nusha tsupiratarum.

Isa. 17:8

Nuya̱ṉka aestutai̱ ni uwejé̱ja̱i̱ najankamu ainia núnaka íischartatui. Núnisan Asera nakumkarmancha tura etsa̱ nakumkar ni tsara uwejé̱ja̱i̱ najankamu irunainia núnaka peṉké íischartatui.

Jrm. 2:20

Warí ámeka tí yaunchuya̱ṉ nuṉka pukutai̱ netuamun waaka nakitiak kupir jiṉkiarmári̱ncha tsuriar ikiuana núnismek amesha túramame. Tura chichaakum “Peṉké umirkashtatjai” tímiame. Tú takum aya̱shí̱n súrin nuwa̱ urukainia núnisam ashí naint tura ashí numi ukat ukatin ainia nui̱ ámeka tepekní̱ wekaimiame.

Jrm. 3:23

Murasha tura naint antukchamnia ajainia nuka anaṉkartin áiniawai. Nekaska Uunt Yus ii Yusri̱i̱n Israer shuar uwempratniuka awai” tawai Uunt Yus.

Jrm. 3:6

Uunt akupin Jusías pujumia nui̱ Uunt Yus chichartak “Yusan enentáimtichu Israer túruinia nu ¿wáiniamek? Ashí naint tura ashí numi ukat ukatin ainia nui̱ wéar tsanirmawaruiti.

Jrm. 7:18

Warí uchirí̱ jinia juuk ikiankarmatai aparí̱ṉkia jinia ikiamtuiniawai. Tura nayaimpinmaya̱ nuwa̱ úunt akupin súsatniun uunt páṉkan najanatai tusar núwa̱ka trikiu nekeṉman iwiarainiawai. Núnisaṉ Winia akajtuktai tusar najankamu yus ainia nuna umutain ukaténawai.

Suma. 3:7

Israer shuarka Uunt Yus íimmianum ti yajauchin túrawarmiayi. Túmainiak ni Uunt Yusri̱nkia kajinmatkiar Páaran tura Aseran ántar yusan umirkarmiayi.