Jrm. 17:12 - Yus Papí: Shuarja̱i̱ Yus Yamaram Chicham Najanamu

¹² Akupkur pujutai̱ tí shiira nu yámankamtaikniumia̱ juarki̱ tí naṉkamantuiti. Nuka ii Yus Shiir Awajtai̱ Je̱a̱iti.

Jrm. 17:12 Iomraidhean Croise

YKan. 96:6

Naṉkamanturi̱ṉkia tura winchari̱sha Nin eem áiniawai. Núnisaṉ Ni Shiir Awajtai̱ Je̱e̱nkia kakarmari̱sha tura shíirmari̱sha áiniawai.

Isk. 43:7

Nisha chichartak “Aentsu uchiri̱yá, wi wajajna ju̱i̱ṉkia winia uunt pujutái̱ruiti. Tuma asamtai Israer shuar pujuinia nui̱ tarimian tuke pujustatjai. Nuya̱ṉka Israer shuarka ímia nisha tura ni akupniúri̱sha yamái túruinia núnisarka túrachartatui. Warí, ni najankamu yusri̱ ni akupniúri̱ji̱a̱i̱ métek jákarun untsurí naint ainia nui̱ enentáimtuiniak tsanirmatniua núniniawai.

Jrm. 3:17

Nu tsawantinkia Jerusaréṉnaka Uunt Yus Akupkur Pujutái̱ri̱ tu anaikiartatui. Tura ashí nuṉkanmaya̱ aentska Uunt Yusa náari̱n pachikiar Jerusaréṉnum iruntrartatui. Nuya̱ṉka ni enentái̱ kátsuram ásarmatai yajauch túriarmia núnisarka túrachartatui.

Isk. 1:26

Nuya̱ṉka ni muuke̱n yakini̱ nayaimpinmaṉka akupkur pujutai̱ shíirmach kaya sapiruja̱i̱ najanamu núninian wainkiamjai. Tura akupkur pujutái̱nmaṉka aentsua núnin pujan wáinmiajai.

Apu. 3:21

Nupetmakuka akupin pujutai̱nium Wiji̱a̱i̱ pujustatui. Wisha núnisnak nupetmaku asan winia Aparja̱i̱ akupin pujutai̱nium pujusuitjiai.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 4:16

Yus waitneṉkratakur akupin pujutai̱niam shiir enentáiji̱a̱i̱ arantutsuk weantúktiniaitji. Tura Yus iin anenma asa waitnentramak itiurchat pujajnia nui̱ yaintmaktatji.

Isa. 6:1

Uunt akupin Usías jakamia nú uwitin Uunt Yus yakí̱ ashí naṉkamantu úunt akupin pujutai̱niam pujan wi ímiaja̱i̱k wáinmiajai. Tura ni pushirísha nuntuaru asa Yusa Je̱e̱n anetak pujumai.

Mat. 25:31

Jesus áujmatuk tímiayi “Aents Ajasu ana nu ashí akupin ajas Yusa suntari̱ éṉkekma winittiawai. Tura Úunt Akupin shiir pujutái̱ri̱n pujustatui.

Isa. 66:1

Uunt Yus chichaak “Nayaimpikia Winia akuptai̱ pujutái̱ruiti tura núṉkaka Wi tarimsar pujutái̱ruiti. Winia je̱a̱rtitiai tárumna nu je̱a̱sha ¿tui̱ aa? tura Wi ayampratniusha ¿tui̱ aa?” tawai. Tur. 7:49

YKan. 103:19

Uunt Yusa pujutái̱ri̱ṉkia nayaimpinmaiti. Tura ashí takamtsuk akupniuiti.