Jrm. 16:5 - Yus Papí: Shuarja̱i̱ Yus Yamaram Chicham Najanamu

⁵ Nú arantcha Uunt Yus chichaak “Ajakmáru útainia nuna je̱e̱ncha kúntuts enentáimkiun shiir enentáimtikrartaj tusamsha waya̱waip. Warí aṉkant pujustinniasha aneṉkrattairnasha tura waitnenkartutairnasha ju̱ shuarnumia̱ṉka Wikia júsaitjiai.

Jrm. 16:5 Iomraidhean Croise

YKan. 25:6

Maa Uunt Yusá Ame waitnenkartutairmeka náṉkatkachu áiniawai. Tuma asamtai Ame waitnenkartiniaitmena nuja̱i̱ enentáimturata.

Jrm. 12:12

Atsamunam ashí naint írunna nuyá̱ ashí emeskartinkia káunkaruiti. Yamaikia iwiaaku ainia nu péṉker aṉkant pujusártinkia peṉké atsawai. Warí, nuṉka jú̱ náṉkatkamunmaya̱ juarki̱ atú náṉkatkana tímianaisha Uunt Yusa puya̱ri̱ ashí amukártatui.

Jrm. 16:13

Tuma asakrumin ju̱ nuṉkanmaya̱ṉka jí̱i̱rtatjarme. Túran atumsha tura atumí úuntri̱sha nékashtai̱ nuṉkanam ajapan iniaisattajrume. Nuiṉkia chíkich yus ainia nu tsawai̱sha tura káshisha tikishmátiattrume. Nuiṉkia Wikia peṉké waitnentrashtatjarme.

Ukan. 3:17

Wini̱ṉkia aṉkant pujutai̱ṉkia arant ajatrúsmai. Tura péṉkernaka kajinmátkimjiai.

Sak. 8:10

‘Warí, ju̱ tsawant jeatsa̱i̱ṉkia aents takakmasmanum nuíchuka waaka takakmasmanumsha akiktinkia peṉké atsumai. Tura ni nemasri̱ ti írunu asamtai waya̱tniusha tura jíiniunusha aṉkantka wekasatniuka atsumai. Kame Wiki aentsnaka aṉkant aṉkant nuamtak shuari̱ji̱a̱i̱ṉ kajernáimiamtikiarmajai.

Apu. 6:4

Takui̱ chíkich kawái kapa̱a̱kun wainkiamjai. Nui̱ ekemia nuna puyá̱ úuntan susamuyi. Nusha shiir pujuscharat tusa ashí jú̱ nuṉkanmaya̱ shuaran mánaimtikiatniun akupkámuyi.