Jrm. 16:11 - Yus Papí: Shuarja̱i̱ Yus Yamaram Chicham Najanamu

¹¹ Nui̱ṉkia chichaakum ‘Warí atumí uuntri̱ armia nu Winia iniaitiusar chíkich yusan umirkar tikishmátrarmai. Túrawar wi akupkámiaj nuna umirkacharmai’ tawai Uunt Yus títiatme.

Jrm. 16:11 Iomraidhean Croise

1 Akup. 9:9

Tuíniakui ‘Warí Uunt Yus ni Yusri̱ Ejiptu nuṉkanmaya̱n ni we̱a̱trí̱n ji̱i̱r yaruakmia nuna nekas enentáimtustinian iniaisar ántar yusan tikishmátrar shiir awajáiniakui Uunt Yus ashí itiurchatja̱i̱ sumamtikiawaruiti’ tiártatui” tímiayi Uunt Yus Saramúṉkan.

Jrm. 2:8

Yúsnan pujurniusha Uunt Yussha ¿tui̱ pujá? turutcharmai. Tura akupkámu umiktin chichaman nékainiasha nekaracharmai. Murikiu wáinin arma nusha Wíniaka nakitruiniak kajertukarmai. Núnisaṉ Yúsnan etserin arma nusha Paara náari̱ji̱a̱i̱ etserkarmai. Túmainiak antra nuna e̱a̱karmai.

Jrm. 22:9

Tutai aimiainiak “Uunt Yus ni Yusri̱ chichaman najanamia nuna iniaisar chíkich yusan umirainiak tikishmátrarmai” tiártatui.

Jrm. 44:3

Yajauchin túruiniak Wíniaka akajtukarmayi. Warí, kuṉkuinian áestuiniak chíkich yusan nisha nékainiachiat tura atumsha nekaachman núnisaṉ atumí aparí̱sha nekaacharman enentáimtusarmiayi.

Jrm. 8:2

Tura yana anenakua enentáimtusar tikishmátrarma núnisaraṉ yana nemarsara aniasarma nui̱ etsa̱nam nantunam nuyá̱ nayaimpiniam ashí írunna nui̱ naka tepetar amajkartatui. Tuma ásar juutcha júukchamu tura iwiartasha iwiarsachma ásar arakan péṉker neremtikin nuṉká matsasma núnisar juákartatui.

Jrm. 9:14

Núnaka túrutsuk ni enentái̱ wakeruiniamun tura ni aparí̱ jintintiáwarma núnisaṉ túrawarmai Páaran enentáimtuiniak.

Ams. 2:4

Tura Jiuwá chichaak “Jutá tunaari̱nkia menaintiuiti tura ju̱ kuátruja̱i̱ṉkia asuttsukka peṉké iniaisashtatjai. Warí Jiuwá akupeamuri̱nkia nakitrar Ni chichame̱ncha umirkacharuiti. Túmainiak ní wáitri̱n anaṉkawaram Ni we̱a̱tri̱ túrawarmia nunak túruiniak ántar yusan umirkaruiti.

Mks. 3:7

Túrasha atumí uuntri̱ yaunchu pujuarmia tímianaiya̱ṉ Wi akupkámu umiktin chichamka umitsuk Wini̱ya̱ṉka kanakniuitrume. Winí̱ waketkitiarum túrawakrumni̱ṉkia Wisha waketruktiatjarme” tawai Ashí Akupin Uunt Yus. “Túrasha ‘¿itiurak aminí̱sha waketkitiajⁱ?’ tárume.

1 Pit. 4:3

Warí, Yusan nékainiatsna nú shuar túruiniana nu atumsha núkap túrichmakuram. Yus shuar ajatsuk tsanirmatin wakerimiarme. Yajauch túratniusha, nampernum nampekrum ti yurumárum, enentáincha ajasrum charaatum ajatniusha, najankamu yusa namperi̱i̱n yajauch ana nu najanatniusha nusha ashí wakerimiarme.

Suma. 2:11

Tuma asa Israer shuar najanamu yusan Páaran tikishmátainiak Uunt Yus íimmianum ti yajauch túrawarmiayi.