Jrm. 16:10 - Yus Papí: Shuarja̱i̱ Yus Yamaram Chicham Najanamu

¹⁰ Ju̱ chicham aents ujaam chichartamainiak turamartatui ¿urukamtai Uunt Yussha iincha asutiá amutmaktaj turamajⁱ? ¿Tuit ii tunaarí̱sha tura ii Yúsri̱ji̱a̱i̱ yajauch túramusha tuit? turamartatui.

Jrm. 16:10 Iomraidhean Croise

Jrm. 11:17

Israer shuarsha tura Jutá shuarsha Páaran kuṉkuinian áestuiniak yajauchin túrawar Ashí Akupin Uunt Yus atumín aratmawarma nu akajtukarmatai yajauchin akuptúkarmaiti.

Jrm. 2:23

Kame ¿itiura wikia mui̱jmiainkia ajakchaitjiai tura Páarnasha peṉké enentáimtuschaitjiai tíminiaitiam? Wats pakanam túramamna nu enentáimsam náṉkamas wekain kamiyuch nekasapitia titiá.

Jrm. 2:35

chichaakum ‘Wikia umitmákcha asan Uunt Yusa kajetáiri̱ya̱ṉka aṉkantaitjiai. Warí yajauchinkia túrachuitjiai’ tame. Túrasha Wikia ame túramuja̱i̱ métek sumamtikiattajme.

Jrm. 44:3

Yajauchin túruiniak Wíniaka akajtukarmayi. Warí, kuṉkuinian áestuiniak chíkich yusan nisha nékainiachiat tura atumsha nekaachman núnisaṉ atumí aparí̱sha nekaacharman enentáimtusarmiayi.

Jrm. 5:19

Tura anintruiniak “Ii Yusri̱ Uunt Yussha ¿urukamtai ju̱nasha jú̱tikramajⁱ?” tuíniakuisha chicharainiak “Ju̱ nuṉkanam pujusrum Wíniaka iniaitiusrum nékashtai̱ najankamu yus shiir awajkuram takarsamarumna tímiatrusrumek nú nuṉkanam pujusrumsha yajaya̱ aents shiir awajkuram takarsattarme” tiartá.

Jrm. 9:11

Jerusaréṉnaka ashí emeskan tsái̱kian tepetar awajkattajai. Túran ku̱jancham matsamtai̱ awajsattajai. Tura Jutanan pepru irunainia nunasha ashí emeskaran aentsri̱sha atsá awajsartatjai.

Use. 12:8

Túrasha Eprainkia chichaak “Nékaseṉ wikia kuítrintin ajasjai, kuítniaka wínianak wáinkiaitjiai. Winia takatrui̱ṉkia mui̱jmiainniasha tura tunaancha peṉké yaaksha wáinkiashtatui” tawai.