Jrm. 15:7 - Yus Papí: Shuarja̱i̱ Yus Yamaram Chicham Najanamu

^7-9 Winia shuaruka ashí emeskaram uchirtichu juákarash ni jinti̱ya̱ṉka Winí̱ peṉké waketkicharuiti. Núnisaṉ waje̱sha ti untsurí nayantsanam naikim írunna nunasha naṉkaamas ajasármai. Túrasha nunasha ni nemasri̱ íktusan iniaisartatjai tawai Uunt Yus.

Jrm. 15:7 Iomraidhean Croise

YKan. 1:4

Túrasha Yusan enentáimtichu ainia núnaka núnischa áiniawai. Antsu niṉkia nase wampuishin umpuí júana núnis áiniawai.

Isa. 41:16

Núnaka nase awajtiur yaruaktatui tura uunt nase tsakiṉmaktatui. Túram ámeka Jiuwái̱ warastatme, warí, Israera Yusri̱ Tunaari̱ncha nu shiir awajsattame.

Isa. 9:13

Túmainiayataṉ Israerka peṉké pachimiascharmiayi tura Úunt Yusnasha peṉké enentáimtuscharmiayi. Tuma asamtai Uunt Yussha nu tsawantai̱k pepru úuntri̱ncha tura Yúsnan etserin armia nunasha nuyá̱ jintinkiartin armia nunasha aentsun awajimtikiainia ásarmatai núnisaraṉ natsancha mitiaikiancha tura waje̱ armia nunasha peṉké waitnentsuk ashí asutiáwartatui.

Jrm. 18:21

Tuma asamtai ni uchirí̱ṉkia puya̱ja̱i̱ amuukarat tusam shuarnum surukaram iniaisarta. Túram ni nuwé̱ ainia nuka uchirtichu tura wajé̱ juákarti. Antsu ni áishri̱ṉkia jákatniunam wéarti ántsaṉ uchirí̱ natsa áiniana nuka mesetnum puya̱ja̱i̱ ijiumu ártí.

Jrm. 5:3

Maa, Uunt Yusá ¿Ámeka nekasa nuna túrawarat tusamchak íimiam? Amek asutiáwarmame túrasha najaimiakcharuiti. Amutcha amukármame túrasha iwiarnartinniaka peṉké nakitiarmai. Ni enentái̱ kayaja̱i̱ naṉkaamas kátsuram ajasár yapi̱sha nusháa iira ajasár tunaarí̱ya̱ ayantár waketkitniun peṉké nakitrarmai.

Jrm. 51:2

Nuyá̱ Papirúnia aentsnaka ni nemasri̱ káutak trikiu tsatsamman mayai̱ kakaram umpuí ashí utsaṉ tsakiṉmana áitkias tsakiṉmakartatui. Warí wáitniastin tsawantinkia untsurí nuṉkanmaya̱ nemasri̱ káutkar téntakartatui.

Jrm. 9:21

Warí páasanmaya̱nka ashí uchin tura péprunmaya̱ncha natsa áiniana núnaka ashí amuktaj tusa ii je̱e̱ áṉkamuri̱ncha tura úunt akupniu je̱e̱ncha jákatin waya̱warai.

Sak. 1:4

Atumí we̱a̱trí̱ya̱ núnin áirap. Yaunchu Winia chichamprun etserin armia nu atumí we̱a̱tri̱n etserkar Ashí Akupin Uunt Yus jú̱nis tawai. ‘Atumí yajauch enentáimtairi̱ tura yajauch túrutairmesha iniaisatarum’ tuíniamaitiatan nékachu ajasár peṉké anturtukcharmiayi.

Mat. 3:12

Arusa nere̱ja̱i̱ túruinia áintsaṉ átatui. Awa̱jtiutairi̱n achikiuiti tura nuja̱i̱ saepe̱n awa̱jtittiawai. Tura nere̱n péṉker ikiustatui antsu saepe̱nka jinium apeattawai. Nu jisha tuke kaji̱nchaiti.” Tú timiayi Juaṉ.

Muis. 28:18

Nuyá̱ atumí uchirí̱sha tura arakri̱sha waakarí̱sha tura murikrí̱sha yajauchiji̱a̱i̱ yumiṉkramu ártatui.

Muis. 28:32

Núnisaṉ atumí uchirí̱ncha tura nawantri̱ncha atumsha íimprumni̱ṉ yajaya̱ aentsnum surukartatui. Túrawarmatai ashí tsawantin wáinkiataj tukamarum wáinchakrum wáitnenmai ajakrumsha peṉkesha itiurkashtatrume.

Muis. 28:41

Tura uchi áishmaṉ nuwa̱sha yajutmaktatrume túrasha atumji̱a̱i̱ṉkia pujuschartatui. Warí chíkich nuṉkanam yaruakma sepunam pujuartatui.