Jrm. 13:10 - Yus Papí: Shuarja̱i̱ Yus Yamaram Chicham Najanamu

¹⁰ Yajauch aents Winia chichamprun umiktinian nakitiáiniak ní enentái̱ji̱a̱i̱ṉ chíkich yus áiniana nuna shiir awajainiak tikishmátainia ju̱ aentsnaka akachumtai̱ mamurua núnis peṉké ántar awajsartatjai.

Jrm. 13:10 Iomraidhean Croise

YKan. 78:8

Ni we̱a̱tri̱ uruku armia núnin ti yajauch kajen ní Yusri̱ncha nekas enentáimtichu ára̱i̱ṉ tusa Uunt Yuska nu chichaman najanamiayi.

Jrm. 11:10

Warí emka aparí̱ armia nu Winia chichamprun umirkatniun nakitrar aents najanamu yus armia nu umirkatai tusar tikishmátrarmiayi. Yamaisha núnisaṉ Israer shuarsha tura Jutá shuarsha ni aparí̱ yajauchiri̱n waketrukiar aents najanamu yus tikishmátrar nisha Wi yaunchu ni apachri̱ji̱a̱i̱ chichaman najanamiaj núnaka peṉké yajauch awajtúrsarmiayi.”

Jrm. 11:18

Uunt Yus ujatkáma nuna nekaamjai kame shuar túriarma núnaka iniaktursamai.

Jrm. 13:7

Nuya̱ṉka Yúpratis wena akachumtai̱ ú̱kman táuran jusamjai túrasha ashí mamuru asa wariṉkish itiurkachminiuyi.

Jrm. 16:12

Tura átumka atumí uuntri̱ túrin armia núja̱i̱sha naṉkaamas túraitrume. Nekaata átumka atumíya̱ aṉkant aṉkant yajauch enentái̱ achikrum Wíniaka anturtutsuk wéarme.

Jrm. 16:4

tí najamin suṉkurja̱i̱ kajinkiartatui. Túrasha e̱a̱tcha e̱a̱rchamu núnisaṉ iwiartasha iwiarsachma ártatui. Antsu arakan péṉker neremtikin nuṉká matsasma núnisar juákartatui. Kame mesetja̱i̱ tura tsukaja̱i̱ amunkartatui. Nuyá̱ ni aya̱shi̱nkia nanamtin yukartin tura nuṉkaya̱ yajasma yukartin ainia nuna yumaṉke̱ ajasártatui” turutmiai.

Jrm. 20:4

Uunt Yus jú̱nis túramui “Nekaata Wi ámin tura ashí ame amikruminiasha ashammai awajsattajme. Ame nemasrumi puya̱ri̱ji̱a̱i̱ iniartatme tura ame ji̱mi wáinkiartatui. Tura ashí Jutá Papirúnianmaya̱ úunt akupniu uwejé̱n íktusan iniaisattajai. Ni Papirúnianam jukittiawai tura puya̱ja̱i̱ akantatui.

Jrm. 22:21

Ámeka taramkam pujumam nui̱ chicharkamjame túrasha chichartakum ‘Anturkashtatjame’ turutmiame. Warí, nátsanmaya̱n ámeka túmaki̱ winiakum winia chichampruka peṉké anturtukchaitme.

Jrm. 23:17

Winia nakitruinia núnaka iniaitsuk chicharainiak ‘Aṉkant pujustatme’ tuíniawai tura niní̱ wakera núnaka chicharainiak ‘Atumniaka itiurchatka tarutrámchartatui’ tuíniawai.

Jrm. 3:17

Nu tsawantinkia Jerusaréṉnaka Uunt Yus Akupkur Pujutái̱ri̱ tu anaikiartatui. Tura ashí nuṉkanmaya̱ aentska Uunt Yusa náari̱n pachikiar Jerusaréṉnum iruntrartatui. Nuya̱ṉka ni enentái̱ kátsuram ásarmatai yajauch túriarmia núnisarka túrachartatui.

Jrm. 35:15

Ashí Yúsnan etserin Winia takartin armia nuna iiṉkiá akuptúkmiajrume atumí iniaitsuk ujatmákarat tusan. ‘Yamaikia aṉkant aṉkant atumí wakeramuri̱ya̱ kanaktiarum. Tura atumí túrutairi̱ eseeratarum túrarum chíkich yus írunna nu umirkairap tura nemarsairap. Atumí we̱a̱trí̱n nuṉká súsarmiaj tura atumín nuṉká amasmiaj nui̱ matsamsamniuram’ tiármajai. Túramaitiatrum atumí kuishi̱ji̱a̱i̱ anturtutsuk tuke umirtatsrume.

Jrm. 44:16

“Uunt Yusa naari̱ pachisam iin chícham ujakratkamna nuka áminkia peṉké antukchartatji.

Jrm. 44:5

Túrasha átumka antutcha antukchamarme antsu atumí yajauchiri̱ṉkia iniaitsuk antsu nékashtai̱ yus ainia nu kuṉkuin áestuamarme.

Jrm. 5:23

Túmaitiat jú̱ pepru enentáinkia nétsete tura antuktinian nakitiáiniak aya kajen áiniawai. Tuma ásar kanakiar yajá wéaruiti.

Jrm. 7:13

Antsu yamaikia Uunt Yus chichaak “Ashí nu tura árumni̱ṉ péṉker enentáimpraku tusan chicharkamaitiatrum anturtukchamarme tura untsuamsha ái̱rkachmarme.

Jrm. 7:6

yajaya̱ aentssha mitiaikiasha waje̱sha wáitkiachkurminkia nútiksarmek ju̱i̱ tunamkachua nuna numpé̱ uputachkurminkia ántsamek atumek yajauch awajmámkuram chíkich yus áiniana nu tikishmátchakrumni̱ṉkia

Jrm. 8:5

Jerusaréṉká urukamtai jú̱ shuarka tuke umichu asasha aya kajetnaksha pujurniuit. Anaṉkartutain umiriakka antuktinniaka peṉké nakitiawai.

Jrm. 9:13

Tura Uunt Yus chichaak “Warí wi akupkámu umiktin chichaman nisha iimiainiamunmaṉ súsarmiaj nuna iniaisaruiti. Núnisaṉ Wi chichakmiaj nuja̱i̱ métek umikiar wekasacharuiti” tímiayi.

Jrm. 9:14

Núnaka túrutsuk ni enentái̱ wakeruiniamun tura ni aparí̱ jintintiáwarma núnisaṉ túrawarmai Páaran enentáimtuiniak.

Jrm. 9:6

Aya anaṉkartutnak matsamtin áiniawai tuma ásar Winia nekaratniunka nakitiáiniawai” tawai Uunt Yus.

Wek. 14:11

Uunt Yus Muisaisan chicharuk “¿Ju̱ aentssha urutáik nakitrichush árat ni iimiainiamunam ashammainian túrin ai̱sha ti urutáik nekas enentáimtursarat?

Tur. 7:51

Tura átumka Israer shuartirmeka atumí enentái̱ji̱a̱i̱ tuke umichuitrume. Atumí kuishi̱sha weaktsui tura Yus nékachua núniniaitrume. Yusa Wakaní̱ji̱a̱i̱sha tuke nemasnaikiaitrume. Tura atumí yaunchu úuntri̱ji̱a̱i̱ métek túrarme.

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.