Jrm. 12:7 - Yus Papí: Shuarja̱i̱ Yus Yamaram Chicham Najanamu

⁷ Winia je̱a̱rnaka ajapan iniaisaitjiai tura Wíniana nunasha pachischaitjiai. Tura Winia enentái̱r aneema nunasha ni nemasri̱n íktusaran iniaisaruitjiai.

Jrm. 12:7 Iomraidhean Croise

YKan. 106:40

Tuma asamtai Uunt Yus ni shuari̱n Níniuya nuna ti kajerak muí̱jkiamiayi.

YKan. 78:62

Núnisaṉ Israer shuaran ti kajerak puya̱ja̱i̱ mantamnawarti tusa nemasri̱n íktusarmiayi.

Isa. 2:6

Kame etsa̱ jintiainmaani̱ pujuinia nuna túrutairi̱n ti unuimiátkarai núnisaṉ Jiristíu aentsja̱i̱ métek yajauch wakanja̱i̱ nekamin ajasárai ántsaṉ chíkich nuṉkanmaya̱ aentsu uchirí̱ji̱a̱i̱sha nawamnaikiar chichasar pujuiniawai. Túmainiakui ame shuarum, Jakup shuarka ti nekas nakitraruitme.

Jrm. 11:15

Winia aneamursha Winia Uunt Je̱a̱ruí̱sha ¿warinia nisha waya̱tniuit mui̱jmiainian ti nukap túrayatcha? Kame taṉku maar Yus susamua nu ¿ame wáitsattamna nú tsawant ame yajauch túramun ámin asaktúrmarminkiait warastaj tusamea?

Jrm. 14:19

¿Jutanmaya̱ṉka ashik ajapawaruitiam? ¿Ame wakanmikia Seúnnaka nakitrákait? ¿Nuiṉkia tsuámartin atsai̱sha urukamtai iinkia jú̱tikiartuamsha akaṉkartukmam? Umishtairi̱sha nekamji tura ii uuntri̱ yajauchiri̱sha Amiin yajauch túraitji. Ame aneṉkrattai̱ náarmiji̱a̱i̱ iin ajapkartuawaip. Ame wincharmi pujutái̱ri̱ji̱a̱i̱ nakitkiarturaip. Ame iiji̱a̱i̱ chícham najanamamna nu peṉké ántar awajsaip. ¿Yumí yútumtikiamnia chíkich áwak? ¿Nayaimpinmaya̱ níṉkiash yuta? Maa Uunt Yusá ii Yusri̱ṉkia Ámechukaitiam. Aminí̱ṉ enentáimsar naká pujaji. Warí Ámeka ashí irunainia ju̱ najankaitme” tímiayi.

Jrm. 17:4

Winia kajetair átum atumí tunaari̱ji̱a̱i̱ ji ikiapárurmena nu keek tuke kapa̱a̱na núniktatui. Kame atumí nuṉke̱ncha Wi susamajrumna nu atumí tunaari̱ji̱a̱i̱ nuka emeṉkákuitrume. Tura nékashtai̱ nuṉkanam atumí nemasri̱n takamtiksattajrume.

Jrm. 23:33

“Tura jú̱ pepruksha tura Yúsnan etserniuksha núja̱i̱nchuka Yúsnan pujurniuksha anintrutmak ‘¿Jú̱ túrunattawai Uunt Yus tana nusha tuit?’ takui̱sha chicharkum ‘Jú̱ túrunattawai’ tana nuka átumetrume tuma asamtai atumniaka ajapa iniaisattajrume” tawai Uunt Yus.

Jrm. 23:39

atumniaka peṉké kajinmátkin tura péprun amasmajrumna nunasha ajapan iniaisattajrume.

Jrm. 51:5

Kame Jutanam tura Israer shuara nuṉke̱n peṉké tunaarincha Yus iisam ti tunáa ai̱ṉ Ashí Akupin Uunt Yusri̱ya nu peṉké iniaisacharuitjiai” tawai Uunt Yus.

Jrm. 7:14

Tuma asamtai Siru nuṉkanam Wi itiurkamaj nútikiattajai. Warí ju̱ Je̱a̱k Winia Naar pachisar atumí we̱a̱tri̱ nuyá̱ atumniasha ju̱ Yusa Je̱e̱n amasmaj nuke nekaska enentáimtarme.

Jrm. 7:29

Ame intiashmeka tsupiram ajapata. Naint tsékeṉkim wakam kúntuts jakamnia enentáimprata. Uunt Yuska suira kaje̱nak nakitiar jú̱ aentsnaka ajapa iniaisaruiti.’

Use. 11:1

Israer shuar uchichiya̱ nuiṉ anea asan uchirun Ejiptunmaya̱n untsukmiajai.

Juir 2:15

Kame Seun nainniumka kachu umpuartarum aents iruntrar ijiarmáwarat tusarum ujaktarum.

Juir 3:2

ashí uunt nuṉka mátsatkamu iruran Jusapáta nuṉké̱ pakarí̱n yaruakan wi shuar wáitkiasarmanum tura Winia Israer shuarun tsakiṉmakar nuyá̱ nuṉkarun akintrutkar sunaisaru ásarmatai nincha sumamtikiawartatjai.

Ruk. 21:24

Tura ju̱yá̱ aents mesetnum jákartatui. Tura chikichnaka ashí nuṉkanam misaawar júkiartatui tura yajaya̱ apach, Yúsnan enentáimtuiniatsna nu, ju̱i̱ Jerusaréṉnum waya̱war najakartatui. Nu túratniunka Yus tsaṉkatkana nui̱ṉ túrawartatui.

Muis. 33:12

Piṉjiamínniaka Yus wainkiattawai túramu asa warinkisha enentáimtutsuk pujustatui.