Jrm. 12:6 - Yus Papí: Shuarja̱i̱ Yus Yamaram Chicham Najanamu

⁶ Warí, ame yatsumsha tura ame apá shuari̱sha anaṉkramawaruiti. Nisha ame úkurmin kakantar untsumiármai. Péṉker chichartamainiakuisha peṉké anturkaraip.

Jrm. 12:6 Iomraidhean Croise

Juup 6:15

Antsu winia yatsur yaiṉkiartatui tímiajna nu, entsa nujaṉkrua ku̱yu̱a núnikiar itiurchat awajtúsar naṉkatuiniawai.

YKan. 12:2

Tí peṉker chichainiayat aṉkant aṉkant ni írutramuri̱nkia anaṉkenawai. Warí tuuka enentáimiainiachiat núnis chichainiawai.

YKan. 12:3

Tí peṉker chichainiayat ántar chichainia núnaka Uunt Yus emesrartatui.

YKan. 69:8

Warí winia yatsuruk yatsurcha núnis enentáimturainiawai.

Neka. 23:8

Tuma asamtai yurumámna nu urum iyaktatme túram ame chichamem peṉké ántram wasurkame.

Neka. 26:25

Kame anturú ajamai chichartamkuisha “nekasapi túrutua” tiip. Ni enentái̱ṉkia ti yajauch piákuiti.

Jrm. 11:19

Wikia murik peṉké kajechuch mátniunam júam urukniuit núnikmajai. Winia mantuatai tusa chichaman jurutainiak jú̱nis turutiarmai. Numi nérentiuk emesratai matsatainia nú nuṉkanmaya̱ṉka tsupinkiati túramka ni náari̱nkia atakka peṉké enentáimtunsashtatui.

Jrm. 11:21

Tuma asamtai Anatútnumia̱ shuar winia mantuataj chichartuiniak “Uunt Yusa naari̱ pachismeka etserkaip ii uwejé̱n jáka̱i̱m” turutainia nuna Uunt Yus chicharainiak

Jrm. 20:10

Untsurí aents tsanumprutainian antukuitjiai. Ashamkatniuka ashí nuṉkanam awai. ¡Werí etsertuktarum, etsertuktarum! Ashí winia amikrusha unuk tiinti tusar nákarainiawai. Chichainiak “Anaṉkarkia maak túrar ni nupetkashtajiash túrar nuiṉkia yapajkiatai” tuíniawai.

Jrm. 9:2

Wi shuara ikiukin wétaj tákuisha kampuntin atsunumsha wekainia ayampratniuncha ¿yaki surusat? Warí ashí tsanirma ásar niṉkia anaṉkartua yajauch awajkartin iruntraruiti.

Jrm. 9:3

Uunt Yus chichaak “Ni iniai̱ṉkia tíshimkiuja̱i̱ ekentkatniua tímiatrus iwiararuiti. Chichakmán tímiatrusaṉ umiktinniachu antsu anaṉkartuatai tusar ju̱ nuṉkanmasha kakaram ajasáruiti. Winia nekarainiachu ásar yajauchin túruiniak aya yájauchiniak e̱a̱iniawai.

Jrm. 9:4

Ni írutramuri̱ya̱ṉka aṉkant aṉkant aneararti. Chikichík yatsumkesha itiurchat awajtúkchamniaiti tu enentáimtusaip. Warí yátsumetkusha anaṉkramui tura írutramurmeka tsanumprutmainiawai.

Jrm. 9:5

Aṉkant aṉkant ni írutramuri̱nkia anaṉkainiawai tura nekasa núnaka chichainiatsui. Núnisaṉ ni iniai̱ncha aya wait chichastinian jintintiáwaruiti. Yawe̱tmam aya mui̱jmiai̱ áiniana nunak pujursaruiti.

Mat. 10:21

Shuar ni yachi̱ncha máwarti tusa suruktatui. Apasha ni uchirí̱n surukartatui. Uchisha ni aparí̱n máwarti tusa surukartatui.

Mar. 12:12

Tura nú metektaku chichamja̱i̱ nin áujmatma asa achiktai tusar chichaman jurusármiayi. Túmainiayat shuaran ashamainiak Jesusan ikiuiniak wéarmiayi.

Juaṉ 7:5

Ni yachi̱sha ishichkisha Nin enentáimtachu ásar tiármiayi.

Tur. 16:22

Tura nuya̱ṉka ashí aents Páprun Sérasnasha kajerkarmiayi. Túramtai pepru uuntri̱ chichainiak “Pushiri̱ áitkiarum numiji̱a̱i̱ asutiátarum” tiármiayi.

Tur. 18:12

Tura Kariun Akayanam úuntri̱n chichamprin anaikiamu ai̱ Israer shuar Páprun kajerkarmiayi. Tura kajerainiak chichamprin iruntai̱niam irunturarmiayi. Túrawar Páprun júkiar ejeniarmiayi.