Jrm. 12:4 - Yus Papí: Shuarja̱i̱ Yus Yamaram Chicham Najanamu

⁴ ¿Nuṉkasha ajakmárua núnikmancha tura kampunniunam ashí nupa̱ irunainiana nusha kaatnasha urutáik iniaisarat? Nui̱ matsatainia nuna yajauchiri̱ji̱a̱i̱ nanamtincha tura yajasmasha amuukaruiti. Warí, Yuska ii náṉkatkamuri̱nkia iyatsui tiarmai.

Jrm. 12:4 Iomraidhean Croise

YKan. 107:34

Nui̱ matsatainia nuna yajauchiri̱n tará nuṉká jeaku awajniuiti.

YKan. 50:21

Kame ashí jú̱ túrashtin túramame túrasha wikia pachischamjame. Tura ámeka wiya núniniaiti turutmiashum. Túrasha yamaikia nekak tusan chichareakun paant iniaktustatjame” tawai.

Jrm. 12:11

Kame peṉké atsá aya jú̱nik awajtúrsarai. Tuma asa Winia enentáimturas ajakmárua núnis pujawai. Nuṉkasha atsá aya jú̱nik awajsámuk peṉké pachischamuiti.

Jrm. 4:25

Kame nekaata, ashí iimsamash aentska peṉké atsúarmai tura ashí nanamtin yakiya̱ arma nusha pisakáruyi.

Jrm. 4:28

Tuma asa ajakmárma núnis tí kuntuts nuṉkaṉka awai tura yakisha nayaimpisha tee ajasárai. Warí túrattajna nuna iwiarkan chichaku asan peṉké yapaji̱áshtatjai. Ántsanak umitskesha iniaisashtatjai.

Jrm. 5:13

Tura Yúsnan etserin áiniana nusha nekasa nuna etserainiachu ásar násea núnin ajasártatui. Niṉkia tímiatrusaṉ túrunawartatui tuíniawai.

Jrm. 5:31

Tuma ásar Yúsnan etserin ainia nusha waitruá etserainiawai tura Yúsnan pujurin áiniana nusha ní enentái̱ji̱a̱i̱ṉᵏⁱ jú̱nisar túratai tuíniawai. Tura Wi shuarsha nuna wakeruiniawai. Túrasha ni amuukatniuri̱ jeamtaisha atumsha ¿warí itiurkatarmek?

Jrm. 7:20

Tuma asa Uunt Yus chichaak “Nekaatarum jú̱ nuṉkanam aentsnumash yajasmanumash tura ashí numi kampunniunam tura ashí yuraṉ írunna nui̱sha Winia kajetáirun tura Wi suir kaje̱ntkamurun ukartatjai. Tura keekka peṉké kajinkiashtatui” tawai.

Jrm. 9:10

Ashí amukma aya jú̱nik juákaru ásarmatai wétinkia yaaksha atsawai tura waaka úteamuksha ántuwatsui. Tuma asamtai naint áiniana ai̱sha tura kampuntin atsú nuṉkanmasha sa̱a̱k irunainiana nui̱sha jakamnia nekapeakur kúntuts enentáimsar úteamun ántumtikiartatjai. Warí nanamtin yakiya̱ áiniana awiimiak yajasma nuṉkaya̱ áiniana nusha pisakár yajá wéaruiti.

Jrm. 9:9

Nuna túruiniankek ¿pachischartataj?” tawai Uunt Yus. Nuiṉkia uunt nuṉka mátsatkamu túmaitkiuisha Winia ¿yapajtiutskek initiústatam?

Juir 1:18

¡Túrunamtai ashí yajasma útainiak urukainiawa! Núnisaraṉ waakasha sa̱a̱kri̱ atsuiniakui urukawartiṉ aya wékainiawai ántsaṉ muriksha tí untsurí wáitiainiawai.

Ams. 1:2

Amus chichaak “Uunt Yus Jerusaréṉnum Seun nainniumka úunt ya̱wa̱ ánis chichaakui murikiu wainniu nuṉke̱ṉka núnisaṉ Karmiriu pakarí̱ṉsha káakarai” tímiayi.

Awa. 3:17

Maa, ajanam ikiu kuku̱jruiniachkuisha núnisaṉ árak ajanam nerenachkuisha uriwiu nere̱ táamkuisha tura ajanam araam tsapainiachkuisha núnisaṉ muriksha wenuke̱ya̱ amuwakuisha nuyá̱ waakasha sá̱a̱kniumia̱ amuwakuisha

Sak. 1:12

Nuyá̱ Yusa suntari̱ chichaak “Ashí Akupin Uunt Yusá sataintia uwí Jerusaréṉsha tura Jutanmaya̱ péprusha kajerkaram pujuráiniamna ausha ¿urutái tsaṉkurarmesha waitnentrartatam?” timiai.

Rum. 8:22

Yamaisha ashí Yus najanamu ainia nu, nuwa̱ jatema waitia núnis ti wáitiainiawai.