Jrm. 12:11 - Yus Papí: Shuarja̱i̱ Yus Yamaram Chicham Najanamu

¹¹ Kame peṉké atsá aya jú̱nik awajtúrsarai. Tuma asa Winia enentáimturas ajakmárua núnis pujawai. Nuṉkasha atsá aya jú̱nik awajsámuk peṉké pachischamuiti.

Jrm. 12:11 Iomraidhean Croise

Jrm. 10:22

Ju̱ nekaata, chicham tura tétete ajainiamu araki̱a̱ ántuwawai. Nuka Jutanam pepru írunna nuna aya jú̱nik awajsar yajasma kajen matsamtai̱ awajsartajtsa wininiawai.

Jrm. 10:25

Ashí uunt mátsatkamunmaya̱ Ámin nekarmainiatsna nu tura Ame náarmin pachisar shiir awajtámainiatsna nu kajetáirmiji̱a̱i̱ asutiáwarta. Warí Jakupa shuari̱nkia amukar ni pujutái̱ri̱ncha emestukar aya jú̱nik awajsar aya íimtiksarai.

Jrm. 19:8

Tura nu péprunka ashí emeskaran mui̱jmiai̱ wishiktai̱ awajsartatjai. Tura ashí shuar nuní̱ naṉkaamainiaka nuna wáinkiar ¡Aaj, ju̱sha! ¿Urukakua jú̱nikiuitia? tusar tí untsurí ajas araknasha tura shuarnasha emesin ju̱i̱ ashí naṉkaamasua nuna enentáimias ujujmiákiar naṉkaamartatui.

Jrm. 25:11

Tura ashí ju̱ nuṉkaka peṉké tsuumai̱ mitia awajsamu juáktatui. Tura ju̱yá̱ aentssha sataintia uwí Papirúnianmaya̱ akupniu takarniúri̱ pujuartatui.

Jrm. 4:20

Warí emeskamuitiat nuna naṉkaamas emesnaki̱ wéawai túmak nuṉkasha aya jú̱nik atsá awajnaki̱ wénawai. Aya aneachma winia pujutái̱rsha aya jú̱nik atsá ajasárai tura winia jutai̱ je̱a̱rsha núnisaraṉ túramu áiniawai.

Jrm. 4:27

Warí Uunt Yus chichaak “Uunt nuṉka mátsatkamua núnaka ashí atsá aya jú̱nik awajsattajai túrasha peṉkeka amukchattajai.

Jrm. 4:28

Tuma asa ajakmárma núnis tí kuntuts nuṉkaṉka awai tura yakisha nayaimpisha tee ajasárai. Warí túrattajna nuna iwiarkan chichaku asan peṉké yapaji̱áshtatjai. Ántsanak umitskesha iniaisashtatjai.

Jrm. 6:8

Maa Jerusaréṉká iwiarnarta. Núja̱i̱nchuka Winia wakantrusha amiya̱ṉka kanakminiaiti. Núnisnak nuṉkemniasha atsá aya jú̱nik pujuschamnia awajtúsaijiam.

Jrm. 9:10

Ashí amukma aya jú̱nik juákaru ásarmatai wétinkia yaaksha atsawai tura waaka úteamuksha ántuwatsui. Tuma asamtai naint áiniana ai̱sha tura kampuntin atsú nuṉkanmasha sa̱a̱k irunainiana nui̱sha jakamnia nekapeakur kúntuts enentáimsar úteamun ántumtikiartatjai. Warí nanamtin yakiya̱ áiniana awiimiak yajasma nuṉkaya̱ áiniana nusha pisakár yajá wéaruiti.

Jrm. 9:11

Jerusaréṉnaka ashí emeskan tsái̱kian tepetar awajkattajai. Túran ku̱jancham matsamtai̱ awajsattajai. Tura Jutanan pepru irunainia nunasha ashí emeskaran aentsri̱sha atsá awajsartatjai.

Jrm. 9:9

Nuna túruiniankek ¿pachischartataj?” tawai Uunt Yus. Nuiṉkia uunt nuṉka mátsatkamu túmaitkiuisha Winia ¿yapajtiutskek initiústatam?

Juir 1:10

Núnisaṉ kampunniusha ashí emesnak aya nuṉkak ajasmatai núṉkaka kúntuts ajasái. Warí tríkiusha emesnakar tura úwasha yumirtichu ajasármatai asuitisha amuwawai.

Riw. 26:32

Ántsanak nuṉkancha aya jú̱nik awajsartatjai. Nu túramun atumí nemasri̱ nui̱ pujuinia nuna wáinkiar ¡Chuwa ausháa! tiártatui.

Sak. 7:5

“Ashí ju̱ nuṉkanmaya̱ shuar tura ashí Yúsnan pujurin ainia nusha jú̱nisam ujakárta. Átum sataintia uwí matsamsarum seṉku nantu jeamtai tura siati nantutíncha ijiarmárum kúntuts enentáimsarum útmiarum nusha ¿nekas aya Wíniakek shiir awajtústai tusarmek túriniuyarum?

Mks. 2:2

Núnisaṉ anturtutsuk tura nekas enentáiji̱a̱i̱ Winia naar shiir awajeachkurminkia yajauchiji̱a̱i̱ yumiṉkrattajrume. Warí nekas enentáiji̱a̱i̱ túrattajai ticha asakrumin péṉkernum yumiṉkrarmena nuna Wikia íksanak yajauchiniam yumiṉkramu awajsattajai. Kame núnaka nekas túraitjiai” tawai Ashí Akupin Uunt Yus.

Rum. 8:22

Yamaisha ashí Yus najanamu ainia nu, nuwa̱ jatema waitia núnis ti wáitiainiawai.