Jrm. 12:1 - Yus Papí: Shuarja̱i̱ Yus Yamaram Chicham Najanamu

¹ Maa Uunt Yusá, Ámeka nekasa nuja̱i̱ métek enentáimniuitme. Tuma Ámini̱ṉ ju̱na Ámin títinian wakerajme. Túmaitkiuisha túratin tsaṉkamkamua núnan Ámiji̱a̱i̱ aújmattsattsan wakerajai. Kame Yusa enentáimtichu ainia nuka ¿urukamtai timiá peṉker kuítrintin ajainia? Núnisaṉ ashí anaṉkartin ainia nusha ¿urukamtaitsuk timiá péṉkersha pachischamu matsatainia?

Jrm. 12:1 Iomraidhean Croise

Naṉ. 18:25

Kame yajauchi túrichu yajauchin túrinji̱a̱i̱ métek máchminiaitmena núnaka nekas nékajai. Tura péṉkera túrinia nu yajauchi túrinji̱a̱i̱ ¿métek sumamtikiamniakaitiam? Ashí nuṉkanmaya̱ aents Sumamtikin asam ¿péṉkera nu túrashtatmek?” tímiayi Aprajám.

Ists. 9:15

Maa Jiuwá, Israera Yusri̱yá, Ámeka nekas péṉker naka túriniaitme. Maa iiṉkia ámeka ishichik awajkartusam tuke yamaiya̱ tímiaja̱i̱sha iwiaaku amaame. Ame íimmianum ii tunaarí̱ paant nekaamar paant awajeaji. Warí ju̱ yajauchin túrakka Aminí̱ṉkia pujuschamniaiti” Ístras Yusan tímiayi.

Juup 12:6

Kásaka ni je̱e̱n núkap takakainia nuja̱i̱ waras pujuiniawai tura Yusan yajauch chicharainia nuka Yus susamua ánis warasar aṉkant pujuiniawai.

Juup 13:3

Antsu Ashí Tujintkiachu Yusja̱i̱ chichasaintjiai túran anturnaikiatniun wakerajai.

YKan. 116:5

Jiuwá waitnenkartiniaiti tura nákakea nunak túriniaiti. Ee nekas ii Yúsri̱nkia tí waitnenkartiniaiti.

YKan. 119:137

Maa Uunt Yusru Ámeka péṉker túrin asam péṉkeraitme. Ame chichamprumka nekasa nuja̱i̱ métek naka áiniawai.

YKan. 119:75

Maa Uunt Yusá Ame akupkámu nekasa nuja̱i̱ métek péṉker ainia nuna nékajai. Kame túratniua tímiatrus umin asam asutiuám wáitkiarsamamna nuka nékaskeyi.

YKan. 145:17

Uunt Yuska ashí Ni jínti̱nkia ímiatrus nákaiti tura ashí Ni najankamuri̱n waitnenniuiti.

YKan. 37:1

Yajauchin túrin ainia nu iisam suir enentáimtusairap. Núnisaṉ yajauchin túruinia nunasha “wisha túranka maak” tiirap.

YKan. 37:35

Yusan enentáimtichu náakam awajsar numi uunt ukat ukat ajasua núninian wi wainkiamjai.

YKan. 51:4

Aya Aminí̱ tunaan túraitjiai. Ame íimmianum yajauchin najanaitjiai. Ame chichammeka nekasaiti tura nekasa nuja̱i̱ métek sumamtikniuitme. Tuma asam Ámeka makuchminiaitme. Rum. 3:4

YKan. 51:6

Iisiana, Ámeka nekasa nu wakerame. Kame winia enentái̱rui̱ péṉkera nu túratin unuitiame.

YKan. 92:7

Yusan umircha ainia nu núpa̱a̱ya núnis pampaaksha tura ashí yajauchin túruinia nuka warirí̱ṉkish ashí takakkush emesnak tuke amunkartatui.

Neka. 1:32

Nekasaiti. Shuar ántichu ainia nu ni náṉkamas wekatairi̱ji̱a̱i̱ mantamnawartatui. Núnisaṉ nétseka “Warí iikia tí peṉker pujatsjik” tuinia nuja̱i̱ amunkartatui.

Isa. 41:21

Jiuwá chicharuk “Paant awajmamsakia. Átum nekapnastin takakrumna nu paant etserkatarum Jakupa Úunt Akupniuri̱ tawai.

Jrm. 11:20

Tura Ashí Akupin Uunt Yusá nekasa nuja̱i̱ métek túrutai̱ji̱a̱i̱ sumamtikniuitme. Túram enentáimtai̱sha tura enentáisha nekapsa iisam nekarainiame. Ni yapajkiartatmena nuna wisha íistaj iniaitiusta. Warí winia itiurchatrunka Ámin paant ujakuitjiame.

Jrm. 12:6

Warí, ame yatsumsha tura ame apá shuari̱sha anaṉkramawaruiti. Nisha ame úkurmin kakantar untsumiármai. Péṉker chichartamainiakuisha peṉké anturkaraip.

Jrm. 3:20

Túrasha nuwa̱ tsaníakmari̱n anaṉka ajapa ikiua nútiksarum Israerá Wíniaka anaṉkruarum ajapa ikiurkiniaitrume, tawai Uunt Yus.

Jrm. 3:7

Núja̱i̱ṉkia nuna iisan aun aitkia ashí umik ataksha waketki̱ tátatui timiajai túrasha táchamai. Ántsaṉ ni kai̱sha ántichu Jutasha nuna wainkiamai.

Jrm. 32:16

Sumakma papin Neríasa uchirí̱ Parukan susan Uunt Yusan seakun jú̱nisan tímiajai

Jrm. 5:11

Warí Israerka tura Jutasha Winia peṉké pachittsuk chikichja̱i̱ anaṉkruawaruiti” tawai Uunt Yus.

Jrm. 9:2

Wi shuara ikiukin wétaj tákuisha kampuntin atsunumsha wekainia ayampratniuncha ¿yaki surusat? Warí ashí tsanirma ásar niṉkia anaṉkartua yajauch awajkartin iruntraruiti.

Ukan. 1:18

Jiuwaka nákak túriniaiti túmanak wikia Ni chichame̱n umiktinian nakitmiajai. Antsu yamaikia ashí aentstiram antuktarum. Ti najaimiakun wáitiajna nu íirsakua. Wini̱ya̱n nuwa̱ch áishmaṉja̱i̱ tsaniṉcha ainia nuna tura áishmaṉ natsach áinia nunasha achirar yarurtukaruiti.

Isk. 18:25

Túrasha átumka chichakrum ‘Uuntka péṉker túratsui’ tárume. Tuma asarum yamaikia Israer shuartiram antuktarum ¿Wi túramuka yajauchikiait? ¿Nekaska átum túramuchuk imiankaska yajauchit?

Tan. 9:14

Tuma asamtai Uunt Yussha nuna ashí iis yajauchiji̱a̱i̱ wáitsatniun tsaṉkatramkaji. Warí, ii Uunt Yusri̱ṉkia ashí Ni túrana núnaka ímiatrusaṉ uminiaiti. Tuma ai̱ṉ Ni chichame̱sha umirkachji.

Tan. 9:7

Maa, Uuntru, naka péṉker túratniuka áminiuiti. Tura ashí Israernumia̱ tura Jutá shuar núnisaṉ Jerusaréṉnum pujuiniana nusha nuyá̱ Ámin nakitramainiakui ji̱i̱ra akuprarma tíjiu̱chisha núnisaṉ yajá pujuiniasha yamái urukainiawa núnisaṉ natsa̱a̱rtinkia íiniuiti.

Use. 6:7

Kame nisha Ataṉja̱i̱ métek chícham Wi Israerja̱i̱ najanamun umikcharu ásar núja̱i̱ṉ Winia nemasrua núnis anaṉkruawaruiti.

Awa. 1:4

Maa, túmainiak akupkámu umiktin chichamnasha arantuiniachuk uminiatsui. Kame péṉker túrin aents péṉkeran túrawara̱i̱ṉ tusar yajauch túrin aents éṉkekarai. Túrawar nekasa nuja̱i̱ métek sumamtiktsuk yajauchí sumamtikiainiawai.

Sup. 3:5

Túmaitkiuisha Jiuwaka aya tí peṉkernak túriniaiti, yajauchinkia túrashtatui. Táamtsuk tuke káshik ni naka sumamtiktairi̱n paant awajui tura Ni túrutai̱ya núnaka túrutskeka iniaisashtatui. Túrasha Yusan enentáimtichuka natsantan nékatsui.

Mks. 2:17

Atumí chichame̱ja̱i̱ Uunt Yuska ipimkiniaitrume túrasha átumka “Iisha wariji̱a̱i̱ ipimkiniaitiajⁱ” tárume. Kame átumka chichaakrum “Yajauch túrakrincha Yuska waraawai tura shiir enentáimturmaji” tú takuram nú arantcha “¿Nekasa nuja̱i̱ métek túrin Yussha tui̱ pujá?” tárume.

Mks. 3:15

Kame naṉkamantu enentáimtumainia nu shíiraiti taji tura Yusan anaṉkainiaksha nuna péṉker pujusár yajauchin túrawarsha asutniatsuk pujuiniawai’ tíniuitrume” tawai Uunt Yus.

Muis. 32:4

Niṉkia kátsuram Káyaiti, Israeran ayampri̱niaiti. Ni túramuri̱ṉkia ashí péṉkeraiti kame ashí túrana nuka nékaskete. Niṉkia nekas umin Yus asa yajauchiji̱a̱i̱ peṉké páchitkiachuiti antsu Niṉkia aya péṉkerkete.