Jrm. 11:7 - Yus Papí: Shuarja̱i̱ Yus Yamaram Chicham Najanamu

⁷ Warí atumí aparí̱nkia Ejiptunmaya̱ jí̱i̱rmiaj ímiainia̱ṉ tura yamaiya̱ ímiaja̱i̱sha tuke Winia chichamur anturtuktarum tusan tuke chicharkiaran winiajai.

Jrm. 11:7 Iomraidhean Croise

2 Akup. 17:13

Nuyá̱ Uunt Yus Israernumia̱ shuaran tura Jutanmaya̱ shuarnasha ashí ni etserniuri̱ji̱a̱i̱ tura ashí neka Yus chichame̱n ujauya armia nuja̱i̱ chicharainiak “Atumí yajauch túrutairi̱ iniaisarum tura waketkirum Wi akupkámu umiktarum. Kame yaunchu atumí we̱a̱trí̱n ashí umikiarat tusan winia takartin Yúsnan etserniuja̱i̱ akupkámiajai” tímiayi.

Jiin. 15:26

chicharainiak “Uunt Yus atumí Yusri̱ chichame̱n esetra antukrum Ni íimmianum péṉker túrakrumni̱ṉkia núnisaṉ Ni akupkámu chicham ashí péṉker umíakrumni̱ṉkia Ejiptunmaya̱ aentsun suṉkurja̱i̱ wáitkiasarmajna nútiksan atumniaka suṉkurnaka akuptúkchattajrume. Warí aya Wíkitjiai Uunt Yus atumín tsuártinniaka” tímiayi.

Jrm. 11:4

Kame jiru tsuérnumia̱ júsatniua nútikian atumí aparí̱n Ejiptu nuṉkanmaya̱ ji̱i̱ran nu chicham najanamun akupáiniakun winia chichamur antukrum umirtuktarum. Nuiṉkia átumka Wi shuar átatrume tura Wikia atumí Yusri̱ átatjai.

Jrm. 25:3

“Warí Jutanmaya̱ úunt akupin Amuna uchirí̱ Jusías Jutanam akupin ajas pujamunam uwikia tráisetin juárkimiutak yamaiya̱ tímiaja̱i̱sha ashikia paintitráis uwí Uunt Yusa chichamen antusan pujusjai. Wisha nú chichamnak yawe̱tsuk etserkin winiajai túrasha peṉké anturtukcharme.

Jrm. 25:4

Núnisaṉ Uunt Yussha yawe̱tsuk ni takarniúri̱ Yúsnan etserniun atumín akupturmá pujurtamprume. Túrasha anturkarum umirkatin nakitiakrum peṉké pachischarme.

Jrm. 31:32

Kame Ejiptunam matsatainian eṉkesaran ji̱i̱rartaj tusan ni úuntri̱ji̱a̱i̱ chichaman najanamiaj nuna Wikia ni uuntri̱ ai̱ṉ Winia umirtuiniachu ásar chícham najanamun peṉké ántar awajsarmia núninchaiti” tawai Uunt Yus.

Jrm. 32:23

Nuyá̱ nu nuṉkanam waya̱war nérentin ajasármai. Túrasha ame chichamuncha antukcharai. Akupkámurmiji̱a̱i̱ métekka wekasacharai. Túmainiak umiktarum tímiam nunasha umikcharai. Tuma ásarmatai ju̱ yajauchikia tsaṉkatkaruitme.

Jrm. 34:14

‘Israer shuarnumia̱ iniatai̱ pujuinia nuka sais uwí takamtiksarum tura siati uwitinkia atumíya̱ aṉkant akupkatarum. Túrasha atumí we̱a̱trí̱ṉkia nuna antukaruitiatcha peṉké umikcharuiti.

Jrm. 35:14

Junatáp Rekapa uchirí̱ ni uchirí̱n chicharainiak ‘Winiu umarairap’ tu ti akupkarmiayi tura nuka uminkiamiayi. Tuma asa yamaiya̱ ímiaja̱i̱sha wíniun úmichu áiniawai. Aparí̱ akupkámuri̱n umikiarmiayi. Túmaitkiuisha wi atumín yámankamtaikniumia̱ iniaitsuk chicharkamajrume túrasha ántutsuk tuke umirtichu ajasurme.

Jrm. 35:15

Ashí Yúsnan etserin Winia takartin armia nuna iiṉkiá akuptúkmiajrume atumí iniaitsuk ujatmákarat tusan. ‘Yamaikia aṉkant aṉkant atumí wakeramuri̱ya̱ kanaktiarum. Tura atumí túrutairi̱ eseeratarum túrarum chíkich yus írunna nu umirkairap tura nemarsairap. Atumí we̱a̱trí̱n nuṉká súsarmiaj tura atumín nuṉká amasmiaj nui̱ matsamsamniuram’ tiármajai. Túramaitiatrum atumí kuishi̱ji̱a̱i̱ anturtutsuk tuke umirtatsrume.

Jrm. 7:13

Antsu yamaikia Uunt Yus chichaak “Ashí nu tura árumni̱ṉ péṉker enentáimpraku tusan chicharkamaitiatrum anturtukchamarme tura untsuamsha ái̱rkachmarme.

Sak. 1:4

Atumí we̱a̱trí̱ya̱ núnin áirap. Yaunchu Winia chichamprun etserin armia nu atumí we̱a̱tri̱n etserkar Ashí Akupin Uunt Yus jú̱nis tawai. ‘Atumí yajauch enentáimtairi̱ tura yajauch túrutairmesha iniaisatarum’ tuíniamaitiatan nékachu ajasár peṉké anturtukcharmiayi.

Ipi. 4:17

Ii Uuntri̱ Kristu íimmianum ju̱na akatjarme. Chíkich aents Yusan nékachu ásar ántar ni enentáimmiaja̱i̱ṉ wekainia núnisrum wekasairap.

Muis. 12:32

Ti shiir enentáimtusrum ishichkisha patatsuk tura ementasha ementsuk ashí akupkámu chicham umiktiniaitrume.

Muis. 30:20

Núnisaṉ atumí Uunt Yusri̱ aneatarum tura ni chichame̱sha anturkarum yawe̱tsuk enentáimtustarum. Warí Niṉkia atumí iwiaakmari̱nti. Tuma asamtai nu túrakrumka péṉker nuṉkanam núkap uwí pujustatrume. Warí yáunchuk atumí úuntri̱n Aprajáman ni uchirí̱ Isakan núnisaṉ ni tiraṉki̱n Jakupun chicharainiak ‘Ju̱ nuṉkanka atumín amastiniaitjiarme’ tíchamkia” Muisais tímiayi.

Muis. 4:6

Tuma asamtai ju̱ péṉker enentáimsarum umíakrumni̱ṉkia chíkich nuṉkanmaya̱ aents iismasha ti neka tura enentáimin átatrume. Núnisaṉ ju̱ akupkámu chichaman antukar ‘¡Nekas nú aentska neka tura ti enentáimin ásar uunt naṉkamantu pépruiti!’ turamartatui.

Muis. 6:2

Tura Uunt Yus atumí Yusri̱ ashí Ni akupkámu chichame̱n jintintiájrumna nu atumsha umíakrum atumí uchirí̱sha tiraṉki̱sha umiktin jintintiatarum. Kame untsurí tsawant iwiaaku pujustaj tákurmeka Yus ashamakrum umirkatarum.

Muis. 8:6

Tura yamaikia atumsha Yus akupkámu chicham umiktarum tura jintintrámamiarmena nuja̱i̱ métek arantúkrum wekasatarum. Tu ujakármiayi Muisais Israer shuaran.

2 Tis. 3:12

Nú shuaran ii Uuntri̱ Jesukrístu chichame̱ja̱i̱ “Tákamtak shiir takakmasarti” tajai.

1 Sam. 8:9

Tuma asamtai seatainia nu anturkam ashí iruram úunt akupin nin akupénak itiur sumamtikiawartata nu jintintrarta” tímiayi.