Jrm. 11:4 - Yus Papí: Shuarja̱i̱ Yus Yamaram Chicham Najanamu

⁴ Kame jiru tsuérnumia̱ júsatniua nútikian atumí aparí̱n Ejiptu nuṉkanmaya̱ ji̱i̱ran nu chicham najanamun akupáiniakun winia chichamur antukrum umirtuktarum. Nuiṉkia átumka Wi shuar átatrume tura Wikia atumí Yusri̱ átatjai.

Jrm. 11:4 Iomraidhean Croise

Naṉ. 17:8

Amincha tura amiiya̱ ukunam akiiniawartatna nunasha Kanaan nuṉkan yamái pujamna ju̱na tuke atumnia atí tusan ashí susattajme. Tura Wikia ame Yúsrum tuke átatjai” tímiayi.

1 Akup. 8:51

Warí niṉkia Áminiu tura Ame anaikiamu áiniawai. Kame jiru imintiai̱ tsue̱ra ímianunam núnisrum ti wáitkiasma matsatainia Ejiptu nuṉkanmaya̱ ji̱i̱kiarmiame.

2 Akup. 18:6

Tuma asa Úunt Yusai̱ya̱ peṉké kanatsuk antsu yaunchu Uunt Yus Muisaisan akupkámu chichaman áamtikramia nuja̱i̱ métek umikmiayi.

Jiin. 20:6

Antsu Winia anentak wi Akupkámu Umiktin Chichaman umíana núnaka mir wea tiraṉki̱n jeancha waitnentniuitjiai.

Jrm. 11:7

Warí atumí aparí̱nkia Ejiptunmaya̱ jí̱i̱rmiaj ímiainia̱ṉ tura yamaiya̱ ímiaja̱i̱sha tuke Winia chichamur anturtuktarum tusan tuke chicharkiaran winiajai.

Jrm. 24:7

Winia nekarawarat tusan nekatai̱n súsartatjai. Warí Wikia Úunt Yuschakaitiaj. Nekas enentáiji̱a̱i̱ Winia enentáimturainia ásar niṉkia Wi shuar ártatui tura Wikia ni Yusri̱ átatjai.

Jrm. 26:13

Tuma asamtai yamaikia yajauch túratniuka tura atumí túrutairi̱sha iniaisarum atumí Uunt Yusri̱ chichame̱ anturkatarum. Nu túrakrumni̱ṉkia Uunt Yus asutiáwartatjai túramprumna núnaka asutiámashtatrume.

Jrm. 30:22

“Átumka wi shuar átatrume tura wikia atumí Yusri̱ átatjai” tawai.

Jrm. 32:28

Tuma asa Uunt Yus chichaak “Yamaikia ju̱ nuṉkanka Papirúnianmaya̱ akupin Napukutunusúr Kartíu aents mesetja̱i̱ amukarti tusan tsaṉkatkattajai. Túram nérentin ajasártatui” tíniuiti.

Jrm. 38:20

Takui̱ Jirimías chicharuk “Wi Uunt Yusa chichame̱n ujajmena ju̱ waitneasam anturkata. Túramka surunkashtatme antsu péṉker pujusam iwiaaku átatme.

Isk. 36:28

Tura Wi atumí we̱a̱trí̱n yaunchu nuṉkan susamiaj nui̱ pujustatrume. Atumsha wi shuar átatrume tura Wikia atumí Yusri̱ átatjai.

Isk. 37:23

Nu arantka ni ántar yusri̱ ainia núja̱i̱ṉkia mui̱jmiainkia ajaschartatui, kajenka umichuka áchartatui. Tura ni umichu ajasár kajen ajasár tunáa túrawarmia núnaka asaktúraran péṉker awajsartatjai. Nuiṉkia wi shuar ártatui. Núnisaṉ Wikia ni Yusri̱ átatjai.

Isk. 37:27

Túran ni pujuiniamunmaani̱ pujustatjai. Wisha ni Yusri̱ átatjai tura nisha Wi shuar ártatui.

Tan. 3:26

Nuiṉkia úunt akupin Napukutunusúr ji keamu wáitiri̱n weantuk untsuiniak “Shatraaká, Mishaaká, Awitníkiu Ashí Naṉkamantu Yusa takarniúri̱tiram jiinkí̱ winitiárum” tutai Shatraak, Mishaak, Awitníkiusha jiniumia̱ jíinkiarmiayi.

Riw. 26:12

Wikia atumji̱a̱i̱ wekasattajai tura atumí Yusri̱ átatjai tura atumsha núnisrumek Wí shuar átatrume.

Riw. 26:3

Tura chicham umiktin nuyá̱ akupkámu umiktin Wi najankamuja̱i̱ métek wekaakrum péṉker enentáimtusrum umíakrumni̱ṉkia

Sak. 13:9

Núnaka aya kuítiak ajasat tusar tura aya kúrik juákat tusar jinium áesainia núnisnak wisha jinium áesan nekapsattajai. Nuiṉkia winia náarun pachisar untsurainiakui wisha anturkaran ‘Átumka wí shuaraitrume’ tiártatjai. Tutai ni chichartuiniak ‘Uunt Yuska ii Yúsri̱nti turutiartatui’” tímiayi Uunt Yus.

Sak. 6:15

Núnisaṉ arantia̱ káunkar Yusa Uunt Je̱e̱n je̱a̱martatui. Nuja̱i̱ atumsha winia Ashí Akupin Uunt Yus atumíin akuptúkua nu nekaattarme. Túrasha atumí Yusri̱ Uunt Yus nekas tímiatrusam umirkurminkia núnis túrunattawai” tímiayi Sakarías.

Sak. 8:8

Túran Jerusaréṉnum ikiankan matsasártatjai. Niṉkia Wi shuar ártatui tura Wikia ni Yusri̱ asan nekas tájana nuna umikian niji̱a̱i̱ péṉker túrin tuke átatjai.’

Mat. 28:20

Ashí atumíin Wi akatrámajrum nu nútiksarmek umiktin unuiniartarum. Tura ju̱ nekaatarum. Tuke tsawantai̱ ikiutsuk atumji̱a̱i̱ pujuttajai” tímiayi Jesus.

2 Kur. 6:16

¿Iwiaaku Yusa je̱e̱ncha ántar yus pujustinkiait? Tura atumsha iwiaaku Yusa jé̱e̱ntrume. Yus Niṉki ni Papiri̱i̱n ju̱na tíchamka “Niji̱a̱i̱ tsaniṉkia pujusan niji̱a̱i̱ wekasartatjai tura ni Yusri̱ átatjai tura nisha Wí aents ajasártatui.” Riw. 26:12

Muis. 4:20

Túrasha yamái pujarmena áitkiarma Niniu ajasrum pujusmintrum tusa jiru inimpiáimiunam eṉketua núnisrum Ejiptunam wait ajá matsatrumin atumniaka Uunt Yus ji̱i̱rmarmiarme.

Isr. 5:9

Tura imiá peṉker awajnas nekas Uwemtikin ajasmiayi. Nin enentáimtuinia nuna uwemtikiar tuke iwiaaku apujsatnium nérentin ajasmiayi.

1 Sam. 15:22

Nuya̱ṉka Samuir chicharuk “¿Umiriam warana tímiatruskek takamtsuk áestuatniuja̱i̱sha tura Yus susamuja̱i̱sha Uunt Yuska wará? Warí Yúsja̱i̱ṉkia taṉku maar takamtsuk áestuar shiir awajsatniuja̱i̱ṉkia naṉkaamas umirtuktin timiá péṉkeraiti tura anturkatniusha murikiu makikiari̱ji̱a̱i̱ naṉkaamas timiá péṉkeraiti.