Jrm. 11:12 - Yus Papí: Shuarja̱i̱ Yus Yamaram Chicham Najanamu

¹² Tuma asamtai Jerusaréṉnum matsatainia nu tura Jutá péprunmaya̱ ainia nusha kuṉkuinian áestiarmia nu yusan weriar untsukartatui. Túrasha itiurchat átatna nu tsawantinkia nu yus peṉké uwemtikramnian tujintkiartatui.

Jrm. 11:12 Iomraidhean Croise

Isa. 45:20

Chíkich nuṉkanmaya̱tirmesha iruntrarum winitiárum tura ashí nuṉkanam iwiaaku juákaru pujarmena nútirmesha tantatarum. Kame ju̱ shuar numi yusan najanawar enentáimtuiniana ju̱ka enentáimcha áiniawai. Tura najanamu yus uwemtikkiarturchamnia nuna seainiawai.

Isa. 46:7

Nuyá̱ yanak juíniawai tura pujutái̱ri̱n apujainiawai. Tura ni pujamunmaya̱nka peṉké muchitiatsui. Yáakesh untsuamash peṉké ántichuiti núnisaṉ wáitsatniunmaya̱sha aṉkant awajkartichuiti.

Jrm. 18:15

Túrasha Wi shuarka Wíniaka kajinmátrukiar najankamu yus ainia nuna kuṉkuinian áestuiniawai. Kame nuna túruiniak yaunchu túrutairi̱nkia kajinmatkiar ti awajirar wekainiawai. Túmainiak jintia péṉker iwiarkamunam wekaatsuk yajauch jintianmaani̱ wekainiawai.

Jrm. 2:28

Túrasha átum najatmamkamarumna nú yussha ¿tui̱ pujuinia? Atumí itiurchatri̱ya̱ṉka nú yus yáintmak aṉkant awajtámsarti. Warí Jutá atumíin urutmá pepru ainia nuja̱i̱ métek atumí yusri̱sha írunui.

Jrm. 44:8

¿Urukamtai Ejiptunam matsamsarmesha atumí uwejé̱ja̱i̱ najankarum yúsaiti tusarum chíkich yus kuṉkuin áestakrum akajtukmarum? ¿Túrunarum átumka ashí amunkarum yumiṉkramu núnisrumek ashí aents uunt nuṉka mátsatkamunmaya̱ wishiktai̱ ártincha?

Muis. 32:37

Nuyá̱ Ni chicharainiak ‘Atumí najankamu yusri̱ kátsuram kaya núnis iin ayamprutmaji tímiarum nusha ¿tui̱ pujuinia?

Muis. 32:38

Tura taṉkú maa aestua súam macharí̱n yuíniak núnisaṉ winiu súam úmiarmania nu nantakiar yáintmak ayamprutmakarti.

Suma. 10:14

¡Kame waitsa pujakrumka átum enentáimtamu áiniana nu yus werirum seatarum! Nu yaintmaktarum” tímiayi.