Jrm. 11:11 - Yus Papí: Shuarja̱i̱ Yus Yamaram Chicham Najanamu

¹¹ Tuma asamtai Uunt Yus chichaak “Wi nu aentsun itiurchatan itiariártatjai túrasha nuya̱ṉka ú̱mkatniuka atsuttawai. Nuyá̱ Winia untsurkartatui tura untsurainiakuisha Wi peṉké anturkachartatjai.

Jrm. 11:11 Iomraidhean Croise

2 Akup. 22:16

Uunt Yus jú̱nis chichaak “Ju̱i̱sha tura ashí aents tímiatai pujuinia tímianaisha ti itiurchat awajkartatjai. Jutá nuṉka akupniúri̱ áujsama tímiatrusnak Wisha umirkattajai.

YKan. 18:41

Untsumiármai túrasha yaki uwemtikrat atsumai. Úunt Yusnasha untsúarmai túrasha Nisha ái̱kcharmai.

YKan. 66:18

Wi enentái̱rja̱i̱ṉkia tunaan aneayatnak Yusan áujsaitkiuiṉkia Uunt wíniaka anturtukcha̱a̱yi.

Neka. 1:28

Nuiṉkia untsurkartatui túrasha ái̱kchartatjai núnisaṉ wáuras e̱a̱tkartatui túrasha peṉké wáitkiachartatui.

Neka. 29:1

Aents chicharmaitiat kattsuntsuk yajauchi túruki̱ wéamuri̱ji̱a̱i̱ aya aneachma iwiarnatsuk jakamniaiti.

Isa. 1:15

Tuma asan maṉkartuamu uwej númpak ajasu takuirum winia seatu asakrumin íischattajrume. Núnisnak tí seatkurmi̱ncha peṉké anturkashtatjarme.

Jrm. 11:14

Jirimíasá ámeka jú̱ aentska seatiaraip núnisam untsumkam seattash seatiaraip. Kame itiurchat tarim waitiainiak untsurainiakuisha anturkachartatjai.

Jrm. 11:17

Israer shuarsha tura Jutá shuarsha Páaran kuṉkuinian áestuiniak yajauchin túrawar Ashí Akupin Uunt Yus atumín aratmawarma nu akajtukarmatai yajauchin akuptúkarmaiti.

Jrm. 18:11

Kame yamaikia Jutanam tura Jerusaréṉnum aents pujuiniana nu chicharainiakum Uunt Yus chichaak “Nekaatarum yajauchiji̱a̱i̱ átum wáitsatniun iwiarturan Wi tesarájrume. Tuma asamtai yamaikia aṉkant aṉkant atumí yajauch túrutairi̱ṉkia iniaisarum seertarum tawai tiartá” tímiayi.

Jrm. 19:15

“Ashí Akupin Uunt Yus Israera Yusri̱ chichaak ‘Nekaatarum, tí wáitsatniuja̱i̱ asutiáttajrume tímiajrumna nuna yamaikia ju̱ péprunam tura ashí niji̱a̱i̱ írutra matsatainia nui̱ akupeajai. Wari, ni enentái̱ ti kátsuram ajasármatai Winia chichamprun antuktinniasha peṉké nakitiáiniawai’ tawai Israera Yusri̱” tímiayi Jirimías.

Jrm. 19:3

Tura chicharainiakum ‘Jutanmaya̱ úunt akupniutiram núnisrumek Jerusaréṉnum pujatirmesha ashí antuktarum. Ashí Akupin Uunt Yus Israera Yusri̱ chichaak “Nekaatarum, ju̱ nuṉkanam tí waitsatniun Wi akupeajai. Tura ya ju̱na ántawa nuka áya nunak antittiawai.

Jrm. 23:12

“Tura ni jinti̱nkia kiritniunam atajkintrar iniatai̱ átatui. Tura shitiam nui̱ iniarartatui Wi asutiáttajna nu uwí átatna nui̱ṉkia nin yajauchin Wi itiariártatjai” tawai Uunt Yus.

Jrm. 25:35

Murikiu wáinin ainia nuna ejamtairi̱ṉkia amuukartatui tura murikiu peṉkeri̱ úmkachartatui.

Jrm. 35:17

Tuma asamtai Ashí Akupin Uunt Yus Israera Yusri̱ jú̱nis tawai. Jutancha tura Jerusaréṉnum matsatainia nú aentsnaka ashí ni yajauchiri̱n wáitkiasartatjai tusan ujakáruitjiai. Núja̱i̱sha anturtukcharmai. Untsukarmajai túramaitiat ái̱rkacharmai” tímiayi.

Jrm. 36:31

Ni yajauchiri̱ni̱ṉ ni takarniúri̱ncha ni shuari̱ncha tura nincha asutiáttajai. Nincha tura Jerusaréṉnum matsatainia nunasha núnisaṉ Jutanmaya̱ aentsnasha wáitsatniun akuptúkartatjai. Kame timiaj núnaka anturtukcharu ásarmatai nuka túrunattawai”’” Uunt Yus tímiayi.

Jrm. 6:19

Maa nuṉkáa antuktarum. Tura iistarum. Winia chichamprun umitsuk Wi akupkámuncha ajapa iniaisaru ásarmatai ni enentáimsarua nútiksanak yamaikia jú̱ aentsun asutiáwartaj tusan tí yajauchin itiarainiajai.

Ukan. 2:22

Tuma asamtai ti shiir waratai̱ tsawanta áitkiasam winia sapijrusha ashí nuṉkanmaya̱ ikiatrukume. Tura Jiuwá kajekma tsawantnumia̱ nui̱ṉkia chikichkisha pisartinkia tura iwiaaku átinkia atsumai. Warí wi péṉker wainkia tsakatmakmajna nunasha winia nemasur mash amutrukmai.

Ams. 5:19

Tuma asamtai nu tsawantai̱kia shuar úunt ya̱wa̱n wainiak tseke wesa chai̱ iṉkiun nuyá̱ sapijmiak tsékeṉki̱ je̱a̱ waya̱k tanishnum achimiun napi esaana núnis átatui.

Sak. 7:13

Kame untsuamash anturtukcharu ásarmatai ni untsurainiakuisha Wisha núnisnak anturkachartatjai tawai Ashí Akupin Uunt Yus.

1 Tis. 5:3

Ashí shuar “Pai, yamaikia ti nekas shiir péṉker pujuiniaji” tu matsatainiai̱ aya aneachma nuṉka mesertin tsawant jeattawai. Nuwa̱ ajamtin aya aneachma jatema áintsaṉ nékachmanum átatui. Túmakui̱ pisartin peṉké atsuttawai.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.