Jrm. 10:9 - Yus Papí: Shuarja̱i̱ Yus Yamaram Chicham Najanamu

⁹ Kame aents jiruja̱i̱ takastinian unuimiátra iwiarkamun kuít jirunka Társesnumia̱ itiar tura kurincha aents iwiarkamun Ujasnumia̱ ikianainiawai. Nuja̱i̱ najankar pushincha tí peṉker kíṉkian yamakáimpramuja̱i̱ áentsenawai. Túrasha áyatik aents unuimiáru najanamu áiniawai.

Jrm. 10:9 Iomraidhean Croise

1 Akup. 10:22

Kame úunt akupin Saramúṉ untsurí uunt kanun Társesnumia̱n nuyá̱ Jirama uunt kanuri̱ncha nayantsanam wekatain takaruyayi. Tura menaintiú uwitin Társesnumia̱ chikichkí táiniak kurincha, kuítniasha yajasma wajiṉki̱ncha washincha tura papu rearnasha ikiati̱á̱rmiayi.

YKan. 115:4

Ni aents najanamu yusri̱ṉkia kuri tura kuit jiru áiniawai. Aents uwejéja̱i̱ najankamu áiniawai.

YKan. 72:10

Nuya̱sha Társesnumia̱ úunt akupin áiniasha tura tsue̱r nuṉkanam pujuinia nusha ni wariri̱ ikiatkar súsartatui. Nuyá̱ Shiwia nuṉkanmaya̱sha tura Séwanmaya̱sha nútiksaraṉ súsartatui.

Isa. 40:19

Kame najanta unuimiátra nu, nakumak najanattsa emka iminniuiti tura súrin ainia nuka kuri iminiak tanur najanniuiti. Nunisaṉ nuṉkutai̱ kuitji̱a̱i̱ najanin ainia nusha iminiar najanin áiniawai.

Tan. 10:5

Nuyá̱ paṉkái̱ íimiaj tukamán áishmaṉ riniu pushí entsaru tura Ujasnumia̱ kuriji̱a̱i̱ najanamu emenmaman wáinmiajai.

Jns. 1:3

Támaitiat Junaska nuna nakitiak Uunt Yusan u̱mpruktatjai tu enentáimias Társes nuṉkanam wéak Jupi péprunam jeamiayi. Nui̱ jeá uunt kanú Társes nuṉkanam wéan jearí akikmak eṉkempramiayi.

Awa. 2:19

Tura numin chicharainiak ‘¡Shintiarta!’ tura kayancha chichachunak ‘¡Wajaktia!’ tuinia nusha aneararti. ¿Warí unuikiarturtinian jeainiawak? Atsá, áyatik kuriji̱a̱i̱ tura kuít jiruja̱i̱ eṉkekma áiniawai tuma ásar iwiaaku wakaní̱n takakenatsui.