Jrm. 10:8 - Yus Papí: Shuarja̱i̱ Yus Yamaram Chicham Najanamu

⁸ Chichaktinniasha nékainiatsui tura enentáimtairi̱sha atsuiniawai. Kame numi tsupikiar najanamusha ¿wariniak jintinkiartuamniait?

Jrm. 10:8 Iomraidhean Croise

YKan. 115:8

Najanin ainia nuka nuja̱i̱ métek áiniawai tura nin náṉkamas enentáimtin áiniawai.

YKan. 135:18

Nuna najanainiana nusha niji̱a̱i̱ métek áiniawai tura ashí aents nekas enentáiji̱a̱i̱ nuna enentáimtuiniasha núnisan áiniawai.

Isa. 41:29

Nekaata, ashí ántar áiniawai núnisaṉ ni takatri̱ṉkia peṉké ántar áiniawai. Imintrar najanamu yus ainia nuka peṉké ántar áiniawai” tímiayi.

Isa. 44:18

Ju̱ aentska ji̱ epetkamu asar wáinmainiatsui tura enentáimias nekaawai tusar enentái̱ akirtuamu áiniawai.

Isa. 44:19

Ampintrán jinium áesamjai. Kaí̱ji̱a̱i̱ páṉkan namaṉken iniarán yuamjai. Peṉké enentáimiainiatsui, peṉké nékainiatsui. Nuna tíntiajtai tuusha enentáimiainiatsui. ¿Nuna tiáruri̱nkia mui̱jmiainian najanattajak tura numi ajiṉkiári̱n eem tikishmátrattajak?

Jrm. 10:14

Ashí aents nekatairi̱ táattsamu ásar nékachu ajainiawai. Ashí aents jiruja̱i̱ takakma ainia nuka yusri̱n ní uweje̱ja̱i̱ṉ najankar natsanmai̱ ajainiawai. Kame jiru unuikiar najanamu yus ásar ánaṉkaiti. Warí niṉkia enentáin takakainiatsui.

Jrm. 2:27

numin chicharainiak ‘Ámeka ii aparí̱nme tura kayan amiiya̱ iikia akiinkiaruitji’ tuinia nuka natsa̱a̱rartatui. Warí Winia tuntuprua iniaitiusar íirsatniuncha nakitruiniawai. Túrasha itiurchat pujuiniakka ‘Yáiṉkiam aṉkant awajtústa’ turutainiawai.

Jrm. 3:9

Kame ni tsanirmamuri̱ṉkia tiikia núkapchaiti tu enentáimias nu arantcha niṉkia kayaja̱i̱ tura numiji̱a̱i̱sha tsanirmamai túrak nuṉkancha peṉké mui̱jmiai̱ awajkámai.

Jrm. 4:22

Warí Wi shuarka Wíniaka nekarainiachu ásar enentáincha áiniawai. Uchi peṉké ántichua núnisar antutai̱ri̱sha atsuiniawai. Yajauch túratniunka tí nekainiayat péṉker túratniun peṉké nékainiatsui.

Jrm. 5:4

Nuya̱ṉka chichaakun “Nekas ju̱ aentska peṉké nékachu áiniawai. Tura ni Yusri̱ akupkámuri̱n Uunt Yusa jinti̱n nékainiachu ásar peṉké enentáimcha ajasárai” tajai.

Jns. 2:8

Warí najankamu yusan enentáimtuinia nusha ame waitnenkartutairmin nakitiáiniawai.

Awa. 2:18

Kame aents nakumak najankarua nusha ¿warinma péṉkerait? Tura jiru imintrar nakumkar najankamu ainia nusha ¿warinma péṉker ainia? Warí aya anaṉkartuatniunak jintiniawai núnisaṉ nakumak chichachun najankayatcha ¿urukamtai timiá péṉkersha enentáimta?