Jrm. 10:7 - Yus Papí: Shuarja̱i̱ Yus Yamaram Chicham Najanamu

⁷ Maa, uunt nuṉka mátsatka úunt akupniuri̱yá ¿Amincha yaki ashampramkachaint? Nekaska Ameketme ashamkamniamka. Warí, ashí nuṉkanam neka irunainia nuja̱i̱ apatka iismasha tura ashí ni akupénamunmasha Ámiji̱a̱i̱ métekka chikichkisha peṉké atsawai.

Jrm. 10:7 Iomraidhean Croise

2 Akup. 17:39

Atumí Yusri̱ Uunt Yusa nuke ashamkatarum tura ashí atumí nemasri̱ya̱ṉka Niṉki aṉkant awajtámsattarme” tímiayi.

Istr. 1:13

Túruna núnisaṉ tuke túrutai̱ asamtai akupkámu umiktin chichaman tura umikchamtaisha warí túratniua tsaṉkatkamuit tusa unuimiákaru armia nuna úunt akupniuka anintrúsmiayi.

YKan. 147:5

Ii Yusri̱nkia úuntaiti tura ti kakarmaiti tura Ni enentáimtairi̱nkia náṉkatkachuiti.

YKan. 22:28

Warí Uunt Yúskete Akupniúka. Niṉki ashí nuṉkanam akuptiatui.

YKan. 47:3

Ashí nuṉkanmaya̱n Ni nupetturmaktatji. Kame nuja̱i̱ umimtikiatniun tsaṉkatramkattaji.

YKan. 72:11

Kame ashí úunt akupin ainia nusha nin tikishmátrartatui. Núnisaṉ ashí nuṉkanmaya̱ aents ni takarin ártatui.

YKan. 76:7

Ámeka nekas ashammaintme. ¿Yaki Ame kajekakmincha paṉkái̱ iirmassha wajaint?

YKan. 86:8

Uuntá ántar yus ainia nusha Ámiji̱a̱i̱ métekka peṉké atsawai. Núnisaṉ Ame najantkamurmiji̱a̱i̱ métekka peṉké atsawai.

YKan. 86:9

Ashí uunt nuṉka mátsatkamu Ame najantkamamna nu Ame pujamunam taar tikishmátramprartatui. Túrawar Ame náarmincha páantin shiir awajsártatui.

YKan. 89:6

Warí, nayaimpinmasha ¿yaki Uunt Yusja̱i̱ méteksha ajasat? ¿Uunt Yus suntarumin yaki Amé íirkasha páchitkia aint?

Jiin. 8:10

Tutai nisha “kashin seatritia” tímiayi. Nuna takui̱ Muisais Parauṉkan aya̱k “Ame wakeram nútiksanak Yusan seattiatjame. Kame chíkich Uunt Yus íi Yusri̱ji̱a̱i̱ métekka peṉké atsawai. Kame amesha nú nekaak tusan túrattajai.

Jiin. 9:14

Tura nú arant ujaakum yamái enentáimtikrataj tusan ame takartámniurmin núnisnak shuarumin winia asutkiarun akuptúktatjame nekas nekaraku wiji̱a̱i̱ métekka ju̱ nuṉkanmaṉka chíkichkia peṉké atsawai tusan túrattajai.

Isa. 2:4

Tura ashí nuṉkanam Akupea asa ashí aentsun chicharkartatui. Tura aentska ni puya̱ri̱nkia nuṉka pukutai tura naṉkirí̱nkia trikiu tsupitiai̱ awajsártatui. Aentssha chíkich nuṉkanmaya̱ aentsja̱i̱ mesetan jurunáikchartatui. Nui̱ṉkia mániatin unuimiátratniusha peṉké atsuttawai.

Jrm. 10:6

Ámiji̱a̱i̱ métekka chíkichkia atsawai Uunt Yusru Ámeka úuntaitme tura Ame náarmeka ti kakarmaiti.

Jrm. 5:22

Warí ¿Wíniaka ashamprukchattarmek? tawai Uunt Yus. Wikia nayants naṉkanit tusan kaanmatkan ikiusmiajai núnaka ukunmasha peṉké naṉkaikishtiniaiti. ¿Tuma aí̱ṉkik ashamprakrum kúrakrakra ajashtatrum? Tampá tímiatmakuish tuke áchattawai núnisaṉ uu ajak téter ajakush núnaka peṉké naṉkaikishtatui.

Tan. 2:27

Nu tutai Taniarsha úunt akupniun chicharuk “Uwishniusha nékaasha tura nekamniusha nuyá̱ yaa unuimiátka ainia nusha ame mesekrampramu nékainiatsna nuna ujatmákminkia peṉké atsawai.

Tan. 2:28

Antsu chikichik Yus nayaimpiniam pujana nuke nekaachminia nunasha paant awajniuiti. Tuma asa úunt akupin Napukutunusúrá, ukunam túrunattamna nuna paant iniakturmasai. Ame peakrumi tepesam mesekranam tura ímiaja̱i̱k wáinmiam nusha ju̱i̱ti.

Awa. 3:2

“Maa Uunt Yusá, naṉkamantuitmena nuna antukjai núnisnak Ame túramuncha wainkian sapijmiakun jaká enentáimiá ajajai. Núnismek tsawant naṉkamakuisha ataksha enentáimtikiarturam jintinkiartuata. Tura kajektatmena nui̱sha waitnenkarturtin enentáimprata.

Sak. 2:11

“Kame nu túrunamtai uunt nuṉka mátsatkamu untsurí Uunt Yusai̱ pachinkiartatui. Túrunawar Wi shuar ajasártatui. Nuya̱ṉka Wisha atumji̱a̱i̱ matsamsattajai. Nu túrunamtai antsu nuiṉkia Ashí Akupin Uunt Yus atumíin akuptúkua nu nekaattarme” tawai Uunt Yus.

Mks. 1:11

Nuyá̱ etsa̱ jintiainmaya̱ naṉkama etsa̱ akatai̱ya̱ tímianaisha ashí nuṉka náṉkatramunam Winia naarka naṉkamantu átatui. Tura ashí nuṉkanam Winia Naarja̱i̱ kuṉkuinniasha nekas enentáiji̱a̱i̱ tura surustinia nunasha péṉkeran súruiniak shiir awajtúsartatui. Kame Winia Naar ashí nuṉkanam nekas naṉkamantu asamtai túrawartatui” tawai Ashí Akupin Uunt Yus.

Ruk. 12:5

Tura ya nekas ashamkatniuitrum, nuna paant jintintiáttajrume. Ame aya̱shmi maa, nuyá̱ ámin jinium akuptámkamnia nu ashamkatarum. Imiá nekas Yus ashamkatarum tájarme.

1 Kur. 8:6

Tura iikia nékaji aya chikichik Yus awai nusha ii Aparí̱nti. Ashí írunna nuna najanaiti tura ni wakera nuna umikiat tusa iin najatmamji. Ii Úuntri̱sha chikichkiti Jesukrístu. Níji̱a̱i̱ṉkia ashí najanamuiti. Tura iisha ni kakarmari̱ji̱a̱i̱ iwiaaku pujaji.

Apu. 11:15

Nuyá̱ suntar siatia nu, kachun umpuarmatai chícham kakaram chichainia nayaimpinmaya̱ antunkamai. Jú̱nis tiarmai “Yamaikia ii Uuntri̱ Yus tura ni Anaikiamu Kristu ashí shuaran akupin ajasárai. Nisha tuke amutsuk akupkartatui.”

Apu. 15:4

Uuntá ¿yaki ashampramkachatⁱ. Tura yaki ti shiir awajtámsachatⁱ? Aya Amek ti shiir tunaarinchaitme. Ashí nuṉkanmaya̱ shuar ame ti shiir túramun wáinkiar Aminiak jeartámar ti shiir awajtámsartatui.” YKan. 86:9 Tu kantamáwarmai.