Jrm. 10:6 - Yus Papí: Shuarja̱i̱ Yus Yamaram Chicham Najanamu

⁶ Ámiji̱a̱i̱ métekka chíkichkia atsawai Uunt Yusru Ámeka úuntaitme tura Ame náarmeka ti kakarmaiti.

Jrm. 10:6 Iomraidhean Croise

2 Sam. 7:22

Tuma asam Ámeka ti uunt Yúsaitme Uunt Yusá. Warí, ii kuishi̱ji̱a̱i̱ antukaruitjinia nuja̱i̱ iismasha Amiiya̱ṉka chíkich Yus Ámiji̱a̱i̱ métekka peṉké atsawai.

Neem. 4:14

Iisan wajaki̱n úuntri̱ncha tura akupniúncha núnisaṉ ashí aentsun chicharainiakun “Ii nemasri̱ iimiainiamunam sapijmiakairap. Warí Uunt Yus tí uunt ashamainia nusha enentáimtustarum. Atumí yachi̱ tura atumí uchirí̱ ántsaṉ atumí nawantri̱sha nuwe̱sha tura ashí atumí je̱e̱ ayamprúktarum” tiármajai.

YKan. 145:3

Kame Uunt Yuska imiá uunt asa shiir awajú ajataiti. Kame timiá uunt asamtai Ni péṉkeri̱ takamtsuk nekaachminiaiti.

YKan. 147:5

Ii Yusri̱nkia úuntaiti tura ti kakarmaiti tura Ni enentáimtairi̱nkia náṉkatkachuiti.

YKan. 35:10

Winia aya̱shur chichartamuk Uunt Yusá chíkich yus Ámiji̱a̱i̱ métekka atsawai túrutui. Niji̱a̱i̱ naṉkaamas kakaram ainia nuyá̱ wáitias pujuinia nu aṉkant awajáiniame. Túram kuítrincha tura atsumainia nunasha atantainia nuya̱sha uwemtikme.

YKan. 48:1

Ii Yusri̱ pépruri̱n Ni akantúkma náintri̱nkia Uunt Yuska tí uuntaiti tura tí shiir awajú ajamainti.

YKan. 96:4

Kame Uunt Yuska tí uuntaiti tura tí naṉkamantu asamtai arantúkrum tí peṉker awajsatarum. Warí ántar yus najankamu ainia núja̱i̱sha naṉkaamas Niṉkia ashamainti.

Jiin. 15:11

Uunt Yusru, Ámeka najanamu yus ainia núja̱i̱ṉkia naṉkaamas Amek arantumaintme. ¿Yaki peṉké tunaarinchasha Ámiji̱a̱i̱ méteksha áminiait? Aentsti túrachmin ashamkamnia túrin asam ti shiir awajmáinme.

Jiin. 8:10

Tutai nisha “kashin seatritia” tímiayi. Nuna takui̱ Muisais Parauṉkan aya̱k “Ame wakeram nútiksanak Yusan seattiatjame. Kame chíkich Uunt Yus íi Yusri̱ji̱a̱i̱ métekka peṉké atsawai. Kame amesha nú nekaak tusan túrattajai.

Jiin. 9:14

Tura nú arant ujaakum yamái enentáimtikrataj tusan ame takartámniurmin núnisnak shuarumin winia asutkiarun akuptúktatjame nekas nekaraku wiji̱a̱i̱ métekka ju̱ nuṉkanmaṉka chíkichkia peṉké atsawai tusan túrattajai.

Isa. 12:6

Wats Seúnnum matsatrumna nútiram atumíin Tunaarincha Yus naṉkamantua nu pujá asamtai warakrum kakaram kantampruátarum” títiatrume.

Isa. 40:18

Atumsha Yussha ¿yája̱i̱m métek awajsatarum tura warí nakumkarmek nekapmatarum?

Isa. 40:25

Yus Tunaarincha nu iin aninmak “Atumsha Winiasha yája̱i̱ṉ apattukrum íirsatarum. ¿Wisha yája̱i̱ṉ méteketaj?” tawai.

Isa. 46:5

¿Yája̱i̱ṉ méteksha awajtústarum tura métekeashit tusarmesha yája̱i̱ṉ apatka íirsatarum?

Isa. 46:9

Ti yaunchu túramu naṉkaamasu ainia nusha enentáimturtarum. Warí Wikia Yúsaitjiai tura chíkichkia atsawai. Witjiai Yúsnaka tura chíkichkia Wiji̱a̱i̱ métekka peṉké atsawai.

Jrm. 10:16

Kame ni urukua ainia núninchaiti Jakupa Yusri̱ṉkia. Ashí najankaka Níṉkiti. Israerka ni wea nuṉke̱nte. ¡Ni náari̱nkia Ashí Akupin Uunt Yusaiti!

Jrm. 32:18

Ámeka tí untsurí aents waitnenniuitme. Túrasha ni uuntri̱ yajauchiri̱ni̱ṉ ni uchirí̱sha asutniuitme ni kajinkiarmataisha. Maa, tí uunt tura Ashí Tujintkiachu Yusá áme náarmeka Ashí Akupin Uunt Yusaiti.

Tan. 4:3

¡Warí, Niṉkia aents nekaachminia nu túramuri̱sha tura iniakmamuri̱sha ti uunt tura ti kakaram áiniawai! Nuyá̱ Ni akupeamuri̱sha yáunchusha tura yamaisha akupniuiti. Nuyá̱ ukunam aents pujuartatna ímianaisha tuke Niṉki akupkáttawai.

Tan. 4:34

Tura tsawant naṉkaamarmatai wi Napukutunusúr nayaimpinmaani̱ nakaasan iimiai̱ ataksha aentsua núnis enentáimtikrurmai. Túrutamtai Ashí Naṉkamantu Yusan tuke pujú asamtai shiir awajeakun tura naṉkamantu enentáimtakun yumiṉsamjai. Warí, Ni akupeamuri̱sha peṉké amukashtiniaiti. Tura ukunam aents matsamiartatna nui̱sha tuke átiniaiti.

Mks. 1:11

Nuyá̱ etsa̱ jintiainmaya̱ naṉkama etsa̱ akatai̱ya̱ tímianaisha ashí nuṉka náṉkatramunam Winia naarka naṉkamantu átatui. Tura ashí nuṉkanam Winia Naarja̱i̱ kuṉkuinniasha nekas enentáiji̱a̱i̱ tura surustinia nunasha péṉkeran súruiniak shiir awajtúsartatui. Kame Winia Naar ashí nuṉkanam nekas naṉkamantu asamtai túrawartatui” tawai Ashí Akupin Uunt Yus.

1 Kur. 8:6

Tura iikia nékaji aya chikichik Yus awai nusha ii Aparí̱nti. Ashí írunna nuna najanaiti tura ni wakera nuna umikiat tusa iin najatmamji. Ii Úuntri̱sha chikichkiti Jesukrístu. Níji̱a̱i̱ṉkia ashí najanamuiti. Tura iisha ni kakarmari̱ji̱a̱i̱ iwiaaku pujaji.

Muis. 32:31

Warí ní kayari̱ṉkia íi uunt Kayarí̱ya núnischaiti. Núnaka ii nemasri̱sha nékainiawai.

Muis. 33:26

Israera Yúsri̱ji̱a̱i̱ métekka chíkichkia atsawai. Atumí ejamtairi̱ṉkia tuke pujú Yusaiti tura Niṉkia uwejé̱ja̱i̱ takus pujurtamprume. Túramu asarum péṉker pujustatrume. Warí atumí Yusri̱ṉkia naṉkaamas kakaram asa atumí nemasri̱nkia nupetkattawai túrak péṉker apujtamsattarme.” Tú timiayi Muisais.