Jrm. 10:5 - Yus Papí: Shuarja̱i̱ Yus Yamaram Chicham Najanamu

⁵ Chiṉkí awakín najanar ajanam awajsamua núnin áiniawai. Chichainiatsui, ishichkisha ékemkachmin asamtai yanakí̱ juíniawai. Yajauch awajsachmin asamtai niṉkia ashamainiatsui. Núnisaṉ péṉker awajsatniuncha kakarmanka peṉké takakainiatsui” tíniuiti.

Jrm. 10:5 Iomraidhean Croise

1 Akup. 18:26

Kame waakan súsarmia nuna nisha iwiararmiayi. Túrawar Paara náari̱n pachisar untsumainiak káshik juárkimiutak Paará ai̱kratkata ajá ajainiakua tutupin ejeniarmiayi. Túrasha yaki ai̱kiat, peṉké ai̱kcharmiayi. Nuna túmainiak kayan irumprar áestutai̱n najanawarmia nui̱ ayamach jantsempriarmiayi.

Isa. 16:12

Tura Muapka yusri̱n áujsataj tusar ni ántar yusri̱n enentáimtutai̱ naint írunna nui̱ wainiak pimpiniakush núnaka peṉké ántar túrawartatui.

Isa. 45:20

Chíkich nuṉkanmaya̱tirmesha iruntrarum winitiárum tura ashí nuṉkanam iwiaaku juákaru pujarmena nútirmesha tantatarum. Kame ju̱ shuar numi yusan najanawar enentáimtuiniana ju̱ka enentáimcha áiniawai. Tura najanamu yus uwemtikkiarturchamnia nuna seainiawai.

Isa. 46:1

Piirka tekem iniantuiti núnisaṉ Nepusha túrunaiti. Nu yus nakumkar najanawarma núnaka entsauyarmena nu yamái kijin aentstai̱ yajasma entsáu áiniawai. Tura káruja̱i̱ kijinian juíniakui yajasman ipimpikiainiawai.

Isa. 46:7

Nuyá̱ yanak juíniawai tura pujutái̱ri̱n apujainiawai. Tura ni pujamunmaya̱nka peṉké muchitiatsui. Yáakesh untsuamash peṉké ántichuiti núnisaṉ wáitsatniunmaya̱sha aṉkant awajkartichuiti.

Jrm. 10:14

Ashí aents nekatairi̱ táattsamu ásar nékachu ajainiawai. Ashí aents jiruja̱i̱ takakma ainia nuka yusri̱n ní uweje̱ja̱i̱ṉ najankar natsanmai̱ ajainiawai. Kame jiru unuikiar najanamu yus ásar ánaṉkaiti. Warí niṉkia enentáin takakainiatsui.

Awa. 2:19

Tura numin chicharainiak ‘¡Shintiarta!’ tura kayancha chichachunak ‘¡Wajaktia!’ tuinia nusha aneararti. ¿Warí unuikiarturtinian jeainiawak? Atsá, áyatik kuriji̱a̱i̱ tura kuít jiruja̱i̱ eṉkekma áiniawai tuma ásar iwiaaku wakaní̱n takakenatsui.

1 Kur. 12:2

Yaunchu átum Yus shuar ajatsuk chíkich shuarja̱i̱ métek najankamu yus tikishmátramarme. Nisha najanamu yus ásar áujmattramsachmin ármiayi.

1 Kur. 8:4

Wátsek najankamu yus susamu yúatin jú̱nis enentáimpratniuiti. Yuska aya chikichkiti. Tura chíkich Yus atsakui

Muis. 4:28

Nui̱ pujusrum numiji̱a̱i̱ tura kayaja̱i̱ aents najankamu yus ántichu tura wáinmachu, yurumcha núnisaṉ iwiaakcha yus ainia nu enentáimtustatrume.