Jrm. 10:12 - Yus Papí: Shuarja̱i̱ Yus Yamaram Chicham Najanamu

¹² Kame nuṉkanka Ni kakarmari̱ji̱a̱i̱ Yus najanamai. Antsu ashí nuṉkanka Ni nekatairi̱ji̱a̱i̱ najanak nayaimpinkia Ni nékamuriji̱a̱i̱ iwiaṉkarmai.

Jrm. 10:12 Iomraidhean Croise

Naṉ. 1:1

Yama naṉkamtaik mash atsuiniai̱ Yuska nayaimpincha nuṉkancha najankarmiayi.

Naṉ. 2:5

Uunt Yus tuke yumin yútumtikiachu asamtai kampunniusha nuyá̱ araksha atsuarmiayi. Núnisaṉ aents atsá asa takakmastincha atsumiayi.

Juup 9:8

Yuska aya Niṉki nayaimpincha iwiaṉkármiayi tura nayantsa tampari̱n wekainiaiti.

YKan. 104:2

Ame nérentin asam tsáapnintrumji̱a̱i̱ pushí áentsratniua áitkiaitme. Tura nayaimpikia tarach ayapá̱rma nútiksam ikiusuitme.

YKan. 104:24

Uunt Yusá ti urutmatsuk ame nekatairmiji̱a̱i̱ najankaitiam. Nuṉkanka ame najankamurmek piákuiti.

YKan. 119:90

Umitiáirmeka yamaisha ukunmasha nú ukunmasha tuke matsamiartatna ímianaiyaiti. Núṉkaka ímiatrusmek najanamame túram tuke juákuiti.

YKan. 24:2

Warí, Úunt Yusak nuṉká tépakmari̱ncha najana nayantsanam tura ashí entsanam tímiatrusaṉ ikiuschamkia.

YKan. 33:6

Uunt Yuska aya chichame̱ja̱i̱ṉ nayaimpinkia najankarmiayi. Ni wene̱ja̱i̱ umpuí Ni yáari̱n nekapmarchamniaitiatar ashí najankarmiayi.

YKan. 65:7

Tura nayants úu ajak tampari̱ téter ajakuisha núnisaṉ nuṉkanmaya̱ aents charaatum ajainiakuisha Amek mitia awajniuitme.

YKan. 78:69

Núnisaṉ nayaimpisha tura nuṉkasha tímiatrusaṉ ainia núninian Seun nainnium ni pujutái̱ri̱n tuke atí tusa je̱a̱mmiayi.

YKan. 93:1

¡Jiuwaka akupeawai! ¡Nisha jíitsumpran entsaruiti! ¡Jiuwá tí kakarmari̱ji̱a̱i̱ iwiarnaruiti! ¡Jiuwaka nuṉkanka muchitkiachmin awajás apujsaiti!

Neka. 3:19

Uunt Yuska Ni nekatairi̱ji̱a̱i̱ nuṉkancha tura Ni enentáimtairi̱ji̱a̱i̱ nayaimpincha najanamiayi.

Neka. 30:4

¿Ya nayaimpiniam waka ataksha táarait? ¿Ya ni uwejé̱ja̱i̱ nasen emetait? ¿Ya tarachji̱a̱i̱ entsan áreṉkuit? ¿Ashí nuṉkanam írunna nunasha ya najankait? ¿Ni náari̱sha tura uchirí̱ náari̱sha yait? ¿Nu nékamek?

Isa. 40:22

Uunt Yuska nuṉká tenteá nui̱ pujawai. Tura nuṉká pujuiniana núnaka manchia núnin íiniawai. Niṉkia nayaimpinkia tarachji̱a̱i̱ métek tura nuap je̱a̱ núnis ayapá̱ruiti.

Isa. 42:5

Kame nayaimpin najana ayapá̱ru asa nuṉkancha najana neremtikna núnisaṉ ju̱ nuṉkanam matsatainian mayatkatniun tura iwiaakmancha súana nu Uunt Yus chichaak jú̱nis tawai.

Isa. 44:24

Ame nukú waké̱ ínitia̱ṉ najatma nu Uunt Yus ámin aṉkant awajtámsa jú̱nis túramui “Wi Uunt Yus ashí nájanjai. Aya nayaimpiniak ayapá̱jai nuṉkancha Wiki ayapá̱jai.

Isa. 49:8

Uunt Yus chichaak “Péṉker tsawantin ái̱kmajme tura uwempratin tsawantincha yáiṉmajme. Péṉker wainkiattajme nuyá̱ ámiji̱a̱i̱ chícham najanamusha ashí nuṉkaja̱i̱ najanamua núnis átatui. Kame nuṉka emeskamu iwiarkam ame núṉkem meṉkara ainia nu ataksha nérentin ajasminiam tusa tíniuiti.

Jrm. 10:13

Ni chichaakuiṉkia nayaimpiniam entsa téter ajawai. Nuṉka náṉkatramunmaya̱ncha Ni yuraṉminkia iwiawai. Núnisaṉ chárpincha yuminiun najanaiti tura Niṉki nasencha ikiutairi̱ya̱n júawai.

Jrm. 10:16

Kame ni urukua ainia núninchaiti Jakupa Yusri̱ṉkia. Ashí najankaka Níṉkiti. Israerka ni wea nuṉke̱nte. ¡Ni náari̱nkia Ashí Akupin Uunt Yusaiti!

Jrm. 27:5

‘Uunt Yus chichaak Winia ti kakarmar kunturun iwiaintiukan nuṉkancha aentsnasha yajasmancha nuṉká írunna nunasha najankamjai tura wi yana wakeraj nuna súsaitjiai.

Jrm. 32:17

‘¡Ii Yusri̱ Uunt Yusá! Ámeka ashí tujintkiachu asam kunturam takuim nayaimpisha tura nuṉkasha najankamiame. Ame tujintkiamniaka ishichkisha peṉké atsawai.

Sak. 12:1

Jú̱i̱ti Uunt Yusa chichame̱ Israer shuarnum ukunam átatna nu ujakma. Uunt Yuska nayaimpin ayapá̱r iwiarka tura nuṉká tépakmari̱n najana núnisaṉ aentsun iwiaaku awajsámin wakaní̱n eṉketra núiti.

Juaṉ 1:3

Ashí najankamu ainia nuka Niji̱a̱i̱ najankamuiti. Niji̱a̱i̱ najankachmaka peṉké atsawai.

Kurs. 1:16

Niji̱a̱i̱ Yus ashí nayaimpiniam írunna nunasha nuṉká írunna nunasha, ashí wáiniaj nunasha núnisaṉ wáintsuj nunasha mashⁱ najanamiayi. Nu arantcha ashí akupin ju̱ nuṉkanam írunna nusha, nayaimpiniam írunna nusha, iwianchnium írunna nusha, ashí Niji̱a̱i̱ najanamu ásar Nin umirkarat tusa najanamu áiniawai.