Jrm. 10:10 - Yus Papí: Shuarja̱i̱ Yus Yamaram Chicham Najanamu

¹⁰ Tura Uunt Yuska nekas Yúsaiti. Niṉkia iwiaaku Yúsaiti tura úunt akupin tuke pujuwiti. Ni kajekmataikia nuṉka muchitiawai. Tura uunt nuṉka mátsatka ainia nuka Ni suíri̱n katsuntrachmin áiniawai.

Jrm. 10:10 Iomraidhean Croise

Naṉ. 21:33

Waketkiarmatai Pirshiwianam Aprajámka tamarísku numin araamiayi. Tura nui̱ Tuke Pujú Uunt Yusa náari̱n pachis shiir awajsámiayi.

1 Akup. 18:39

Tura ashí shuar nuna wáinkiar tikishmar tsuntsumawar chichainiak “Uunt Yuska nekas Yúsaiti tura nekas Uunt Yusaiti” tiármiayi.

1 Akup. 8:60

Kame umikmatai ashí nuṉkanmaya̱ aents nekaawar ‘Uunt Yus nekas Yúsaiti, tura chíkichkia peṉké atsawai’ tiártatui.

Juup 9:6

Yuska nuṉka ni tépakmari̱ya̱n umuchir pachimniuiti.

YKan. 10:16

Uunt Yuska tuke akupniuiti. Tuma asa ni nuṉke̱ya̱ṉka ashí najankamu yusa umirin shuarnaka jí̱i̱kiar akupkartatui.

YKan. 100:3

Nekaatarum, Uunt Yuska Yúsaiti. Imiá iikia najanmamachuitji. Antsu Ni najatmaitji. Kame murikiu wáinniua núnis wáitmaji. Tuma asar Ni shuaraitji.

YKan. 100:5

Warí, Uunt Yuska tí peṉker asa tuke nekas chichamtiniaiti núnisaṉ tuke waitnenkartiniaiti.

YKan. 104:32

Kame Yus nuṉkan najana asa ú̱u̱rmamtikiui. Túram naintcha muchitrar mukuintiuiniawai.

YKan. 114:7

Jiuwá íimmianum nuṉká tákeer ajata. Tura Jakupa Yusri̱ wantinkiamtai muchitkiata nuṉká.

YKan. 145:13

Ame akupeamurmeka uwir uwir náṉkatkachuiti tura Ame kakarmarmeka ukunam matsamártatna ímianaisha nuyá̱ ni tiraṉki̱ ártatna ímianaisha Ámeka akuptiatme.

YKan. 146:6

Warí Uunt Yuska nayaimpincha nuṉkancha nayantsancha tura ashí nui̱ warí írunna núnaka Ni najankamu áiniawai tura nekasa núnaka tuke wáinniuiti.

YKan. 18:7

Nuṉkasha muchitrar peantrarmai. Naint tépakmari̱ya̱ ímianai muchitrarmai. Uunt Yus kajekmatai peantrarmai.

YKan. 29:10

Uunt ama̱a̱ ama̱a̱rkamia nui̱sha Uunt Yuska tuke pujuyayi. Núnisaṉ Uunt Yuska Úunt Akupin asa tuke pujusmai.

YKan. 31:5

Winia wakantrunka Ame waitrukai tusan Amiin ikiuajai. Jiuwaá Ámeka nekas Yus asam winia sumarkaitme. Ruk. 23:46

YKan. 42:2

Wikia kitiamana tímiatrus Yusá enentáimtajme. Kame ¿wenasha urutáik Yusai̱ wajasaintiaj?

YKan. 68:11

Etserkatniunka Uunt Yus akatrarmiayi. Nu etserkamun untsurí nuwa̱ jú̱nis ujakármiayi,

YKan. 68:8

nuṉka ú̱u̱rkamiayi.(Séraj) Kame Israer shuara Yusri̱ nayaimpinmaya̱ yumincha akupkámiayi tura ímia Senái naintcha Ni íimmianum muchitkiamiayi.

YKan. 74:12

Túmaitkiuisha tí yaunchu Yuska winia úunt akupniuruyayi. Nuṉká matsatainia nuna uwemtikna nuka Níyaiti.

YKan. 76:7

Ámeka nekas ashammaintme. ¿Yaki Ame kajekakmincha paṉkái̱ iirmassha wajaint?

YKan. 76:8

Nuṉká péejchach matsatainia nu uwemtikran tura aṉkant awajsataj tusam Yusá sumamtikiataj timi juárkimiam nui̱ nayaimpinmaya̱n nekasa nuja̱i̱ métek sumamtikiatin antumtikiamame. Nui̱ nuṉká pujuinia nusha ashampramak mitia ajasármiayi. (Séraj)

YKan. 77:18

Ame ipiamtaja̱i̱ métek chichakmiam nuka uunt naseya nui̱ ámiayi. Tura peemsha newaat ajak nuṉká tsáapin awajmiayi tura núṉkaka muchitrarmai tura peantrarmai.

YKan. 84:2

¡Winia wakantruka Jiuwá je̱e̱ á̱a̱ri̱ncha pujustinian ti wakerawai! ¡Winia enentái̱rka tura winia aya̱shrusha iwiaaku Yusan kantampruiniawai!

YKan. 9:8

Ni naka túrutai̱ji̱a̱i̱ aents túramuja̱i̱ métek wainiak nekaawartatui.

YKan. 90:11

Ame kakaram kajetáirmincha ¿ya nekaamniait? Tura Ame kajetairmeka ti uunt asamtai ¿itiur ashamkar arantúkchamusha átatam?

YKan. 90:2

Náintiash najana apujtsuk nuṉkasha tura ashí nui̱ irunainia nusha najantsuk yama náṉkamtaikniumia̱sha yáunchusha yamaisha tuke pujú Yúsaitme. Isa. 41:4; Apu. 1:11; 22:13

YKan. 93:2

Ámeka akupkur pujutái̱rmeka tímianiaṉ tímiatruskete ¡Ámeka tuke pujuwitme!

YKan. 97:4

Ni péetmari̱sha nuṉkan tsáapin awajeawai. Tura nuna iis nuṉkasha tákeer ajawai.

Isa. 40:15

Kame Yúsja̱i̱ṉkia untsurí nuṉka mátsatkamuka entsa nakitiatniua ántsaiti. Núnisaṉ nuṉka kijin nekapmatai̱niam eṉkeatniua ántsaiti tura Uunt Yuska antumiaṉnasha kijincha áitkias takuimniaiti.

Isa. 40:28

¿Átumka nékatsrumek tura antukchakaitrum? Uunt Yuska tuke pujuwiti tura ashí nuṉkan najana nú Yuska pimpitniasha peṉké pimpichuiti tura ni nekatairi̱sha peṉké amuichaiti.

Isa. 65:16

Yaaksha ju̱ nuṉkanam shiir pujutnum yumiṉkramua nuka nekas chichawa nu Yusa náari̱ji̱a̱i̱ yumiṉkramu átatui. Tura yaaksha ju̱ nuṉkanam nekas tajai tákusha nekas chichawa nu Yusa náari̱ji̱a̱i̱ nekas tajai títiatui. Warí yaunchu wáitsamuka kajinmátkimiu ártatui núnisnak Winia jí̱ruja̱i̱sha atakka íischattajai.

Jrm. 23:36

Túrasha yamaikia ‘Ju̱ etserkata Uunt Yus túrutui’ títinkia atakka peṉké enentáimprashtatrume. Kame yaaksha nuna tákui̱ṉkia ní chichame̱nak kijin entsaktinia núnis awajtústatjai. Warí, aentsu chichame̱sha Uunt Yusa chichame̱ ¿áminkiait? Átumka ii Yusri̱ Ashí Akupin Uunt Yus Iwiaaku Yusa chichame̱ natsanmai̱ awajearme.

Jrm. 4:2

tura nekasa nuja̱i̱ tímiatrusnak nekas nákak túrattajai tusam Uunt Yussha iirui tákumni̱ṉkia antsu nui̱ṉkia ashí nuṉkanmaya̱ aentssha Nin péṉkernum yumiṉkramu ártatui tura Níini̱ṉ shiir awajnásartatui.

Jrm. 4:24

Naint iisarmasha naintkia kurainiarmai tura naintiar naintiar áiniana nuka ashí téter ajarmai.

Jrm. 51:29

Núṉkaka ú̱u̱rkattawai tura najaimiak tuniṉkiana núniawai. Warí Uunt Yus Papirúnia amuk aya jú̱nik atsá mashiaru áentskesha atsá awajsatin tsawant uminkiayi.

Tan. 4:3

¡Warí, Niṉkia aents nekaachminia nu túramuri̱sha tura iniakmamuri̱sha ti uunt tura ti kakaram áiniawai! Nuyá̱ Ni akupeamuri̱sha yáunchusha tura yamaisha akupniuiti. Nuyá̱ ukunam aents pujuartatna ímianaisha tuke Niṉki akupkáttawai.

Tan. 4:34

Tura tsawant naṉkaamarmatai wi Napukutunusúr nayaimpinmaani̱ nakaasan iimiai̱ ataksha aentsua núnis enentáimtikrurmai. Túrutamtai Ashí Naṉkamantu Yusan tuke pujú asamtai shiir awajeakun tura naṉkamantu enentáimtakun yumiṉsamjai. Warí, Ni akupeamuri̱sha peṉké amukashtiniaiti. Tura ukunam aents matsamiartatna nui̱sha tuke átiniaiti.

Tan. 6:26

Ashí nuṉka wi akupeamunmaṉka Taniara Yusri̱ ashamakrum Ni enentáimtustarum tusan umiktin chichaman nájanjai. Warí, Nisha tuke iwiaaku pujú Yusaiti. Tura peṉké náṉkatkachuiti. Núnisaṉ Ni akupeamuri̱sha emesnarchattawai tura amuukatin tsawanta tímianaisha tuke átatui.

Tan. 6:27

Warí, Niṉkia uwemtikiar aṉkant awajkartiniaiti. Nayaimpinmasha tura nuṉkasha aentsti túrachminia nuna iniakmawiti. Tuma asa Niṉki Taniarnasha úunt ya̱wa̱numia̱ uwemtikraiti” tu áatrarmai.

Tan. 7:14

Nuya̱ṉka akupkatin tura naṉkamantu ajastin núnisaṉ akupin átincha sunasmai. Tuma asamtai ashí aents tura mátsatkamu uunt nuṉka ainia nuya̱sha núnisaṉ chíkich chíkich chichamtin ainia nusha Nin shiir enentáimtuiniak umiriarmai. Warí, ni akupkatniuri̱ṉkia náṉkatkachu amuukashtin tura peṉké emesnarchatniuiti.

Juir 2:11

Kame nu suntara matsamkamuri̱ṉkia tí uuntaiti. Tuma asamtai Uunt Yuska ni suntari̱n eem wajatas akupeawai. Tura Nisha ti kakaram asamtai Ni suntarí̱sha Ni chichame̱nka umirainiawai. Warí Uunt Yusa tsawantri̱sha ti ashammainti. Nu tímianuncha ¿yaki katsuntrat?

Mik. 1:4

Tura naint ainia nusha Ni wajanmaja̱i̱ métek mikia jinium apeam miniá núnikiartatui. Núnisaṉ nuṉka pakasha miniak entsa ama̱a̱ru ajakártatui.

Awa. 3:10

Núnisaṉ naintcha waitmakar ú̱u̱rkarmai nuyá̱ entsasha ama̱a̱rak naṉkaamasarmai. Núnisaṉ nánata sáisaintiak arma nusha kakaram untsumainiak uwejé̱n takuiniarmai.

Awa. 3:6

Tura Ni wajasmataiṉkia nuṉkasha muchitiáiniawai núnisaṉ íimiakuiṉkia aentssha purushnintiá ajainiawai. Naintcha tuke irunniuitiat yumpunainiawai. Tura yáunchuya̱ naint tépeprak áiniana nusha Nin tikishmátainiawai. Warí Ni túrutairi̱ṉkia peṉké náṉkatkachuiti.

Mks. 3:2

“Tura Ni tátin tsawant jeamtaisha ¿yaki katsuntratⁱ kame Ni winiakuisha yaki paṉkai̱sha wajasatⁱ? Warí Niṉkia ji jiru unuikiar tsatsamtai̱ya̱ núniniaiti. Núnisaṉ nijiakmau ainia nuna japuṉkri̱ tí kakaram wapikian wárik jiinia tímianuiti.

Mat. 16:16

Semuṉ Pítrusha “Ámetme Kristu, Yus Anaikiamu. Nekas iwiaaku Yusa Uchirí̱nme” tímiayi.

Mat. 26:63

Túrasha Jesus tuke áimchamiayi. Túmakui̱ Yúsnan pujurniu uuntri̱ chicharuk “Nekas iwiaaku Yusa náari̱i̱n tájame nekasa nu táchakminkia Yus iirmastatui. ¿Ame Krístukaitiam. Yusa Uchirí̱ṉkaitiam? Paant etserkata” tímiayi.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Tur. 14:15

Tura chicharainiak “Shuara, ¿urukamtai áitkiarum? Iisha yúschaitji. Átumea ánkitji. Peṉké ántrarum túrarmena nu ikiukrum nekas Yus nemarsatarum tusar iisha taji. Nekas Yuska nayaimpincha, nuṉkancha, nayantsancha tura ashí nui̱ írunna nunasha najanaiti.YKan. 146:6

Muis. 32:4

Niṉkia kátsuram Káyaiti, Israeran ayampri̱niaiti. Ni túramuri̱ṉkia ashí péṉkeraiti kame ashí túrana nuka nékaskete. Niṉkia nekas umin Yus asa yajauchiji̱a̱i̱ peṉké páchitkiachuiti antsu Niṉkia aya péṉkerkete.

1 Tis. 1:9

Antsu átum iin péṉker itiaamun ni íksaṉ ujatmainiaji. Tura nuya̱sha najankamu yus enentáimtustin iniaisarum nekas iwiaaku Yus nekas enentáimtusrum umirkarumna nunasha ujatmainiaji.

1 Tim. 1:17

Tuma asamtai uwir uwir tuke pujú Úunt Akupin tura jachaa núnisaṉ wáinchatai chikichik Yusa nuke iniaṉnatsuk tuke shiir awajsamu tura naṉkamantu páantin awajsamu atí. Nuke atí.

1 Tim. 6:17

Jú̱ nuṉkanam kuítrintin ainia nusha naṉkamantu enentáimtumascharti. Kuitcha yúpichuch meṉkakamnia asamtai kuítniak enentáimtusar pujuscharti. Antsu iwiaaku Yus ashí iin ti peṉkeran núkap súramaj nuna nekas enentáimtusarti.

Isr. 10:31

Tí tsuumainti iwiaaku Yusa kakarmari̱ji̱a̱i̱ asutniátin.

Jus. 3:10

Ju̱ja̱i̱ nekas nekaattarme iwiaaku Yus atumji̱a̱i̱ pujá asa Kanaannumia̱ aentsun, Jet aentsun, Jep aentsun, Píris aentsun, Jírjis aentsun, Amur aentsun tura Jípius aentsnasha átum íimmianum mash amuktatui.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.

Apu. 20:11

Nuyá̱ akupin pujutai̱n úuntan tura tí pújun wainkiamjai. Tura nui̱ pujancha wainkiamjai. Nisha ti kakaram asamtai nuṉkasha nayaimpisha aya meṉkarar tuke atsúarmai.

1 Sam. 17:26

Tura niji̱a̱i̱ pujuarmia nuna Tawit chicharainiak “Jiristíanmaya̱ aentsun nupetak Israer shuaran yajauch chicharainiana nuna emenkákmataisha nupetmakuncha ¿itiurkartin? Iwiaaku Yusa suntari̱ kakarmaitkiuinkia nekapnaisatai títincha tsupirnakcha Jiristíusha ¿ániusha warimpiait?” tímiayi.

1 Sam. 17:36

Nuní̱ túrakun úunt ya̱wa̱ncha tura chai̱ncha maa wémiajai. Ju̱ Jiristíu tsupirnakcha Iwiaaku Yusa suntari̱n peṉké yajauch chicharka asa nisha nuja̱i̱ métek túrunattawai” tímiayi.