Jrm. 1:9 - Yus Papí: Shuarja̱i̱ Yus Yamaram Chicham Najanamu

⁹ Nuya̱ṉka Uunt Yus uwejé̱n iwiaintiurak wenurun ántiṉ chichartak “Pai, yamaiya̱ ju̱yá̱ ame chichaktatmena nuna Winia chichamprun amaajai” turutmiai.

Jrm. 1:9 Iomraidhean Croise

Isa. 49:2

Túruta winia wenuruí̱ puyá̱ mái̱ erea nútikruamai tura uwejé̱ja̱i̱ ejatak núnisaṉ tséntsak atsakar tuntanam eṉkestinia nútikruamai.

Isa. 50:4

Pimpikin ainia nu jintintiakur péṉker chichaktinniaka ii Uunt Yusri̱ surusuiti. Tuke káshik ishintiátui. Unuimiáru áiniana tímiatrus anturtukat tusa tuke káshik wíniaka ishintiátui.

Isa. 59:21

“Wikia chichaman niji̱a̱i̱ jú̱nis nájanjai. Winia wakaniur atumín pujurtamna tura Winia chichamprun ujakuitjiarmena nuya̱ṉka peṉké kanakchatniuitrume. Núnisaṉ atumí shuari̱sha nuna tiraṉki̱sha nuyá̱ tiraṉki̱sha yamaiya̱ juárkin ju̱ chichamnumia̱ṉka peṉké kanakchatin áiniawai” tawai Uunt Yus.

Jrm. 15:19

Tuma asamtai Uunt Yus chichaak “Winí̱ ame wáketkumni̱ṉkia Wisha núnisnak awaiṉkitiajme túram Winí̱i̱ eem wajastatme. Kame yajauchinmaya̱ṉka aya tí shiirmachia nuke akankámka antsu nui̱ṉkia Winia chichampru iniaṉkain átatme. Nekaska ni amiin waketrarti antsu ámeka niṉkia waketrukiaraip.

Jrm. 34:6

Yúsnan etserin Jirimías Jutanmaya̱ úunt akupniun Setekíasan ashí ju̱ chichaman Jerusaréṉnum ujakmiayi.

Jrm. 36:2

“Israernancha tura Jutanuncha tura ashí uunt nuṉka mátsatkamua núnancha Jusías pujumia nu tsawant ámiji̱a̱i̱ chichastinian naṉkamamiaj ímianiaṉ tura yamaiya̱ ímiaja̱i̱sha chichasuitjiame. Tuma asamtai papí pénuimiu achikta túram nui̱ ashí Wi ámin tímiajmena nu aartá.

Jrm. 5:14

Tuma asamtai Ashí Akupin Uunt Yus chichaak “Tu chichaku asakmin yamaikia ju̱yá̱ núnisaṉ Winia chichamprun ame wene̱mín ikiuajai. Ju̱ aents nakashua ánin átatui tura ji ju̱ aentsun amuktatui” tawai.

Isk. 3:10

Nu arantcha chichartak “Ámeka aentsu uchiri̱yá, ashí Winia chichamprun títiatjamna nu kuíshmiji̱a̱i̱ péṉker antukam enentáimji̱a̱i̱ nekaata.

Tan. 10:10

Tumai̱ uwej antintiak ishintiátar kurá kura̱i̱ṉ tikishmamtikrur tura shitiamtikrur apujtusmai.

Tan. 10:16

Tura aentsua núnin wenuruí̱ antintkiamai. Túrutamtai winí̱ naka wajama nuna chicharkun “Winia uuntru, ímiaja̱i̱k wáinkiaj nuja̱i̱ métek ti najamniun wainkiajai núnisnak kakarmachu ajasjai.

Wek. 23:5

Tura nuiṉkia Uunt Yus Paraaman chichaman akatar akupeak “Waketkim Parak chicharkum jú̱nisam titiá” tutai

Mat. 10:19

Tura akupniúnam surutmakakrumnisha wariniak títiaj tu enentáimprairap. Nui̱ uuntja̱i̱ chichaakrumin Yus títinian jintintrámattarme.

Mar. 7:33

Shuar matsatmanumia̱ Jesus nin akaṉkí̱ jukí̱ kuishi̱n tsara uwejé̱ja̱i̱ tsutsukruamiayi. Tura usukiá nu shuara iniai̱n antintkiamiayi.

Ruk. 12:12

Ame áimkiatin jeamtai Yusa Wakaní̱ ame títiatmena nuna jintintrámattawai” tímiayi.

Muis. 18:16

Tura ju̱sha ti nekasaiti Urep nainnium iruntramunam Uunt Yus seakum ‘Wisha yamaikia atak Uunt Yusru chichame̱n antuktinniaka tura ji keá íistinniasha jáka̱i̱j tusan ashamajai’ tímiame.

Muis. 18:17

Tuma asamtai Uunt Yus chichartak ‘Tuinia nusha nekas péṉkeraiti.

Muis. 18:18

Amea ánis Yúsnan etserniun ame yatsuminianak anaikiattajai. Tura winia chichamprun etserkattawai. Nuyá̱ ashí Wi títiatjana nuja̱i̱ métek chichartamkattawai.