Jrm. 1:8 - Yus Papí: Shuarja̱i̱ Yus Yamaram Chicham Najanamu

⁸ Túrasha nu aentska ashamkaip. Warí Wi ámiji̱a̱i̱ṉkia pujá asan Wiki uwemtikrattajme” turutmiai Uunt Yus.

Jrm. 1:8 Iomraidhean Croise

Jiin. 3:12

Tutai Yus Muisaisan chicharuk “Wetá. Warí Wi ámiji̱a̱i̱ṉkia pujuttajai. Ejiptunmaya̱ wi shuar ji̱i̱ram ju̱ nainnium Winia tikishmátrurtatrume. Nuja̱i̱ nekas Wi akupkámuitmena nu nekaattame” tímiayi.

Isa. 43:2

Entsá wekakminish Wi ámiji̱a̱i̱ṉkia pujuttajai tura entsá katíakminish ama̱a̱rkachartatui. Jinium naṉkamakmesh esashtatme núnisam ji keaksha áminkia peṉké itiurtámkashtatui.

Jrm. 1:17

Pai, yamaikia weme Wi títiatjamna nu etserkatin iwiarnarta. Túrasha pujuiniakuisha sapijmiakaip. Núja̱i̱nchuka ni pujuiniamunam íksanak ámin sapijmiamtiki̱a̱i̱jiam.

Jrm. 1:19

Núnisaṉ ámiji̱a̱i̱sha mánaikiartatui túrasha Wi ámin uwemtikrattsan pujá asamtai peṉké nupettamkachartatui” tawai Uunt Yus.

Jrm. 20:11

Túrasha Uunt Yus Ashí Tujintkiachu wiji̱a̱i̱ pujawai. Tuma asamtai pataturainia nuka tukumkartatui túrasha nupettukchartatui. Ti natsant ajakártatui tura péṉker matsamsachartatui. Nuiṉkia tuke natsanmai̱ awajtai̱ peṉké kajinmatkichmin ajasártatui.

Jrm. 30:11

Warí Wi uwemtikrattaj tusan ámiji̱a̱i̱ pujustatjai tawai Uunt Yus. Uunt nuṉka mátsatkamu ainia nuja̱i̱ tura yajá tsakiṉmakarmaj nuja̱i̱ ashí amukártatjai. Antsu áminkia emesrashtatjame tura nekasa nuja̱i̱ métek asutiáttajme. Túrasha asuttsuk peṉké ikiukchattajme.

Jrm. 39:11

Napukutunusúr Papirúnianmaya̱ úunt akupin Napusaratán jintiá iin awajsámuya nu Jirimíasnan chicharuk

Jrm. 42:11

Kame Papirúnianmaya̱ úunt akupniuka ashamarmena nu ashamkairap. Wi atumí uwemtikrattsan atumji̱a̱i̱ pujajai túran ni uweje̱ya̱ aṉkant awajsattajrume’ tawai Uunt Yus.

Tan. 3:17

Túmaitkiuisha ii umiriajnia nú Yus ji keamunmaya̱ṉka uwemtikrampramniaitji. Tura úunt akupniu, aminí̱ya̱ṉka nekas uwemtikramprattaji.

Tan. 3:25

Nuyá̱ ni chichaak “Wisha yamái kuatru áishmaṉkan ji keamunam ajapén jiṉkiarcharma tura ishichkisha esatsuk wekainian wainjiai. Tura kuatrua nú aishmaṉnumia̱ chikichik yusa uchirí̱ áiniana nuní̱ íiran wainjiai” tímiayi.

Mat. 10:26

Tuma asamtai aentska ashamkairap. Ashí u̱kma nu paant nekanattawai.

Mat. 28:20

Ashí atumíin Wi akatrámajrum nu nútiksarmek umiktin unuiniartarum. Tura ju̱ nekaatarum. Tuke tsawantai̱ ikiutsuk atumji̱a̱i̱ pujuttajai” tímiayi Jesus.

Tur. 26:17

Wats yamaisha Israer shuarchanum akupkátjame. Tura Israer shuar kajertamainiakuisha tura chíkich aents kajertamainiakuisha ayamprúktatjame.

Tur. 4:13

Pítrusha Juaṉsha náṉkamas shuara áintsaṉ ármiayi. Núkap unuimiárcharu ármiayi. Tura unuimiárchaitiat arantutsuk etseriarmiayi. Aentsu uuntri̱ núnaka nekaawar “Nékachuitiat, itiura sapijmiatskesha chichainia” tiármiayi. Tura ju̱sha Jesusa nemari̱n armia núiti tiar nekaawarmiayi.

Tur. 4:29

Uuntá, kajertamainiaj iisiá. Iis, Áminiu asakrin áujmatramtsujik. Túmaitkiuisha ame chichamem ii ashamtsuk etserkatin ame kakarmaram amasta.

Ipi. 6:20

Yus nu chichaman etserkatniun akuptúkuiti. Nuna túrakun sepunam pujajai. Sapijmiatsuk etserkat tusarum Yus áujtursatarum.

Muis. 31:6

Tura atumí Úunt Yusri̱ji̱a̱i̱ tuke kakaram ajastarum. Núnisaṉ mániakrum sapijmiakairap. Warí Uunt Yus atumí Yusri̱ atumji̱a̱i̱ pujuttawai. Tura atumniakka peṉké ikiurmakchattarme” tímiayi.

Muis. 31:8

Tura Uunt Yus amiiya̱ eem wea asamtai sapijmiakaip. Niṉkia ámiji̱a̱i̱ pujuttawai. Ayamprutmatsuk aminkikia ikiurmakchattawai. Sapijmiakum kaka̱rchaip.” Muisais Jusuin tu ikiaká̱rmiayi.

Jus. 1:5

Tura ame iwiaaku pujuttamna nui̱ṉkia peṉké nupettamkachartatui. Wi Muisaisan pujurmiaj núnisnak amincha pujursattajme. Peṉké ikiukchattajme tura peṉkesha iniaisashtatjame.

Jus. 1:9

Wi ame Úunt Yusrum asan akupeajme, sapijmiatsuk tura yawe̱tsuk kakaram ajasta. Warí Wi ame Yúsrumchakaitiaj. Tuma asan tuí̱ṉkish wétatmena nui̱sha pujurtiatjame.” Uunt Yus nuna tímiayi Jusuin.