Jrm. 1:5 - Yus Papí: Shuarja̱i̱ Yus Yamaram Chicham Najanamu

⁵ “Wikia nukui̱ṉkia najantsuk áminkia nekaamjame núnisnak akiintsumni̱ṉ Winia atí tusan akankámiajme. Tura ashí uunt nuṉka mátsatkamu áiniana nui̱ Winia chichamprun etserin atí tusan anaikiamiajme” turutmiayi.

Jrm. 1:5 Iomraidhean Croise

YKan. 139:15

Kame winia aya̱shur paantcha init ú̱kmanum émamkesar najanamu ai̱ṉ Ámeka winia aya̱shur paant nekamame.

YKan. 139:16

Yusru, yama najatmiam nuya̱ṉ akiinmam wáitmiame. Nu túram ashí winia tsawantur tsaṉkatrukmiam nusha chikichkisha táamtiktsuk ame Papirumíin mash áatrurmiame.

Jiin. 33:12

Tura Muisais Uunt Yusan chicharuk “Ame chichartakum ‘Israer shuar júkiarta’ túrutme, tura ¿ya winia nemartustata? nusha ujatkachume. Túrayatmek ‘Ame waitnenkartutairmin wáitkiajme, núnisaṉ ame náarmiji̱a̱i̱ nékajme’ túrutme.

Jiin. 33:17

Nuyá̱ Uunt Yus Muisaisan chicharuk “Winia waitnenkartutair wainkia asakmin núnisnak náarmin nekáa asan támena núnaka ímiatrusnak túrattajai” tímiayi.

Isa. 44:2

Ámin Najatma Uunt Yus jú̱nis tawai. Nukú aya̱shí̱ya̱ najatmamia nu yaintmaktatui. Winia takartin Jakupá ashamkaip. Kame ame Jesurunká Wi achikmajme.

Isa. 49:1

Ashí nayantsa yantamén tura nuṉka náṉkatkamunam matsatrumna nú aentstirmesha antuktarum. Wikia akiiniatniuka atsa̱i̱ṉ Uunt Yus untsurkaiti. Tura winia nukurui̱ eṉketai̱n winia náarun pachis anaitiukuyayi.

Isa. 49:5

Tura Uunt Yuska winia nukurui̱ eṉketai̱n winia takartin atí tusa najatamai. Kame Jakupa shuari̱ Yusai̱ waketkiar Israer shuar Yusai̱ iruntrarti tusa Uunt Yus íimmianum shiir awajnásmajai. Tura winia Yúsruka winia kakarmar ajasuíti.

Jrm. 1:10

“Tura ju̱ nekaata. Ashí nuṉkanam tura uunt nuṉka mátsatkamu ainia nui̱ tsuriarar tsai̱ tsai̱ awajsatniun áitkiasrik emeskar amuktinian núnisrik je̱a̱mkar arakmaktinian yamái ju̱ tsawant ánaiyajme” turutmiai.

Jrm. 1:4

Nuya̱ṉka Uunt Yus chichartak

Jrm. 20:15

Áishmaṉ winia aparun chichaman ujak chicharuk “Uchi áishmaṉkach akiintiurmayi.” Waramtiksattsa tana nu yajauchiji̱a̱i̱ yumiṉkramu atí.

Jrm. 25:13

Tura yamaikia jú̱ nuṉkanmaya̱ aentsu asutniátniuri̱n ashí Wi tímiaj nuna tura ju̱ papinium áarman Jirimías yaunchu etserkamia nu ashí nuṉkanam mash uminkiattawai.

Jrm. 36:2

“Israernancha tura Jutanuncha tura ashí uunt nuṉka mátsatkamua núnancha Jusías pujumia nu tsawant ámiji̱a̱i̱ chichastinian naṉkamamiaj ímianiaṉ tura yamaiya̱ ímiaja̱i̱sha chichasuitjiame. Tuma asamtai papí pénuimiu achikta túram nui̱ ashí Wi ámin tímiajmena nu aartá.

Jrm. 50:34

Túrasha ámin Uwemtikramniuka tí kakarmaiti. Tura ni náari̱ṉkia Ashí Akupin Úunt Yusaiti. Kame wáitiainia ásarmatai nekas chichampruktatui. Nuna tura nuṉkanka ayamtikiar Jerusaréṉnum matsatainianka páchim enentáimtikrartatui.”

Ruk. 1:41

Irisapít Marí áujeamun antukmatai uchi init muchitkiamiayi. Tumai̱ Irisapítian Yusa Wakaní̱ ni enentái̱n pimiutkamiayi.

Ruk. 1:76

Tura amincha uchiru, ‘Uunt Yusna etserniuiti’ turamartatui. Amesha ni tátintri̱ iwiarataj tusam Uuntai̱ émkim wétatme.Isa. 40:3-5; Mks. 3:1; 4:5

Juaṉ 10:36

Nisha yúsaitkiuiṉkia nuikia Yus Apa anaikia ju̱ nuṉkanam akupkámu asan ti nekas Yúschakaitiaj. Núja̱i̱ṉkia wi ‘Yusa Uchirí̱ntjiai’ takui̱ ¿itiurak ‘Yusan yajauch chicharui’ túrutrum?

Rum. 1:1

Wi Papru Jesukrístu takarniuitjiai. Núnisaṉ Yus achirak ni uwempratin chichame̱n etserkat tusa akatar akuptúkmiayi.

Rum. 8:29

Yámankamtaikniumia̱ iin nekarmak ni Uchirí̱ Jesukrístuja̱i̱ métek ajasat tusa achirmákmiaji. Nuja̱i̱ Yusa uchirí̱ untsurí ajasji. Tura Kristu ii iwia̱i̱ri̱nti.

1 Kur. 8:3

Tura Yusan aneana núnaka Yus péṉker nékawai.

Ipi. 1:22

Tura ashí írunna nu Krístun umirkartin áiniawai. Tura Yuska Krístunak ashí Yus shuara Akupniúri̱ awajsámiayi. Túramu asa Kristu ni shuari̱ muuke̱a áintsaṉkete.