Jrm. 1:19 - Yus Papí: Shuarja̱i̱ Yus Yamaram Chicham Najanamu

¹⁹ Núnisaṉ ámiji̱a̱i̱sha mánaikiartatui túrasha Wi ámin uwemtikrattsan pujá asamtai peṉké nupettamkachartatui” tawai Uunt Yus.

Jrm. 1:19 Iomraidhean Croise

YKan. 129:2

Natsa ámiaj nuya̱n núkap wáitkiarsarmai. Túrasha wíniaka nupettukcharmai.

Jrm. 1:18

Warí Jutanmaya̱ shuar nuyá̱ ni uuntri̱ tura ni yusri̱ takarniúri̱sha núnisaṉ ashí nuṉkanmaya̱ pepru ainia nu iismasha pepru wenuke̱ iwiartukar eṉkear utúachmin awajsamua núnin tura namincha jiruja̱i̱ pau najanamua ánin núnisnak náṉkamas aents waya̱wara̱i̱ṉ tusar wénuk yaṉkú jiruja̱i̱ najanamua núnin Wi áminkia awajsaitjiame.

Jrm. 1:8

Túrasha nu aentska ashamkaip. Warí Wi ámiji̱a̱i̱ṉkia pujá asan Wiki uwemtikrattajme” turutmiai Uunt Yus.

Jrm. 11:19

Wikia murik peṉké kajechuch mátniunam júam urukniuit núnikmajai. Winia mantuatai tusa chichaman jurutainiak jú̱nis turutiarmai. Numi nérentiuk emesratai matsatainia nú nuṉkanmaya̱ṉka tsupinkiati túramka ni náari̱nkia atakka peṉké enentáimtunsashtatui.

Jrm. 11:21

Tuma asamtai Anatútnumia̱ shuar winia mantuataj chichartuiniak “Uunt Yusa naari̱ pachismeka etserkaip ii uwejé̱n jáka̱i̱m” turutainia nuna Uunt Yus chicharainiak

Jrm. 18:18

Takui̱ chichainiak “Káunkatarum Jirimías chícham najatawarmi. Warí, Yúsnan takarniunka chícham jintíamuka taáttsashtatui tura chicharkatniusha neka ainia nunasha taáttsachartatui. Ántsaṉ Yúsnan etserniuncha chíchamka taáttsachartatui. Pai yamaikia winitiárum jiakarmi túrar ni chichame̱ṉka peṉké anturkachartai” tiármiayi.

Jrm. 2:1

Uunt Yus winia chichartak turutmiayi

Jrm. 20:10

Untsurí aents tsanumprutainian antukuitjiai. Ashamkatniuka ashí nuṉkanam awai. ¡Werí etsertuktarum, etsertuktarum! Ashí winia amikrusha unuk tiinti tusar nákarainiawai. Chichainiak “Anaṉkarkia maak túrar ni nupetkashtajiash túrar nuiṉkia yapajkiatai” tuíniawai.

Jrm. 20:11

Túrasha Uunt Yus Ashí Tujintkiachu wiji̱a̱i̱ pujawai. Tuma asamtai pataturainia nuka tukumkartatui túrasha nupettukchartatui. Ti natsant ajakártatui tura péṉker matsamsachartatui. Nuiṉkia tuke natsanmai̱ awajtai̱ peṉké kajinmatkichmin ajasártatui.

Jrm. 26:8

Kame Winia chichamur ashí shuar ujakárta. Uunt Yus timia nuna etserak umikmatai Yúsnan pujurniusha núnisaṉ Yúsnan etserniusha tura ashí shuar nui̱ pujuarmia nu Jirimíasan achikiar chicharainiak “Ámeka nekas jakattame” tiármiayi.

Jrm. 30:11

Warí Wi uwemtikrattaj tusan ámiji̱a̱i̱ pujustatjai tawai Uunt Yus. Uunt nuṉka mátsatkamu ainia nuja̱i̱ tura yajá tsakiṉmakarmaj nuja̱i̱ ashí amukártatjai. Antsu áminkia emesrashtatjame tura nekasa nuja̱i̱ métek asutiáttajme. Túrasha asuttsuk peṉké ikiukchattajme.

Jrm. 39:17

Nu tsawantinkia Wi aṉkant awajsattajme tura ame ashamamna nuna uwejé̱nkia surunkashtatme” tawai Uunt Yus.

Jrm. 42:11

Kame Papirúnianmaya̱ úunt akupniuka ashamarmena nu ashamkairap. Wi atumí uwemtikrattsan atumji̱a̱i̱ pujajai túran ni uweje̱ya̱ aṉkant awajsattajrume’ tawai Uunt Yus.

Jrm. 46:28

Ámeka winia takartin Jakupá ashamkaip. Warí Wi ámiji̱a̱i̱ṉkia pujajai tawai Uunt Yus. Kame ashí uunt nuṉka mátsatkamunam tsakiṉmakuitjiamna nu nuṉkanmaya̱ṉka nekasan amukártatjai. Túrasha áminkia amukchattajme antsu nekasa nuja̱i̱ métek asutiáttajme. Tura asan tunamkachua núnisnaka peṉké asuttsuka iniaisashtatjame” tawai Uunt Yus.

Tan. 3:25

Nuyá̱ ni chichaak “Wisha yamái kuatru áishmaṉkan ji keamunam ajapén jiṉkiarcharma tura ishichkisha esatsuk wekainian wainjiai. Tura kuatrua nú aishmaṉnumia̱ chikichik yusa uchirí̱ áiniana nuní̱ íiran wainjiai” tímiayi.

Wek. 14:9

Tura Uunt Yus kajerkairap núnisaṉ nu nuṉkanmaya̱ aentssha ashamkairap. Paṉ yua awajkattaji nin ayamprúktinkia peṉké atsawai. Antsu iin yaintmaktinkia Uunt Yusaiti. Sapijmiakairap” tiármiayi.

Tur. 26:17

Wats yamaisha Israer shuarchanum akupkátjame. Tura Israer shuar kajertamainiakuisha tura chíkich aents kajertamainiakuisha ayamprúktatjame.

Jus. 1:9

Wi ame Úunt Yusrum asan akupeajme, sapijmiatsuk tura yawe̱tsuk kakaram ajasta. Warí Wi ame Yúsrumchakaitiaj. Tuma asan tuí̱ṉkish wétatmena nui̱sha pujurtiatjame.” Uunt Yus nuna tímiayi Jusuin.